نفسى اعرف المية بتروح فين

**M!D0** · 19-01-2013 06:07 PM

دلوقتى كده وعلى نور عشان انا حاسس انها راكبها عفريت العربية مرة واحده سخنت منى جامد وحاسيتها خلاص هتولع بيا روحت بيها للميكانيكى قالى الكوعة بتسرب ركبنلها جوان وحطينا سيلكون وتمام وغيرتلها ترموثتات مفيش اى تسريب بس دلوقتى بقى المية كل يوم انزل احط ازازه ميه ومش لاقى اى تسريب من اى حته العربية مبقتش تسخن زى الاول اينعم بس برضه المية دى بتروح فين والريداتير انا لسه مسلكه ومننضفه بقالى شهر وطول الشهر ده ماشى والحرارة معدتش الربع دلوقتى هى تمام بس بتعلى عن الاول برضه ياترى دى مشكله ايه وطبعا احنا فى الشتا فا مش هقدر اعرف هى هتعمل معايا ايه فى الصيف

**dr_7ooda** · 19-01-2013 06:39 PM

شوف حضرتك موضوع انك تحط سليكون لكوعه بتسرب دا ما يفيش بالغرض خالص

لو الكوعه فيها صدا او تآكل لازم تتغير
وغالبا لو هيا فيها صدا يبقي بقيت المواسير والخراطيم ممكن يكون فيها صدا
وممكن كمان الماسوره اللي واخده من الكوعه وداخله المكنه يبقي فيها
وممكن طبب المكنه برضه وممكن الرادياتير للاسف كمان
وخلي بالك عشان الحوار خطر خصوصا عشان وش السيليندر
فافحص كل دورة التبريد دي وانشاء الله خير

**هيثم الدسوقى** · 19-01-2013 06:48 PM

هل بتسرب وهى واقفة ولا وهى دايرة بس ؟؟

**M!D0** · 20-01-2013 02:21 PM

المشاركة الأصلية كتبت بواسطة dr_7ooda

شوف حضرتك موضوع انك تحط سليكون لكوعه بتسرب دا ما يفيش بالغرض خالص

لو الكوعه فيها صدا او تآكل لازم تتغير
وغالبا لو هيا فيها صدا يبقي بقيت المواسير والخراطيم ممكن يكون فيها صدا
وممكن كمان الماسوره اللي واخده من الكوعه وداخله المكنه يبقي فيها
وممكن طبب المكنه برضه وممكن الرادياتير للاسف كمان
وخلي بالك عشان الحوار خطر خصوصا عشان وش السيليندر
فافحص كل دورة التبريد دي وإن شاء الله خير

انشاء الله هروح لبتاع الرادياتير واخليه يكشف على الدورة كلها

المشاركة الأصلية كتبت بواسطة هيثم الدسوقى

هل بتسرب وهى واقفة ولا وهى دايرة بس ؟؟

لا هى مش بتسرب بس هى المية بتتبخر ومش عارف بتروح فين بس طول ماهى واقفة مفيش حاجه بتنقص هى بتنقص وانا ماشى بس وبالذات لما بحرق

**حمدى الفنى** · 20-01-2013 03:23 PM

السلام عليكم ورحمة الله وبركاته عربيت حضرتك لما سخنت حصل تلف فجوان السلندر بشكل بصيط وده خلى المية تروح على غرفة الحريق وتطلع من الشكمان وجوان السلندر لما بيضرب بيضرب مية على زيت وتلاقى زيت المتور بقى طحينة وبيضرب زيت على مية وتلااقى زيت المتور فالردياتير وبيضرب مية على كبس وتلاقى المية بتروح على غرف الحريق وتخرج من الشكمان او تتبخر وبيضرب كبس على مية وتلاقى الكبس رايح على الردياتير وعامل بقليل لما تفتح الردياتير وهيا دايرة بس خدبالك ما تفتحش وهيا سخنة ده لو الطبب بتاعت المية فالبلوك سليمة شكرا

**هيثم الدسوقى** · 20-01-2013 04:13 PM

طالما وهى واقفة مش بتسرب يبقى تقريبا كدا زى ما حمدى قالك ان جوان وش السلندر طار

**M!D0** · 20-01-2013 05:05 PM

المشاركة الأصلية كتبت بواسطة حمدى الفنى

السلام عليكم ورحمة الله وبركاته عربيت حضرتك لما سخنت حصل تلف فجوان السلندر بشكل بصيط وده خلى المية تروح على غرفة الحريق وتطلع من الشكمان وجوان السلندر لما بيضرب بيضرب مية على زيت وتلاقى زيت المتور بقى طحينة وبيضرب زيت على مية وتلااقى زيت المتور فالردياتير وبيضرب مية على كبس وتلاقى المية بتروح على غرف الحريق وتخرج من الشكمان او تتبخر وبيضرب كبس على مية وتلاقى الكبس رايح على الردياتير وعامل بقليل لما تفتح الردياتير وهيا دايرة بس خدبالك ما تفتحش وهيا سخنة ده لو الطبب بتاعت المية فالبلوك سليمة شكرا

انا متشكر لحضرتك على المعلومه انا كنت شاكك فى كده بصراحة وهى فعلا المية بتبقلل بس انا بشوفها فى القربة عشان انا معنديش غطا فى الردياتير
وقلت اسال عشان انا خبرتى قليلة ولسه جديد فى عالم العربيات ومش عايز افضل الف على ميكانيكى وبتاع ردياتير وكل واحد هيقولى على حاجة فانا هغيره وإن شاء الله تبقى بسيطه وانا متشكر لحضرتك ولكل الناس اللى بتساعد

**M!D0** · 02-02-2013 02:46 PM

الحمد لله المية فى حالة استقرار دلوقتى طبعا مع تغير شوية حاجات بسيطة منها
1 جوان وش سلندر , جوان شكمان و فى جوانين تانين مش عارف اسمهم الصراحة
2 ردياتير جديد لانى بعد تغير الجوانات تانى يوم لقيت الكوع اللى فى الردياتير اتكسرت قومت مغيره كله
3 وده بقى كان السبب الرئيسى ان المية بتنزل وانا مش مصدق نفسى غطا القربة البلف بتاعه كان بايظ وهو اللى كان بينقص المية بس الحمد لله خلصنا خالص من موضوع المية والحرارة

الموضوع: نفسى اعرف المية بتروح فين

LinkBack

أدوات الموضوع

عرض

نفسى اعرف المية بتروح فين - انشر الموضوع فى :

-

-

-

-

-

-

المواضيع المتشابهه

نفسى افهم ...... نفسى اعرف

ليه كده نفسى اعرف !!؟؟؟!!!

نفسى اعرف ده اسمه ايه !!!!؟؟؟؟!!!!

نفسى اعرف عيب اية ؟؟!!

نفسى اعرف

الكلمات الدلالية لهذا الموضوع

المفضلات

المفضلات

ضوابط المشاركة