أخبار النجوم أيه في المطر ؟

**Samir Elshahawy** · 09-01-2013 02:37 PM

الأخوة و الأخوات الكرام / نجوم و نجمات هيونداي ..

أسعد الله أوقاتكم ...

عاملين أيه في الجو ده ؟

بصراحة أنا مثلج و قربت أتجمد في المكتب و مشغل التكييف علي السخن من الصبح بس برضه مافيش فايدة الهوا داخل بارد

و أخبار الهيونداي أيه معاكوا علي الطريق في المطر ده ؟

أنا الحمد لله الصبح كنت ماشي بهدووووووء مش عدم ثقة في العربية لا سمح الله و لكن علشام ما أغرقش حد و أنا ماشي و أحتراما للأخرين

لكن الحمد لله لما حبيت أشد و أكبس علشان أطلع بسرعة العربية أستجابت و لما حبيت أقف برضه وقفت بدون مشاكل الحمد لله بس نصيحة بلاش جري اليومين دول
أولا.. علشان الأرض مبلله و غرقانة ميه
ثانيا.. علشان ماتغرقش الاخرين بالمياه

ربنا يستر طريقنا جميعا

**akmm** · 09-01-2013 02:52 PM

ربنا يستر على الجميع فى الجو ده خاصه انه مستمر ليوم الخميس .

**friendship7897** · 09-01-2013 03:05 PM

المشاركة الأصلية كتبت بواسطة Samir Elshahawy

الأخوة و الأخوات الكرام / نجوم و نجمات هيونداي ..

إزايك يا بشمهندس / سمير
رغم إني مش من نجمات هيونداي ( أنا من نجمات اللانوس

) لكني دخلت لما لفت نظري أسم الموضوع
قولت مين الرومانسي دا اللي بيدور على النجوم في المطر ؟ هو فيه ناس لسة رومانسيين ؟!!

أصل أنا مأخدتش بالي من إن صاحب الموضوع هو إسمك لأنك تقريباً غيرت الأسم
وأحب أجاوب على السؤال من خلال فهمي الأولي للسؤال (النجوم والرومانسية والقمر والحاجات دي ) مش من خلال المقصود الإساسي من سؤالك وهو الإطمئنان على نجومك نجوم الهيونداويه :
النجوم في المطر الحمد لله كويسة وبتسلم عليك
وفيه ناس ممكن توريك النجوم في عز الضهر - ربنا يكفينا شرهم

**koshary** · 09-01-2013 03:13 PM

نيهاهاههاههاها النهارده الاكسيل اخدت دش مالوش حل كأنها راحت المصيف ورجعت مش عاوز اقولك يا أ/ سمير انى وقفت 3 مرات عالدائرى علشان امسح الازاز من كتر الطينة اللى بتيجى عليا من العربيات النقل بس الحمد لله لما روحت ظبطت العجل على 34 العربيه اترفعت خالص اليومين دول بس وبعدين اظبطه 30 تانى

**Samir Elshahawy** · 09-01-2013 03:14 PM

المشاركة الأصلية كتبت بواسطة friendship7897

إزايك يا بشمهندس / سمير
رغم إني مش من نجمات هيونداي ( أنا من نجمات اللانوس

) لكني دخلت لما لفت نظري أسم الموضوع
قولت مين الرومانسي دا اللي بيدور على النجوم في المطر ؟ هو فيه ناس لسة رومانسيين ؟!!

أصل أنا مأخدتش بالي من إن صاحب الموضوع هو إسمك لأنك تقريباً غيرت الأسم
وأحب أجاوب على السؤال من خلال فهمي الأولي للسؤال (النجوم والرومانسية والقمر والحاجات دي ) مش من خلال المقصود الإساسي من سؤالك وهو الإطمئنان على نجومك نجوم الهيونداويه :
النجوم في المطر الحمد لله كويسة وبتسلم عليك
وفيه ناس ممكن توريك النجوم في عز الضهر - ربنا يكفينا شرهم

حضرتك تنوري قسم النجوم دائما بمشاركاتك

فعلا انا قصدت الاطمئنان علي الجميع في مثل هذا الجو الغير عادي و أكيد حضرتك من ضمن المقصودين خاصة لو بتتوهي في المطر

أما النجوم في عز الظهر فدي بأشوفها كل يوم تقريبا علي الطريق

بس مش شرط انها تكون من هيونداي

**modo88** · 09-01-2013 04:39 PM

الجو رهيب جدااا والواحد قرب يتجمد ياهندسه
والاكسنت مولعاها علي الطريق كعادة الهونداي

مع انها رخمت عليا الصبح شوية في الدوارة لانها بقالها 5 ايام مدارتش ف البرد دا بس عادي :D

**dolly13** · 09-01-2013 05:37 PM

النجوم بردانين جدا جدا جدا
ايه الجو الحر البرد ده !
كل سنة وحضرتك وكل نجوم هيونداى بخير ويارب الشتا الجاى يكون اهدى من كدة شوية

**lanos2004** · 09-01-2013 05:54 PM

الجو جميل جدا ودافي

**original** · 09-01-2013 06:13 PM

سمير باشا نجم نجوم هيونداى..
كلله تمام وبما إنى فى اسكندرية العائمة! الفرامل مكنتش بتمسك كويس بعد الخروج من بحيرات المياه بس الحمد لله ربنا سترها ومفيش تأثير على الموتور..

**Rsarabia** · 09-01-2013 06:15 PM

الجو حر جدا و خامس دش اخده و مفيش فايدة :d
التكييف بتاع الالنترا كويس الحمد لله كنت عامله النهاردة على ال low
درجة الحرارة كانت 45
طبعا دى تخاريف برد و المظبوط انه يتعكس كل دا

الموضوع: أخبار النجوم أيه في المطر ؟

LinkBack

أدوات الموضوع

عرض

أخبار النجوم أيه في المطر ؟ - انشر الموضوع فى :

-

-

-

-

-

-

-

المواضيع المتشابهه

نداء الي النجوم : أين أنتم ؟

أخبار هامة و عاجلة بخصوص قسم النجوم

العربيات و المطر: هو اية اللي بيحصل بالظبط ؟ و ازاي نتفادى المشاكل دي اثناء المطر؟

الكلمات الدلالية لهذا الموضوع

المفضلات

المفضلات

ضوابط المشاركة