حاجز يوم 1-11 وقالولي اه السعر هيزيد عشان ال24 ساعه دول

**amor777** · 19-01-2013 11:57 PM

بجد واللهي انا دمي محروق جدا من التوكيل وكرهت العربيه دي قوي انا كنت حاجز في فرع المهندسين يوم 1-11-2012 والنهارده كلمت الفرع رد عليه المندوب محمد ابو ضيف وده الي كنت حاجز معاه وقولتله انا حاجز من يوم 1-11 ولحد دلوقتي ولا حد كلمني علي التسليم مع انه بنفسه لما حجزت قالي ان شاء الله هتستلم علي اواخر ديسمبر قالي اه فعلا انا كنت لسه هكلم حضرتك بس مش عشان اقولك علي التسليم عشان اقول لحضرتك ان سعر العربيه بقي 82000 انا قولت له انا عارف ان الي حاجز لحد 31-10 هيزودوا عليه 2000 ج بس هوه انته عشان 24 ساعه هتزود عليه 10000 ج قالي اه يا فندم دي تعليمات ادارة وهما مشددين جدا علي الموضوع قولتله مش عشان يوم فرق ادفع 10000 زيادة قالي انا اسف يا فندم قلت له من الاخر انا مش هستلم بالسعر ده وكده يبقي هلغي الحجز بمنتهي البرود قالي الي حضرتك تشوفه حضرتك تبلغ بالغاء الحجز وخلال 48 ساعه يتم رد مبلغ الحجز .....
بجد حاجه تحرق الدم عشان يوم واحد ادفع 10000 والي يغيظ اكتر اني فعلا نزلت يوم 31-10 عشان احجز في فرع الدقي وملاقتش هناك محاسب وقالي مش هينفع تحجز في الفرع ده وطبعا روحت ونزلت اليوم الي بعده وحجزت في المهندسين والمندوب محمد ابو ضيف ده عارف الموضوع ده وفكرته بيه لاني كلمت فرع المهندسين ساعتها وهوه الي رد عليه و قالي تقدر تيجي بكره الفرع هنا المحاسب هيكون موجود وهوه مش علي لسانه غير احنا اسفين يا فندم دي التعليمات الجديدة مش حافظ غير الكلمتين دول باين
انا طبعا هسحب المقدم وعمري ما اجيب عربيه عارف ان سعرها علي الاوبشن الي فيها ده 72500 واجيبها ب 82000 عشان توكيل مستغل وعايز ينط بسعر العربيه ومش هيلاقي ظروف احسن من دي يعمل فيها كده ويبالغ في الزياده بالشكل ده
بجد حاجه تحرق الدم ونصحيه لاي حد حاجز متقبلش بالي بيحصل ده لان دي واللهي سرقه عيني عينك واسحب مقدم حجزك وخلي مخازنهم بقي تتملي بالعربيات وخليهم يفرحوا بالسعر الي هما زودوه ده بطريقه خياليه وغصب عنهم لما يلاقوا مفيش طلب خالص علي العربيه هيعيدوا نظر في الاسعار الغريبه دي لكن لو الطلب فضل موجود علي العربيه يبقي احنا نستاهل اكتر من كده

**Khaled Online** · 20-01-2013 12:12 AM

أنا شخصيا لغيت الحجز في نفس ليلة زيادة الأسعار. التوكيل بيدور على مكسبه ومن باب أولي العميل يدور على مصلحته

**amr.elsayed** · 20-01-2013 02:11 AM

اولا انا لو منك حكون مبسوط لان ممكن يكون ربنا يريد لك حاجة احسن او ممكن يكون بيبعد عنك ضرر ما اذا استلمت العربية
فقول الحمد الله وان شاء الله ربنا يكتبلك الافضل منها ويعوضك خير
.................
تانى حاجة التوكيل بيستهبل جدا لسبب واحد ان اللوجان المانيول سعرها اساسا مش 72500 لا لا لا
سعرها الاساسى 67000 جندى
يعنى غليت 13000 جنيه فى خلال 3 سنين ودة طبعا جشع ما بعده جشع مع عربية بالسعر دة
وانصح الناس كلها مش بس اللى بيشترى لوجان لكن كل الماركات ان يمتنعوا عن شراء السيارات فى هذه الفترة
لان فيه اسباب تانية كمان داخلة فى الموضوع مش بس استهبال الاسعار

**amr.elsayed** · 20-01-2013 02:24 AM

ايه دة انا حاسب غلط دى غليت 15 الف جنيه مش 13 من 67 الف ل 82 الف
دة ايه اللى احنا فيه دة يا جدعان

**ahmed_m_ashraf** · 20-01-2013 06:29 AM

حاجة تحرق الدم فعلا، مش كفاية إللي حاجز من التوكيل بيقعد يستنى بالشهور!!

