الموضوع: حاجز 3-11-2012 واستلمت

السلام عليكم
ياجماعة انا هقولكم اللى حصل معايا بالظبط
انا حاجز 3-11-2012 وفضلت كل اسبوع اتصل بالفرع اللى انا حاجز فيه الدقى
وازن عليهم كل يوم لاستاذ / مايكل منير واستاذ / احمد عاطف
غير انى كنت عاملهم شوشرة على الفيس الصفحة الرسمية كل شوية وابتديت فى الشوشرة دى من اول شهر 12


وعلى المنتديات بردو

لانى كنت متوقع موضوع زيادة الدولار واحتمال ان العربية تغلى
وكنت بزن انى استلم بأى طريقة قبل اول السنة

ولما قربت على اواخر الشهر من يوم 20 -12 -2012
بدأت افقد الامل
لحد ما اتفاجئت بمكالمة من مدير الفرع الاستاذ / احمد عاطف
الساعة 10 بالليل يوم 25-12-2013 بيقوللى ياباشا ليك عندى خبر حلو
بس هو حلو ومش حلو فى نفس الوقت
وهو انك هتستلم بكرة ان شاء الله
قولتله الحمد لله
قاللى والتانى انك مش هتستلم فول اوبشن لانها لسه ماجاتش بس انت هتستلم هاف
قولتله لا طبعا وفى اخر المكالمة تراجعت وقولتله ادينى نص ساعة وهكلمك
خصوصا انه قاللى الاسعار هتغلى واكدلى اللى كنت متوقعه
ولما حسبتها مع نفسى قولت يلا مش هتفرق خصوصا انه هيسلمنى الهاف بنفس اللون اللى انا عايزه وهو الفيرانى
وفعلا استلمت والعربية معايا تمام ومش حاسس بفرق اوى
ولقيت فيها اللى مكانتش عارفه وكنت فاكره فى الفول اوبشن بس - لقيت فيها مفتاح ريموت ومالتى فانكشن فى الطارة
والحمد لله انى استلمت بـ 68 الف جنية قبل ما تزيد بـ اسبوع واحد
وفعلا الزن على الودان امر من السحر لانى كنت عاملهم كاللو فى دماغهم

وفى النهاية مقدرش اقول غير الحمد لله .

الله يبارك فيك , على فكرة الهاف جامدة جدا ومتفرقش عن الفول اوبشن الفرق اللى يخلينى ابقى متضايق
لانها فيها بوتوث ويو اس بى وفيها مالتى فانكشن ومعاها مفتاح ريموت وده اول مرة ينزل فى 2013
الفرق بس شكليا فى النواكل الزيادة وفعليا فى الايرباج وتعديل وضع الكرسى والطارة والسماعات الاضافية
ودة بالنسبالى مش فارق كتير