هبيع العربية

**احمد عزوز** · 16-01-2013 02:44 AM

مفيش حد ياجماعة يساعدني في موضوع الهوا اللي بيدخل من الهوايات عالفاضي والمليان طول منا ماشي بالعربية .... العربية بقالها عشرين يوم معايا وبدات ازهق منها جدا وبفكر ابيعها مع اني شاريها زيرو وهخسر الوف الجنيهات ..... اشكركم

**S O P H O S** · 16-01-2013 02:53 AM

ربنا يقدرك وتحل المشكلة
لكن دي مش مشكلة تخليك تبيع العربية دي فرأي ..

**aldesha989** · 16-01-2013 03:08 AM

مدام هى زيرو هل طلعت بيها على التوكيل ؟

**Optiplex** · 16-01-2013 03:20 AM

المشاركة الأصلية كتبت بواسطة احمد عزوز

مفيش حد ياجماعة يساعدني في موضوع الهوا اللي بيدخل من الهوايات عالفاضي والمليان طول منا ماشي بالعربية .... العربية بقالها عشرين يوم معايا وبدات ازهق منها جدا وبفكر ابيعها مع اني شاريها زيرو وهخسر الوف الجنيهات ..... اشكركم

واحدة واحدة كدة و اشرح بالتفصيل ان شاء الله لو قدرنا نفيد مش هانتاخر و مضايقشى نفسك دة موضوع صغير و هل قفلت الزرار بتاع البوابة الى جنب زرار التكيف

**abdo7000** · 16-01-2013 04:59 AM

ممكن تفاصيل اكتر عن الموضوع

**forti** · 16-01-2013 01:28 PM

مش لدرجة هبيع العربية يعنى كل مشكلة و ليها حل

**sakr_skoda** · 16-01-2013 05:33 PM

صاحب الموضوع فى بياناته عربيتين هيونداى ومتسيبوشى ياترى هو بيتكلم على انهى عربية فى قسم اسكودا؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

**inspiron** · 16-01-2013 11:57 PM

بصرف النظر عن إن ملفك الشخصي في عربيتين هيونداي وميتسوبيشي...يعني عادي ممكن تكون لسه محطتهاش في البيانات بتعتك.
وبردو بصرف النظر عن إن الموضوع بتاع إمبارح ( زهقت من تكييف الفانتازيا ) في الشتا اللي إحنا فيه..وإنك كاتب في العربية بقالها 20 يوم وسبحان الله النهاردة بردو بقالها 20 يوم..عااااااادي يا سيدي مش مشكلة..وأنا لا أشكك في كلامك لا سمح الله.ولا أكذبه.بل هي ملحوظة جات في ذهني ليس إلا..
وعلي كلِ..إذا كانت العربية معاك..فكل اللي هقوله إن العربية معايا من 2010.وطول ما التكييف مقفول..مفيش نسمة هوا بتدخل من الفتحات بتاعته.وإذا عندك غير كده يبقي تروح التوكيل يشوفولك إيه الموضوع..

إنما مش لدرجة إن إمبارح تقول زهقت من التكييف بتاع عربية ( زيرو ) والنهاردة تقول ( هبيع العربية ) .........يا راجل ده اللي بيشتري عربية زيرو وبيكتشف فيها عيب تقفيل بتغاضي عنه عشان ميبوظش فرحته بيها..مش شوية هوا يخلوك تقول هبيعها وأخسر فيها آلاف الجنيهات.....إذا كانت العربية معاك..ربنا يباركلك فيها ويديك خيرها ويبعد عنك شرها وافرح بيها..بالتوفيق..تحياتي