محتاج راي ملاك الفانتزيا

**esp** · 18-01-2013 04:30 PM

مساء الفل
عايز مساعده من رجاله سكودا....

ركبت مع صاحبي الفانتازيا بتاعتو.....اخدت بالي ان في رجه خفيفه اوي ناتجه من الماتور و العربيه واقفه (زي ما يكون الر ب م مش مضبوط و لكنه ثابت في مكانه) فسالته عليها قالي ان اول مره ياخد باله و راح بعديها التوكيل قالولوا لا ده طبيعي و انت بس علشان ماخدش عليها (المهندس رفض انها تدخل الورشه علشان مفيش error و قالوا لو في حاجه كانت ظهرت و الكلام بتاع ضبط الidle و rpm ده انتهى و بقى بالكمبيوتر و مش زي زمان) طبعا صاحبي مدايق لانه بقى يحس بالرعشه و انا مضايق اكتر لاني اخدتلو باله منها و حاسس بالذنب.....

الخلاصه
١- هل الفانتزيا فعلا فيها رعشه او هزهزه بسيطه جدا و هي واقفه في الn او p؟ ولا العربيه فيها حاجه بايظه؟
٢- العربيه سعات مش بتسخن نفسها الصبح و الجو ساقعه و العربيه بتكون بارده تماما (تشغيله الصبح).....المهندس قالوا لا طبيعي!!!! سعات هتسخن و سعات لا!!!! الكلام ده مضبوط؟

**طارق _عبد السلام** · 18-01-2013 05:02 PM

الهزه الغير ملحوظه اظنها بنزين غير نظيف
التسخين الصبح طبيعى مع الدواره الار بى ام بريفع 10 وفتره بسيطه بينزل ل7 تقريبا
لكن العربيات الحديثه كلها تدور وتتحرك 60 ثانيه بالكتير
والقياده على الهادى
ومن ناحيه انها ما تسخن
اظن انا لو راجع بعربيتى الفجر مثلا
وهتحرك بيها 8 صباحا مثلا العربيه مش هتسخن ده تخمين على فكره
لان على طول بدور عربيتى بتسخن الصبح :)
وفى انتظار اراء الاخوه

**forti** · 18-01-2013 05:15 PM

الهزة البسيطة دى عندى بردو فى A4 .. اصلا العربيات دى المفروض نحطلها بنزين 95 زى ما مكتوب على التانك .. المهم انا التنك ده زودت عليه اوكتين Liqui moli و الهزة دى بقت تقريبا مش محسوسة .. فهيا بالاغلب مشكلة بنزين .. الاوكتين ده بيرفع البنزين من 92 مثلا ل 96

**esp** · 18-01-2013 06:56 PM

شكرا لجميع الاعضاء على الردود....يعني الرعشه دي بسبب البنزين طب و التسخين؟
لو اي حد من الاعضاء عندو اضافه ياريت ميبخلش :)

**شاهين - بنز** · 20-01-2013 04:29 PM

هزة العربية على السلانسيه بتبقى خفيفة جدا لكن بتزيد جامد لما بتحط على ال d ‎‏ وهي واقفة

بالنسبة للتسخين أنا عربيتي ٢٠١٣ وعمرها ماسخنت المتور لاصيف ولاشتا وأنا عن نفسي بشغل وبمشي على طول
وعلى فكرة العربية غالبا فيها حوار بيسخنها بسرعة وإنت ماشي لحد أما توصل لحرارتها الطبيعية لإنه خدت بالي إني يدوب ببقى لسه متحرك وبلاقي عداد الحرارة علي ووصل للنص بسرعة غير طبيعية