فيليشيا 95 ولا فيرنا 2010. مقارنة غريبة بس هتفهم لما تدخل

**p r i n c e** · 17-01-2013 11:18 PM

السلام عليكم يا رجالة
انا قدامي عربية فيليشيا 95 تكييف تلاجة و راشة برا بس
ب 32 ألف بس ممكن تخلص على 30
السؤال دلوقتي يا رجالة أجيب فيليشيا ولا لأ؟ انا عاوز عربية مصرفش عليها غير بنزين و زيت.هل ال فيليشيا اعطالها كتير؟ و اخبارها إيه ف إعادة البيع؟
مع العلم اني ف شهر 4 هيجيلي فلوس كتير الحمدلله و ممكن اركب حاجة احسن.و في قدامي فيرنا 2010 ماشية 13 الف كيلو بس و هيا مانيوال فول اوبشن بتاعة واحد قريبي سعرها 54 ألف.عربية زيرو ب معنى الكلمة.قريبي ف السعودية و راكنها مراتو بتروح بيها الشغل كل يوم بس
اشتري ال فيليشيا ولا أصبر الشهرين دول و اجيب ال فيرنا؟
بالله عليكم ساعدوني ب آرائكم يا رجالة :-)

**egyptiandiver** · 18-01-2013 12:09 AM

felicia إيه بس يا باشا؟ في فرق 15 سنة بين العربيتين. حتى لو felicia حالتها حلوة و هي عربية محترمة و كل حاجة... فهي مهما كان داخلة في 20 سنة شغل و مش في أي شوارع دي شوارع مصر المحروسة! حتى لو افترضنا إن هي زيرو بالكامل و متشاله في الجراج 15 ولا 20 سنة من غير أي حركة أقل واجب البارومة هتسرح فيها و معظم الكوتشات هتشقق و دة منطقي في أي عربية خدمات السنين دي كلها. لو مضطر فدي قصة أخرى - ربنا يعملن جميعاً الصالح

**ahmed76** · 18-01-2013 12:47 AM

يا باشا لا تتردد لحظه طبعا اى عربيه 2010 افضل من اى عربيه موديل 95

**S O P H O S** · 18-01-2013 07:32 AM

انا راي الفيرنا هنا هتتفوق
والله اعلم ..

**original** · 18-01-2013 08:03 AM

الفيرنا أحسن وأحدث..

**aliabdo** · 18-01-2013 10:50 AM

اولا سعر الفليشيا كده مبالغ فيه هى عربيه ممتازه و كل حاجه و برقبه الفيرنا بس برضو فى فرق 15 سنه
الفيرنا احدث و اكيد انظف بس فى فرق 20 الف فى الحاله دى انت الى تحدد انت عايز ايه
و نصيحه فى الظروف بتاعت البلد اشترى حاجه رخيصه و شيل الفلوس فى البيت احسن
انا عملت كده كنت حشترى زيزو وبعدين رحت اشتريت فورد اسكورت محدش ضامن الايام الى جايه ايه وضعها

**Waleed_Fathy** · 18-01-2013 03:00 PM

بغض النظر عن سعر الفيلشيا هي عربيه مستهله مع واحد صحبي بيعيط منها
مع انه لما اشترها من سنتين كانت حالتها شاذه زي ما بيقول البعض
خليك فى الفيرنا توكل علي الله
و صلي استخارة الاول