صباح الفل علي كل اعضاء نايل موتورز انهاردة بأذن الله اصورلكم عربيتي امجراند7 واقولكم

**el_pop_222** · 20-01-2013 04:47 AM

صباح الفل علي كل اعضاء نايل موتورز انهاردة بأذن الله اصورلكم عربيتي امجراند7 واقولكم علي كماليتها ومميزاتها واجاوب علي اي سؤال بخصوصها انا لسة جايبها من معرض الليثي اللي في مصر الجديدةانهارده السبت19/1 تسليم فوري ب83000زيادة 500 جنيه عن الحجز ولا1000 والمعاملة اخر احترام وذوق وانا جبت اللون الاسود اللي باعتبره احسن لون فيها الموضوع والصور هيكونوا موجودين علي الساعة 6 المغرب ده اقصاها وده اول موضوع ليا علي المنتدي زي مابنستفيد من خبرات اعضاء نايل موتورز لازم نرد الجميل وخصوصا ان العربية جديدة وفي كتير عايز يعرف عنها اكتر

**S O P H O S** · 20-01-2013 07:58 AM

الف مبروك يا باشا
في انتظار تقريرك ..

**Land_Cruiser** · 20-01-2013 08:17 AM

الف مبروك و ربنا يديلك خيرها و يكفيك شرها

**zadgo** · 20-01-2013 08:33 AM

الف مبرووووووك ويارب يديك خيرها ويكفيك شرها
وفى انتظار التقرير والصور

**hammoda** · 20-01-2013 04:18 PM

فعلا شعب على نىاته قرفتونة بالعربية دى من شهرين فى كل المنتدىات لحد ما الواحد عاش الوهم وهيموت عشان اشوفها على الطبيعة وكانت الصدمة امبارح وانا فى معرض اتوماك عربية فقيرة جدا واقل بكتيييييييير من الf3والبريليانس fsv وتقفيل سىء جدا

**mohdfouda** · 20-01-2013 04:32 PM

الف مبروك يا باشا

**AMIR FAROUK** · 20-01-2013 07:16 PM

المشاركة الأصلية كتبت بواسطة hammoda

فعلا شعب على نىاته [overline]قرفتونة[/overline] بالعربية دى من شهرين فى كل المنتدىات لحد ما الواحد عاش الوهم وهيموت عشان اشوفها على الطبيعة وكانت الصدمة امبارح وانا فى معرض اتوماك عربية فقيرة جدا واقل بكتيييييييير من الf3والبريليانس fsv وتقفيل سىء جدا

مع احترامى لحضرتك طبعا لكن ممكن تقول الكلام ده واكتر منه كمان بس فى موضوع مستقل او موضوع بينقد العربية مش مداخلة فى موضوع واحد دافع دم قلبه فيها واستلمها وفرحان بيها وتقول ( قرفتونة ) !!!!!!!

ولصاحب الموضوع ربنا يديك خيرها ويكفيك شرها يارب الف مبروك عليك

**hammoda** · 20-01-2013 07:43 PM

يعنى انافق واضحك على الناس الراى دة للي هايفكر يشترى وطبيعى هيخش الموضوع دة علشان يشوف ردود الناس على العربية دى

**hugan** · 20-01-2013 08:07 PM

1000000
مبروك العربيه
في اانتظار الصور
تعليق صغير من الواضح ان الامجراند هاتثير غيره بعض ملاك الصيني
سواء البريليانس او الاسبرانزا
لان الاخ اوسا عضو في المنتدي يمتكلك 516
عامل حرب علي العربيه
ونفس طريقه التعليقات السابقه