المشكلة إن إللي فوضع حضرتك بيكون مستقر على حاجة وخلاص عدى مرحلة التفكير والمقارنة والحيرة إللي كلنا مرينا بيها ساعت الشراء، طيب دلوقت المفروض إنك تدور على بديل وتعمل تاني مقرنات، مثلا الصني أقرب حاجة معظمنا لو في نفس الوضع ممكن يفكر فيها بس المشكلة إنك لازم تتأكد مثلا إيه أخبار قطع الغيار وتوفرها خصوصا إن كان فيه كلام على كده مثلا وإيه أخبار العيوب هل فيه حاجة جوهرية ولا إيه الكلام؟ وللأسف الوقت ضيق لكل الكلام ده والقرار أكيد هيكون فيه نوع من الإستعجال. ومع ذلك أنا حاسس إن المستهلك المصري هيفضل يمارس هوايته الدائمة في الشراء تحت كل الظروف، وعروض كارفور الأخيره تشهد على كده!!

ياإما الحل التاني هو الإنتظار حتى تستقر الأمور، وبرضه محدش عارف الأمور ممكن تستقر على إيه دي حاجة في علم ربنا. بصراحة إحنا محطوطين في كماشة، ربنا يكون في العون.

يارب إرحمنا وعدي بينا الأزمة دي على خير.

**S O P H O S** · 20-01-2013 08:03 AM

ربنا يعوضك خير
معلش ..

**Land_Cruiser** · 20-01-2013 08:57 AM

رأيي ان حضرتك تلغى الحجز و تنتظر. طول ما الناس بتشترى و مفيش دولار فى السوق عمرهم ما هينزلوا السعر ابدا و لذلك المنطق بيقول ان حضرتك تستنى الدولار سعره ينزل او ان الطلب يخف عليها و ساعتها غصب عنهم هيضطروا ينزلوا السعر وخاصه ان الزياده فى السعر كبيره قوى لا تعوضها زياده فى الامكانيات و بالتالى اى حد سوف يشترى اليومين دول لو السعر نزل تانى الفلوس دى هيدفعها من جيبه لما ييجى بيبيع لأن ده مش سعر العربيه الطبيعى و الكلام ده مش على اللوجان فقط و لكن على اى عربيه سعرها قفز لفوق بسبب سعر الدولار فقط و دون اى تغيير فيها

**ahmedeg1** · 20-01-2013 08:57 AM

على فكره كل التوكيلات رفعت سعر عربيتها غبور وصل العربيه الهيونداى النترا الفئه اللى كانت ب 136 ل 150 الف جنيه احنا كنا هنبيع عربية حمايا امس لولا اننا قولنا نسال الاول على سعر العربيات و بالتالى لاغينا فكرة البيع تماما و سالنا فى تيوتا نفس الكلام و بعديين عاوزيين يمضونا على ورق علشان لو سعر العربيه زاد تبقى انتا ملزم بيه و لما سالته على السبب قالى سعر الدولار و لما قولتله لما الدولار سعره يتظبط بفرض انه نزل ل 5 جنيه او 6 جنيه الاسعار هتتظبط فكر فى الكلام و ماردش احنا لازم نقاطه يا جماعه الجشع ده لازم يبقى لينا وقفه

**amor777** · 21-01-2013 10:57 AM

ذات مومنت
لما تكلم مندوب المبيعات في التوكيل وتقوله العربيه تزيد 10000 كتير جدا يرد عليك ويقولك يا فندم احنا بالسعر ده وبنخسر في العربيه ده ممكن يكون في زيادة تانيه علي سعر العربيه الايام الجايه
You Feel Like
أيه يا ولاد ............* في ايه ^ _ ^

تنبيه بمراعاة أداب الحوار
م ع 3

**Khaled Online** · 21-01-2013 02:13 PM

المشاركة الأصلية كتبت بواسطة amor777

ذات مومنت
لما تكلم مندوب المبيعات في التوكيل وتقوله العربيه تزيد 10000 كتير جدا يرد عليك ويقولك يا فندم احنا بالسعر ده وبنخسر في العربيه ده ممكن يكون في زيادة تانيه علي سعر العربيه الايام الجايه
You Feel Like
أيه يا ولاد ............* في ايه ^ _ ^

بصراحة لا تعليق

الموضوع: حاجز يوم 1-11 وقالولي اه السعر هيزيد عشان ال24 ساعه دول

LinkBack

أدوات الموضوع

عرض

-

-

-

-

المواضيع المتشابهه

سعر النيو صني هيزيد -والله أعلم-

سعر نيو سيراتو2011 هيزيد تاني!!

اكسارا2 ولا جولف تسعينات عشان السعر

مشكلة الدوارة لما اركن العربيه شويه نصف ساعه او ساعه

انا سمعت ان العربية سعرها هيزيد تاني

الكلمات الدلالية لهذا الموضوع

المفضلات

المفضلات

ضوابط المشاركة