الموضوع: نازل أغير زيت للفيرنا .. أجيب ايه؟؟

انصحك بـ شل او فيسكو 5000 ( اسمه كده ده التخليقي )
مش قادر اقولك كاسترول بسبب انتشار مضروب في المحلات لكن هو زيت رائع
و الناس بتقول اشعار في ليكوي مولي لكن مجربتش الحقيقة

بس سؤال كنت بتحط زيت ايه و ليه عايز تغيره ؟

المشاركة الأصلية كتبت بواسطة naim82

كنت بحط شل 5000 بس فيه ناس قالتلى الموبيل حلو و الكاسترول ايدج برضه حلو

للأسف موبيل لاغلبنا تجارب سيئة معاه ع سبيل المثال معايا خلي صوت الموتور عالي و استهلاك البنزين كتيير و سحب سئ جداااا و مش بيكمل 5000 حتي و لزوجته تروح ده غير ان لونه كان بينزل زي ما بحطه
كاسترول حلو لكن للأسف المضروب خلي الناس كلها تقلق

بخصوص شل مفيش حاجة اسمها شل 5000 و مفيش زيت بعدد الكيلومترات الموضوع ده افتكاسه و اتحداك تلاقي شركة منزلة الزيت يقعد كام كيلومتر الموضوع تقريبي مش اكتر لأن بتفرق من جو لجو و من طريقة سواقة لأخري و من حالة موتور لاخر و هكذا

حضرتك بتابع حالة الزيت لزوجته و ريحته و عليه بتغير لكن فيه عربيات ينصح ان الزيت ميقعدش فترة كبييرة يعني مثلا عندي العربية المصنع بيقول ينصح ان الزيت ميقعدش اكتر من 5000 ك في الموتور هل ده معناه احط زيت اللي بيقوله بيقعد 5000 او المعدني يعني ؟؟ لأ طبعا لكن بحط زيت اللزوجة المذكورة او ع حسب المناسب للجو و انزله ع 5000 او اكتر او اقل ع حسب

و بالتالي حضرتك بتحط اللزوجة المناسبة للموتور و الجو المحيط بينا مش حكاية احط زيت 5000 و زيت 10000 و زيت 7000 او معدني و نص تخليقي و تخليقي
يعني ع سبيل المثال عندي اللزوجة المناسبة 10w30 لكن طبقا للجو 30 متنفعش و بالتالي احط 40 او 50 اما 10 ديه لزوجته في البرودة و كل ما قل كل ما كان الزيت في بداية العربية اخف و يوصل لأجزاء الموتور بسهولة

اما بخصوص الزيت اعتقد ان حضرتك بتحط شل HX5 15w50 لأنك بتقول 5000
طالما الزيت مريحك و مفيش منه مشاكل متغيرش الا لو عايز تغير للتجربة فقط و ده شئ يرجع ليك و في الحالة ديه لو عايز تجرب بس شوف ليكوي مولي او فيسكو و الكاسترول لو لقيته جيبه من البنزينة او موزع معتمد و تشوف تاريخ انتاجه ميكونش عدي عليه اكتر من سنة و كذلك بالنسبة لباقي الزيوت برده