ممكن كتالوج و امكانيات لانسر 1600 الرياضية الكاملة

**civilpharaoh** · 25-07-2008 10:09 PM

يا ريت يا شباب لو حد عنده كتالوج لانسر 1600 الرياضية الكاملة بتاعت الوكيل المصري و لو حد يقولي ايه اخبار العربية دى و قوة موتورها و مقارنتها بالخليجي لاني خايف من الخليجي علشان موضوع الضمان...شكرا

**مصراوي جدا** · 26-07-2008 02:38 AM

اهلا بيك معانا في المنتدى يا استاذ civilpharaoh

كتالوج اللانسر 1300 و 1600 عادي وسبورت يمكن تحميله من الصفحة دي من موقع شركة مصرية (الوكيل)

http://www.mitsubishi-motors.com.eg/products/lancer/1600GLX/overview.html

كل تفاصيل المواصفات والكماليات مذكورة في الموقع وفي الكتالوج

بخصوص قوة الموتور فاللانسر 1600 المصري قوة المحرك 106 حصان صافي EEC net وده حوالي 115 حصان اجمالي SAE gross أما الخليجي فالمحرك فيه قوته 122 حصان اجمالي SAE gross

شركة ميتسوبيشي بتقول ان الخليجي لازم له بنزين 95 ومكتوب كده في ستيكر على تنك البنزين واحيانا تجار الخليجي بيشيلوا الاستيكر

مجربي العربية الخليجي هنا في المنتدى قالوا انهم بيحطوا لها بنزين 92 ومفيش اي مشاكل

فيه خليجي بضمان زي الرواس ضمان 3 سنوات وفيه ضمان سنتين وفيه سنه واحدة وفيه بدون ضمان

**civilpharaoh** · 26-07-2008 09:38 PM

جزاك الله خير يا استاذ مصراوي جدا وربنا يزيدك من علمه.انا بصراحة ميال اني اشتري الانسر من الوكيل علشان اريح دماغي ومش فارقة اوي 115 حصان من 122.انا اصلي مبزودش عن 120 او 130 وبكون كدة من وجه نظري طاير

**civilpharaoh** · 26-07-2008 10:21 PM

الموقع مش راضي يفتح لي لينك الكتالوج .ممكن لو حد عنده الكتالوج يبعتهولي pdfعلي الmail بتاعيcivilpharaoh@yahoo.com وله جزيل الشكر

**مصراوي جدا** · 26-07-2008 11:12 PM

تم الارسال

**tutty** · 27-08-2008 10:07 PM

أرجو مساعدتى بسرعة 00 حجزت لانسر كلاسيك أوتوماتيك خليجى حد يقولى نصيحة هى كويسة ولا أجيب مكانها ايه أنا مش خبير فى السيارات وطبعا أول مرة اشترى سيارة وخايف أغرق

**مصراوي جدا** · 28-08-2008 08:24 AM

المشاركة الأصلية كتبت بواسطة tutty

أرجو مساعدتى بسرعة 00 حجزت لانسر كلاسيك أوتوماتيك خليجى حد يقولى نصيحة هى كويسة ولا أجيب مكانها ايه أنا مش خبير فى السيارات وطبعا أول مرة اشترى سيارة وخايف أغرق

حضرتك مقولتش هي 1300 ولا 1600

لو 1600 يبقى اختيار موفق باذن الله من كل الجوانب واطمن انت اخترت جنيه دهب مش عربية

لو 1300 يبقى فيه سؤال مهم لازم تجاوب عليه : هل بتحب الجري والشد؟ لو الاجابة (ايوة) يبقى العربية 1300 أوتوماتيك مش هتناسبك لأنك هتحس انها مش بتسحب معاك كويس وتجميعها مش سريع انما لو الاجابة : (لأ .. أنا سواقتي هادية وعادية) يبقى مفيش مشكلة برضه وألف مبروك العربية ومش هتلاقي فيها شكوى باذن الله

ولو هي 1300 ممكن تعمل بحث هنا في منتدى ميتسوبيشي باسم (لانسر 1300) هتلاقي مواضيع كتيرة فيها أراء كتير هتفيدك في اتخاذ القرار