الموضوع: هنام متنكد

السلام عليكم ورحمة الله وبركاتة
امبارح كنت نايم متنكد بسبب الجى ام والكاسيت الجداد واللى الافندية عمالقة الصوت فى سبين الكوم مش عارفين يظبطولى حاجتى المهم فضلت طول الليل متنكد ومنكنتش لحد ظهر النهاردة ربنا الهمنى كلمت واحد صاحبى بيتعامل مع واحد كويسرحتلة ظبطلى الصوت تمام وبيز وتريبل وانا اصلا مش كييف بيز قوى انا يادوب سماعات بيضاوى ورا 550 وات وجى ام 350 وات وكاسيت جديد سونى
المهم خلصت وظبطت الصوت وغسلت العربية وانا راجع البيت واف فى اشارة مرور
عدى من جنبى راجل كبير بموتوسيكل وحكلى الباب اللى ورا اللى سكتنى عنه انه راجل كبير وبس
المهم اصلا هو كان بيحاول يعدى بينى وبين عربية جنبى مسافة متجيبهوش خالص
وقفت ىتحت البيت عملتها بالكمبوند والبولش مراحتش
رحت للبوهيجى قالى ارحلة فى يوم الصبح وهو يحاول فيها ولو مطلعش هيعمله بلم بوية
وبرضة هنام متنكد لاحول ولا قوة الا بالله

المشاركة الأصلية كتبت بواسطة elsebily

ياباشا عادى مفيش حاجه مستاهله والله انك تزعل عليها بس من الواضح انك بتخاف عالعربيه زياده شويه وبالنسبه للحاج بتاع الموتوسيكل فمكنش ينفع تسيبه لاني انا شخصيا دول عاملني قلق طول منا ماشي تلاقي حد طلع من يمينك ويخش في حتت ميتخشش فيها ويخبطوا ويحكو ولا هامهم حاجه كان المفروض تحاسبه عالحكه دي لانه غلطان زي ما انت بتقول

صحيح انا بخاف على العربية زيادة حبتين وبحبها قوى لانهاالوحيدة اللى اشتريناها من الزيرو ودافع فيها دم قلبى ولسة بسدد فى اقساطها لحد انهاردة فبزعل قوى على اى حاجة فيها وبخصوص بتاع الموتوسيكل اللى سكتنى عنه انه راجل كبير بس اما غير كدا انا مكنتش سيبتهوفى الاخر هاخد ايه معلش وانا مش هقول غير حسبى الله ونعم الوكيل

المشاركة الأصلية كتبت بواسطة m.al-hefnawy

معلش خير والحمد لله ... لو عاوز حد بتاع كاسيت وساوند وكده كويس فيه في طنطا واحد اسمه محمد حامد ... شارع محمد فريد مع حسن رضوان

تسلم ياباشا ربنا يخليك الساوند اتظبط والحمد لله وفى واحد فى شبين الكوم طلع بيفهم

المشاركة الأصلية كتبت بواسطة captain-ahmed

انت مأزم نفسك ليه بس يامااااااااااااااااااااا شفنا بص ف مواضيعي هتلاقي مره اتضرب عليا نار ف خناقه ماليش فيها اصلا والعربيه جايبه ازاز ورا والقايم لحد دلوقتي فيه بلي ولسه معملتوش وادي الموضوع ياسيدي كمان
http://www.nilemotors.net/nile/329383-a.html


وبقول الحمد لله اني نجيت بحياتي

مره بنت حكتلي الباب (شكلها كانت بتعاكس ) ههههههههههههههههههه

من شهر وانا بطلع مطب واقسم بالله كنت مشغل انتظار كمان وف شارع زحمه جداً واقصى سرعه للشارع كانت 10 كيلو ف الساعه وموقفتش فجأه ولا حاجه لأن مفيش سرعه اصلاً ولقيتلك هوووب واحد بيتكلم ف الموبيل وسرح وداخل فيا جابلي اكصدام

عاااااااااااااااااااااااا دي والله ياعم

بس من كتر الي شربته ف السواقه ف مصر اقسمت بالله ان بعد الشر بعد الشر يارب مايكتبها عليا ان لو حصل اي حاجه تاني كبيره ولا صغيره هحاسب الي عملها محاااااااسبة عسييييييييره

لأن كل مره بقول بسيطه وولا يهمك وبقول اخرها ايه 50 جنيه ولا 100 جنيه مش مستاهله وحرام العوض ومش العوض

لكن من اليوم والله لو مين ولو عملي حاجه تتكلف جنيه همشي بمبدء من افسد شئ عليه اصلاحه

لأن انا الي بيطلع عيني ف الاخر وبتعطل وبدفع بردووو

والله ياباشا زى ما قلت للعضو الكريم دافع فيها دم قلبى ولسة بسدد فى اقساطها وشاريها من الزيرو بزعل قوى عليها بس هعمل ايه قلبى اتحصر عليها كل ما بشوف الخط دا وخلاص

المشاركة الأصلية كتبت بواسطة off-road king

بعد التحية لأهالي المنوفية
بصراحة مفيش حد ف شبين أو طنطا تقدر تطمئن على نظامك الصوتي ف إيده
اللي تقدر تقول عليه أهو ماشي
الشرقاوي اللي ورا طب جنب سي آي سي
وبعده ع طول المحل اللي فاتج جنب نجيب محفوظ
غير كدا لأ لأ لأ
بس فيه حاجة
فاكر كار كلب اللي كان فاتح جنب أدريانو
أيووووووووووووووووووه
دا كان قمة في الإحترام
أنا زعلت جداً إنه قفل

اهلا بالبلديات
والله ياباشا بعد المعاناه السطوحى لقيتة كويس وظبطلى الصوت تمام وعلى فكرة دا كان شغال عند الشرقاوى وعلى فكرة نصيحة عاوز تركب حاجة جديدة انزل اشتريها انت بنفسك ورح لاى حد يركبهالك انا سالت فى الشرقاوى على السماعات قالى احسن حاجة السونى اكسبلود 550 وات قلتلة بكام ياعم قالى 390 بعد الخصم ولقيتها بتتباع فى ارخصهم ب 340 بس يمكن الشرقاوى كان يقصد 390 بالتركيب انا مسالتوش فى الحتة دى بس ارخصهم عموما ادانى اسعار اقل بكتير فى الجى ام والكاسيت والسماعات

المشاركة الأصلية كتبت بواسطة moaaz

احمد ربنا يا باشا ....فى ناس بتركن العربية بترجع مش بتلاقيها ...واهى خدت العين قدر الله و ماشاء فعل

الحمد لله والله راضى بقضاء الله بزعل بس من غشمية الناس وكل واحد فاكر نفسة فهلوى وسوبر مان وهيعمل بالموتوسيكل بتاعة اللى ميعملش ويخرب بيت الصين اللى بلتها بالموتوسيكلات والقرف دا

المشاركة الأصلية كتبت بواسطة carfreak92

متزعلش نفسك انا عارف انها تزعل بس احمد ربنا انها جت على قد كدا
الحمد لله ربنا يستر والبوهيجى يحاول يضيعه على قد ما يقدر لحسن انا متنكد على الاخر

والله كان معايا نوبيرا اخويا اتقلب بيها وصلحناها وبعديها ب 5 شهور انا عملت بيها حادثة جامدة الحمد لله انكم سلام وفداكم العربية


وبنقول الحمد لله يعنى احسن ما كانت تيجى فى حاجه تانيه ربنا يعوضك خير يا رب

الحمد لله