الموضوع: بعض أسرار لانسر شارك 2012

بعد السلام عليكم هخش فى الموضوع علطول

انا اكتشفت بعض الاوبشن فى شارك 2012 فحبيت أفيد اللى لم يكتشف الاوبشن ده

أولا : بعد ما تركن العربية وتبطل العربية قبل ما تشيل المفتاح من الكونتاكت دوس على رعاش النور العالى كأنك هتدى نور عالى هتلاقى نور العربية الواطى هيتغل لمدة 20 ثانية مثلا يعنى هتشيل المفتاح وتقفل عربيتك والنور منور عادى علشان لو انت فى حتة ضلمة المهم تقفل عربيتك عادى وبعد 20 ثانية تقريبا النور هيطفى لوحده .

ثانيا: وانت حاطت الفتيس على بارك ومشغل العربية هتقلب شاشة العرض الديجيتال اللى بين عداد السرعة والار بى ام عن طريق الزرار المدور اللى جنبها على الشمال المهم تقلب عن طريق الدوسة مرة واحدة ولما توصل الى سيتينج تدوس دوسة طويلة علشان تخش عليها وتقلب جواها عن طرريق الدوسة الواحدة بردو لحد متلاقى علامة الاشارات وفيها نوعين هتختار النوع التانى ثم تخرج بنفس الطريقة لانك هتلاقى فى اخر القائمة خروج بعد كده هدوس فليشر او اى من الاشارات يمين او شمال هتلاقى تون الاشارة اختلف يعنى النغمة اتغيرت .

ثالثا : زرار التكييف اللى وظيفتة عدم السماح لدخول الهوار من الخارج وده طبعا دايما منور علشان البوابة متفتحش ولا يدخل هواء من الخارج بس فى حاجة غريبة فى العربية دى ان حتى والزرار منور السيستم بيفتح البوابة احيانا لتجديد الهواء وده تلقائيا من النظام وعلشان نلغى الخاصية دى هدوس على الزرار وهو منور عادى لونج بريس يعنى دوسة طويلة لمدة 15 ثانية تقريبا لحد ما تسمع نغمة تيت تيت كده انت لغيت النظام ولتشغيلة دوسة تانية طويلة لحد ما تسمع تيت تيت تيت يعنى 3 تيت كده اشتغل وطبعا هو بينزل من المصنع شغال ولازم نلغى الخاصية لانن فى شوارعنا تراب غير بلاد بره وممكن تطلع على المعلومة دى من الكتالوج فى قسم التكييف .

ارجو انى اكون أفدت البعض وشكرا .

thanks