العربية بتاكل زيت وداخل على شنبررررر

**Ahmedmekky2000** · 19-01-2013 10:43 PM

السلام عليكم
محتاج مساعدة الأعضاء أصحاب الخبرة لأنى حديث العهد
عندى لانسر 2007 1300 وكنت عند الميكانيكى وشكوتى انى غيرتلها الزيت شيل 5000 ولمبة الزيت نورت بعد 800 كيلو فقط والميكانيكى لاحظ خروج أدخنة من الشكمان وقالى ان العربية فيها شمبر وقالى لما نفتح احتمال ندخل فى طقم يساتم كمان وقالى ان الموضوع ممكن يتكلف فى حدود 1000 جنية تحت العجز والزيادة..... وانا طالب المساعدة يعنى لو حد عنده تجربة سابقة وارتاح للحل يشور عليا بصنايعى محترم وموثوق فيه يكون شغله نضيف وهل موضوع حل الماتور ده ممكن يأثر على العربية فى حالة بيعها بعد كده.... كمان عايز أعرف أيه نوع المشاكل اللى ممكن تواجهنى اثناء حل الموتور ... وهل العربية ادائها بيكون أحسن بعد الموضوع ده ولا بيتأثر

**medokassem** · 19-01-2013 11:32 PM

عايز اروح لواحد يجبلك خلاصة اللي عندك بصابع رجليه الصغير وااقل واحد في الورشة من اللي شغالين عنده لو فتح في اي حته هيعمل اسم جااااامد
الورشة في الحرفيين وده من الاخر بيسقط مكن لتلات عربات وبيقفلهم ويطلعهم تاني يوم وانا قفلي فتيس بعد ناغير الكارونة وطلعني في نفس اليون الواد ده برنس وصنايعي شبعان ومهما اتكلمت من هنا لبكره عنه مش عوافيه نص حقه وانا هديك عنوانه واسمه وده يجبلك الخلاصة بمجرد مايسمع المكنه وهي في العربية من غير مايفك حاجة
ونصيحة اخوية ضيع يوم وروحله احسن ماتدبس في حوارات وتضيع العربية ووقت اكتر
اسمه احمد الشرقاوي البلوك اللي في ضهر كشري ابو مازن

**MITSUKERO** · 20-01-2013 09:23 PM

روح المتخصصون

راجع الموضوع ده :
http://www.nilemotors.net/Nile/329008-99.html

اتأكد علي الاقل منهم انه طقم شنبر و ان الصنايعي مش بيشتغلك لان مواتير الميتسوبيشي بتعيش جدا اسألني انا مفكتشي الموتور غير بعد 470 الف كيلو

**Ahmedmekky2000** · 24-01-2013 09:09 PM

شكرا للرد المفيد
فى الحقيقة العربية شافها 3 ميكانيكية وأكدوا على موضوع الشنبر وبصراحة انا متشائم وخايف افتح الموتور عشان كده حبيت استفيد من تجارب أعضاء المنتدى الكرام