الموضوع: شراء سيارة بعرض سعر مختلف واكبر من فاتورة الشراء هل يترتب عليه ضرر للمشترى؟؟

المشاركة الأصلية كتبت بواسطة ahmed a.maksoud

معلش مش فاهم قوي........هل تقصد أن سعر الشراء مثلاً 100 الف و عرض السعر طلع ب 120 علشان المقدم اللى هتدفعه يقل ؟

المفروض لأ........مفيش ضرر إلا لو البنك بيطلب منك الفاتورة فى أى مرحلة.

شوف انا امبارح كنت بخلص اجراءات شراء الكروز من موزع معتمد لشيفروليه مصر وفى نص الكلام وبعد كل الخطوات قالى مدير البيعات ان فيه ملحوظه عايز اقولك عليها

قولت له خير؟؟

قالى انا حطلعلك فاتوره بــ 142000 بخلاف عرض السعر الى هو 149000 (السعر ده بعد خصم الف جنيه منه لان السعر الرسمى 150000) وقالى ان ده نظام الشركه عندنا

بينى وبينك انا قلقت وقولت افرض فيه إن فى الموضوع ويبقى فيه ضرر عليا فى المستقبل امام اى جهه تطلب منى الفاتوره فقولت اسألكم واستشيركم مليش غيركم واعرف خبراتكم فى الموضوع ده ايه لانه مش داخل دماغى

المشاركة الأصلية كتبت بواسطة walidzakzok

ممكن تكون لعبة عشان يضرب على الفرق

انا قولت كده برضه ................. بس كنت بسأل عشان اعرف الضرر بالنسبالى

المشاركة الأصلية كتبت بواسطة said kotb

اخي الكريم،

لا تقبل بما لا يتفق مع المنطق، وخليك في السليم.

هتدفع 149000 يبقى لازم تاخد ما يثبت ذلك، ولست مضطر لقبول ما يسبب لك الحيرة والقلق.

ده الى انا عملته ورفضت اتمام الشراء منهم ...... واتعودت الحاجه الى ماستريحش ليها الغيها على طول

المشاركة الأصلية كتبت بواسطة ahmed_rahem

الفاتورة بالمبلغ الاقل علشان الضرائب وانت بتدفع المبلغ بالكامل ويشيل الفرق من صافى الدخل، بالعربى تهرب ضريبى.

ولو ساعدته حبقى حرامى زيه

وممكن الدنيا تلف واتضر انا كمان الله اعلم الى جاى ايه

بس تعرفو وعشان انى لغيت الشراء منه التضريت انى اغير الورق فى البنك وده اخد 24 ساعه وبسبب التأخير ده سمعت ان العربيه حتزيد تانى 7000 فى ايه لحظه ووالله لو زات تانى ما انا شارى وعلى القصه كلها

ولعله خير محدش عارف الخير فين