عربيات ماتزيدش عن 70 الف

**abdelrahmaaan** · 09-01-2013 10:00 PM

السلام عليكم انا بقالى فترة عمال افكر فى كذا عربية وبصراحة كل ما استقر على حاجة الاقى واحد او اتنين دخلوا قالوا كلمة وحشة تخلينى اغير رأيى وارجع لنقطة الصفر مع العلم ان دى تحويشة العمر وعايز حاجة متتعبنيش واهم حاجة تكون اسعار صيانتها حنينة وعلى اد الايد وطبعا الامان يكون فيها كويس لاستخدام عائلى ومش مهم السرعات العاليةوياريت تقولولى رينج كل عربية كام بالظبط

اوبل استرا 2006

اوبترا 2006

ماتريكس 2005

رينو ميجان 2006

دول الحاجات اللى بيدور تفكيرى حواليهم عايز اعرف مقارنة بسيطة بينهم وياريت متحيرونيش اكتر منا محتار ..شكرا

**AlGazar2** · 09-01-2013 10:45 PM

الامان مع الميجان تليها الاسترا
المصاريف الحنينه مع الاوبترا تليها الماتريكس

ارشحلك الميجان تكون حالتها حلوه و اعتقد مبلغ 70 الف يجيبولك عربيه حالتها ممتازه و فول اوبشن و ممكن تبقى 2007 كمان بس اهم حاجة حالتها

بعديها ارشحلك الاوبترا عربية حلوه و الناس كلها بتفهم فيها و قطع غيارها فى كل حته بس مفيهاش اى وسائل امان خالص

**abdelrahmaaan** · 09-01-2013 10:58 PM

المشاركة الأصلية كتبت بواسطة algazar2

الامان مع الميجان تليها الاسترا
المصاريف الحنينه مع الاوبترا تليها الماتريكس

ارشحلك الميجان تكون حالتها حلوه و اعتقد مبلغ 70 الف يجيبولك عربيه حالتها ممتازه و فول اوبشن و ممكن تبقى 2007 كمان بس اهم حاجة حالتها

بعديها ارشحلك الاوبترا عربية حلوه و الناس كلها بتفهم فيها و قطع غيارها فى كل حته بس مفيهاش اى وسائل امان خالص

ماهو للاسف انا عارف ان ميجان حلوة اوى بس بصراحة مش هقدر على مصاريفها اللى بيشتكى منها ملاكها اما الاوبترا حلوة وعلى اد الايد بس مفيهاش امان خالص مع انى ساعات بلاقى موديلات فيها اى بى اس ووسائد مش عارف ازاى ..انت لو مكانى تختار ايه؟

**samyyousef** · 09-01-2013 11:27 PM

مش عايز احيرك
بس اللي يخليك تشتري استرا 2006 يخليك تفكر في الفورد فوكس 2006 اوسع و اعتقد ان عفشتها انعم

**abdelrahmaaan** · 10-01-2013 01:38 AM

ماشى الفورد نفس مشكلة الميجان فى قطع الغيار وصعوبة تصليحها وصعوبة اعادة بيعها انا ميال اكتر للاوبترا وخليها على الله لو لينا نصيب هنموت فى حادثة لو راكبين دبابة هنموت وياما عربيات مليانة وسائل امان اللى فيها ضاعوا فى ثانية كله بتاع ربنا

**Sehsss** · 10-01-2013 02:01 AM

رايي الشخصي الميجان

**Land_Cruiser** · 10-01-2013 05:16 AM

ممكن تفكر صحيح فى النيسان الصنى . فيها كل اللى حضرتك عايزه و مشكلتها ان الكنبه اللى ورا ضيقه شويه بس شنطتها واسعه و قطع غيارها منتشره و اللى بيصلحوها كتير و سعر اعاده بيعها ممتاز و تكييفها تلاجه و هى كمان لسه بتنزل زيرو و نزل منها فعلا ٢٠١٣ تانى من كام يوم تانى

**eng.m7md.ali** · 10-01-2013 05:31 AM

العقل بيقول ميجان والاسترا في الامان

والارخص فيهم في مصاريف التشغيل هيا الميجان حاجتها ارخص من الاسترا

رأيي من رأي الرجالة حاول تدخل الصني في الموضوع بس بشرط تكون كاملة وفيها وسائل امان والا هتبقى زي الاوبترا والماتريكس

ممكن كمان تفكر في بيرسونا ودي مصاريف تشغليها اقل من الميجان طبعا وهتبقى تقريبا متساوية مع الصني

وطبعاً فيها وسائل امان زي ايرباجز وabs و ebd