الموضوع: لنسراوى جديد ومحتاج مساعده

استاذ / ابوعمر

...اولا ..........الف مبروك وربنا يباركلك فيها ويديك خيرها ويحفظك من شرها
.. ثانيا ... بالنسبة للسيور اشتريها من التوكيل عشان تضمن انها الاصلية وممكن تركبهم عند الميكانيكي بتاعك او تغيرهم فى التوكيل حسب راحتك
... ثالثا ... فلتر الزيت برضوه هاتوه من التوكيل وركبه بره والزيت انصحك بزيت كاسترول وانا بستخدمة من فترة طويلة وهات اللى بيتغير كل 5000 وهتلاقيه فى حدود 120 جنية وبسمع عن زيوت ليكو مولى الالمانى وبيقولو كويسه لكن ابعد عن الموبيل والاسو دول اى كلام
موضوع الشنطة دى سهلة يعملهالك السمكرى بتاعك فى دقيقة وانت واقف
اما بالنسبة لموضوع الاشارات والنور شوف الكهربائى بتاعك وهيظبطهم
... كلها حاجات بسيطة وان شاء الله هتبقى زى الفل معاك

انا معايا نفس عربية حضرتك وهيه بتنزل من غير كونسول في النص

المشاركة الأصلية كتبت بواسطة abo.omar

الحمد لله اشتريت بومه 2007 1300 كامله مانيوال ورشه برا وبـ 64 واشتريت بعقد مسجل

عايز اعرف ايه الصيانات اللى اعملها من زيوت وسيور وفلاتر وافضل انواع لكل باند فى الصيانه زز هى عامله 142900


وفى بعض المشاكل فيها احب اعرف حلها
لما بمشى واسرع بسمع صورت زى ما يكون فى هوا بيخش من ناحيه الدركسيون ككده وبيكون متقطع

لما ادوس فرامل فى تكه بتحصل الميكانيكى قال دى سوسته التيل

الشنطه لما ارفعها للنص كده بتنزل .. مش بتنطر لفوق

دراع النور والمساحات بيشتغل لوحده .. يعنى المساحات والنور بيشتغلو مع نفسهم

زرار الازاز اللى ورا مش شغال.. لكن الازاز سليم وبفتحه من الزراير اللى جمبى

اللوح بتاع فرش الشنطه مكسور

وفوانيسها الامامى مصفره جدا عايز احاول المعها

كف المرايا اليمين مش بيتحرك لفوق وتحت .. يمين وشمال فقط

ومالقتش بين الكرسيين الكونسول اللى بينهم .. هل هو فعلا مش موجود ( الفرش لونه رصاصى)

بس كده.. بس يا ريت مع الحلول اعرف الاسعار كمان

شكرااا

غير زيت موتور عندك شل وفى ليكوى مولى وفالفولين وكاسترول دول فى رأيى من احسن الانواع فى السوق دلوقتى
وطبعا السيور غيرها وهى الكاتينة والتكييف والدينامو

وبالنسبة لباقى المشاكل ممكن حضرتك تروح لورشة المتخصصون فى الاميرية لو حضرتك قريب منها عندهم ناس بتفهم وهايحلولك معظم المشاكل دى وبالنسبة للفوانيس روح لحد بتاع فوانبيس كويس يفك الفانوس وينضفه بس لازم يقفله صح علشان مايشبرش
وربنا يكفيك شرها