سقف الحمام والمطبخ يتعمل سيراميك ولا لا

**greenday** · 14-01-2013 08:35 PM

كنت عايز اعرف هل الأفضل اعمل سقف المطبخ و الحمام سيراميك ولا يدهن عادى لانى خايف يحصل مشاكل فى المستقبل ونلاقى السيراميك وقع على دماغنا لا قدر الله بسبب مشاكل فى المواسير ولا حاجة ياريت اللى جرب الموضوع ده او عنده خلفية يقولى رايه

**ramy_gamal** · 14-01-2013 08:46 PM

لا مش بيتعمل

**AHMED12345678** · 14-01-2013 09:03 PM

ينفع يا باشا
سقف حمام ومطبخ شقة والدى سقفهم معمول من 17 سنه بالسيراميك
وسقف حمام ومطبخ شقة اخويا معمولين سيراميك من 10 سنين
وسقف حمام ومطبخ شقتى بردة معمولين سيراميك بردة وبقالهم سنتين
وكلهم زى الفل ومفيش اى مشاكل على الاطلاق والحمدلله

**itsonlyme** · 14-01-2013 10:01 PM

الموضوع مسألة اذواق بس أنا شايف ان سيراميك السقف ده شكله وحش.

ده غير ان أول حاجة جت في بالي لما سمعت عنه هي حكاية ان بلاطه تقع على نفوخ الواحد.

يعني في رأيي، شكلياً ومن حيث السلامة، قلته أحسن.

**دموع الثلج** · 14-01-2013 10:58 PM

ينفع يتعمل لكن ناس قليله اوى اللى بتعمله اصل ايه فايدة السيراميك ف السقف وشكله مش اوى فيه ديكورات شيك لاسقف الحمامات من الجبس او الجبسموم بورد واضاءات اجمل بكثير من السيراميك والموضوع ف الاخير اذواق

**أشرف العدوي** · 15-01-2013 12:47 AM

انا عامله بقالي 5 سنين و انا ساكن في اخر دور كمان ( يعني مطرة في الشتاء و جهنم في الصيف )
و الدنيا بيس جدا
لانه بيتلزق بأسمنت بس فبيبقى هو و السقف واحد يعني لو بلاطة وقعت يبقى السقف يقع معاها ( لازم السقف يكون على المسلح على فكره )
و تكلفة تركيبه بتبقى ضعف الأرضية

و على فكرة شكله تحفة جداً و خصوصاً لو عملت مثلاً الوزر الي في الحمام بالطول مش بالعرض و مشيته على السقف كمان ( للاسف الفكرة دي جاتلي بعد ما ركبت ماعملتهاش )

و هو احسن من العادي في حاجة
المطبخ بيبقى في زيوت فهما كانت خامة السقف هتتوسخ و هتبقى صعبة التنظيف
و الحمام رطوبة و بيقشر في الخامات العادية
علشان كدة انا عملتهم سيراميك و شكلهم جامد جدي

و الف مبروك مقدماً

**طارق _عبد السلام** · 15-01-2013 01:24 AM

الافضل تعمله لانه بيكون سهل التنظيف من بخار الزيت والذى منهاومن ناحيه بلاطه تقع دى انا عندى
الحمام والمطبخ من سنين وبعدين البلاط لو هيقع بيعمل اشارات زى شروخ فى الفواصل وحاجات زى كده وبيبان اثناء التنظيفبصراحه بيبقى جميل وممتاز

وبعدين انت شفت عندك فى سيراميك الحوائط بلاطه وقعت لوحدها؟؟؟!!!!!!!!!!!!!!
توكل على الله واعمله شكله ممتاز

**د.أبونضال** · 15-01-2013 03:16 AM

عندنا في الدقهلية كله بيعمل سيراميك في سقف الحمامات والمطابخ لأنه أنظف طبعا

-

الموضوع: سقف الحمام والمطبخ يتعمل سيراميك ولا لا

LinkBack

أدوات الموضوع

عرض

-

-

-

-

-

المواضيع المتشابهه

ايه رأيكم فى تربية الحمام والدواجن والخراف

سيراميك الشقة باظ

ياريت حد يفدنى فى طقم الحمام

حد عندة فكرة عن تركيب بانيو الحمام

فيش سيراميك للفونيس

الكلمات الدلالية لهذا الموضوع

المفضلات

المفضلات

ضوابط المشاركة