هل طلبات الكهرباء والسباكة تحتاج لعربية ربع نقل

**greenday** · 09-01-2013 01:54 AM

إن شاء الله هانزل اشترى طلبات الكهربائى بما فيها اسلاك السويدى وبرايز ولقم وبقية الطلبات فهل الحاجات دى وزنها كبير بدرجة تؤثر على السيارة يعنى هاحتاج اجيب عربية ربع نقل تحمل الحاجات دى ولا ممكن احملها عادى فى العربية او فى تاكسى وياريت حد يعرفنى لفة اسلاك السويدى 2 مم او 4 مم وزنها كبير ومنين اشتريها بالظبط لانى لقيت اكتر من محل اسمه السويدى فى العتبة فمين التوكيل الرسمى بالظبط وبالنسبة لطلبات السباك من مواسير وكده هل هاحتاج عربية ربع نقل مخصوص ولا ممكن احملها فى عربيتى ومعلشى لو اسئلتى هايفة شويتين

**hazoom2006** · 09-01-2013 02:14 AM

طلبات كهربا وسباكة ؟؟ ولا كهربا بس

لو على قد السلك والبرايز والمفاتيح ممكن تحطهم فى الشنطة

لو مواسير كهربا وطلبات كهرباء كامله ممكن تحتاج تاكسي علشان الشبكة اللى فوق

لو سباكة اكيد هتحتاج عربية ربع نقل كفاية البانيو والحوض وباقى الحجات

**A.Saad** · 09-01-2013 09:33 AM

الكهربا مش هتحتاج
لو العربية لادا زى ما شايف
بس تظبط اماكن الحاجة صح
السباكة
غالبا
لان هتجيب البانيو
الاحواض
لو هتعمل مواسير حديد دى بتبقى طولها 3 متر الواحد
وهتلاقى عربيات هناك فى الفجالة
ونصيحة
انزل بدرى
11 تقريبا
بيبقى المحل عايز يستفتتح وتعرف تفاصل
ولو يوم سقعة زى كدة
مصلحة
مفيش زباين
وتقاصل وتقوله بلاطفة
الرجل خفيفة من السقعة
فقول سعر حنين
كدة يعنى

**swimmer25** · 09-01-2013 01:41 PM

متهيألي لو سباكة يبقي قصدك المواسير واللواكير والمحابس والإكسسوارات العادية...بسيطة جدا ماعدا المواسير عشان طويلة ولو عرفت تظبطها بانك تدخلها وتخرج جزء منها موازي للعربية يبقي تمام
بالنسبة لحاجة الكهرباء دي هايفة جدا حطها في اي حتة في العربية...سلك..خراطيم عادي وسوستة...وشوش كهرباء...علب كهرباء كله شغال متقلقش
كمان عادي لو هتجيب كمان نجف او كشافات لانه بيبقي في كراتين والكهربائي بيجمعه
بس خلي بالك طبعا انت هتجيب حاجات قد ايه لا يكون المكان عندك مش هيكفي
تقدر تحط حاجات في ارضية الكنبة الخلفية وارضية الكرسي اليمين براحتك وحتي علي الكنبة نفسها بس متكنش تقيلة او بها زوايا حادة عشان الفرش
بالتوفيق

**M.Elgergawy** · 10-01-2013 09:30 AM

المشاركة الأصلية كتبت بواسطة greenday

الأسعار دى منين ياباشا ياريت تعرفنى المكان اللى فى الأسعار دى وكمان انا لما روحت العتبة لقيت اكتر من محل اسمه السويدى اشترى من اى واحد فيهم ولا فى حد اسعاره افضل

انا لسه جايب الحاجة من اسبوعين بالظبط
ال 2مم ب 132 ج سويدي اللفة
ال 4 مم 248 ج سويدي اللفة
من محل في التجمع الخامس