السويس

**ramy_gamal** · 19-01-2013 12:17 AM

مساء الخير
عندى مشوار فى السويس وانا من اسكندريه ف لو امكن وصف الطريق من بعد بوابات الصحراوى ولو امكن وانا راجع كمان بعد ما اخد طريق السويس ادخل ازاى على طريق اسكندريه الصحراوى
الف شكر

**M.Osama** · 19-01-2013 02:40 AM

انا هوصفلك وصف علي قد معلوماتي والاخوه الكرام يوصفولك بالتفصيل

بعد البوابات هتطلع الدائري يمين وتاخد الوصله الجديده تقريبا اسمها صفت اللبن وتنزل منها تفضل ماشي هتلاقي يفط لطريق السويس

او تطلع الدائري شمال وتفضل ماشي طوالي لا يمين ولا شمال لحد اما تعدي اول نفق وبعده بحوالي 8 كيلو هتلاقي منزل طريق السويس بس الوصله دي بتكون زحمه يعني لو طلعت يمين بتكون فاضيه اكتر

ف الرجوع برده نفس الكلام هتطلع الدائري شمال وتعدي منزل اسكندريه الزراعي وبعده ب 12 كيلو هتلاقي منزل اكتوبر تنزله انت كده علي المحور وبعد النفق هتلاقي منزل الصحراوي

جايز يكون في طرق تانيه بديله اسرع بس دا الي اعرفه والاخوه يفيدوك برده

**mohamed_selim** · 20-01-2013 10:33 AM

بعد البوابات ب 2-3 كيلو هتلافى المحور ... تعدى من تحته و تطلع يمين و هتمشى شويه (حوالى 10 كيلو) توصل للدائرى برضه من تحته و تطلع يمين و تخليك طوالى .... هتوصل لنفق مدينة السلام (هتمشى حوالى 25-30 كيلو على الدائرى لحد النفق) تنزله و تكمل حوالى 9 كيلو هتلافى مدخل للمطار على يمينك و بعديه نزلة الماظه .. ملكش دعوه بيها و تمشى حاجه بسيطه (300-400 متر) هتعدى من فوق طريق السويس و تنزل يمين (فى يفط) كده انت فى اتجاه السويس (المسافات تقريبيه بس عشان تبقى عارف هتمشى كتير ولا قليل قى كل وصله)

وانت راجع هتوصل للدائرى بس تطلع الطلعه اللى قبله و تخليك طوالى و تنزل نفق السلام و طوالى لحد المحور تاخد النزله اللى قبله و تمشى عليه و تنزل نزلة الصحراوى

الطريق ممكن (رايح و جاى) يكون فى حتت زحمه حسب التوقيت اللى انت ماشى فيه بس ده اسهل حاجه عشان الوصفه متكونش صعبه و تتوهك (و ممكن برضه اى طريق تانى يكون زحمه) فخليك فى الاسهل

ربنا معاك