الموضوع: نقاش حول افضل السبل لحمايه الالنترا من السرقه

يا باشا مش مهم جديدة ولا قديمة
المشكلة ان العربية بتتسرق فالنهاية

ربنا يسترها __ اعتقد 1- البحث عن جراج
2 - ركنة العربية جنب البيت تحت البلكونة او الشباك او اقرب مكان للسكن لو صعب توصيه حد قريب جدا كصاحب محل او بواب او جار
3 - الاشتراك مع اكثر من صاحب سيارة و صاحب محل فى المنطقة او الشارع اللى ساكنين فيه و تجيبوا واحد غفير تجمعولوه كل شهر مبلغ محترم و (( المهم تتابعوه علشان ماينامش لحسن المصريين عايزين دايما المتابعة ))
4 - مكان الركنة (( عدم تغطية السيارة - باب السائق ناحية الشارع مش الرصيف - الركنة فى مكان يكون منور بالليل مش ضلمة و لو تحت البيت سيب لمبة منورة بالليل - بالقرب من محل او مكان يكون الرجل عليه كتير و خاصة بالليل ))
5 - انزار و كلابش دريكسيون
و فى الاخر نقول يا رب (( و ان شاء الله ربنا يحمينا جميعا )) الفلوس اللى جت بيها العربية ربنا اعلم ان هى حلال و جت بتعب و شقا

انذار بوحدة فصل الدواره او طلمبه البنزين

المشاركة الأصلية كتبت بواسطة M_Marwan

يا جماعه مفيش غير الجى بى اس تراكر أفضل شىء لا قدر الله نزلت مالاقتش العربيه أقوم باعت

رساله صغيره cut engine العربيه حتقف مكانها اروح اباغ الشرطه بمكانها وحتى لو مجوش معايا

اخد كل جيرانى وصحابى واروح أجيبها

كمان فى ميزه فى التراكر انك بتحدد النطاق على الخريطه بحيث ميعرفش يهربها بره حدود البلد

الجهاز رخيص اوى خاصة فى الصين ( انا جايبه ب 500 جنيه ) واى كهربائى بيركبه بسهوله

انما أنذار بقى والعك ده ولا ليه اى لازمه

بيتباع فين ياباشا