الموضوع: إتفضل إسأل فى التصوير والكاميرات - موضوع متجدد

طبعا انا بصيت على الصفحه على السريع و لسه شايف النهارده الصوره على cpc و بصراحه مقدرش اتكلم اساسا
نخش بقى في الموضوع
دلوقت انا عندي كاميرا نيكون d5100 و جايب فلاش خارجي sb 700 speed light
المشكله ان الكاميرا مفيهاش اوبشن يشغل hi sync flash و اسمه في النيكون FP والموضوع اقول لك رخم في ايه
دلوقت لو بتصور portrait و الشخص واقف في الضل و الباك جراوند شمس لو خدت الشوت هيطلع الشخص مظلم و الباك جراوند مظبوطه
لو شغلنا الفلاش عشان الشخص يظهر هتلقى الشتر سبيد سرعته نزلت لحد ١/٢٠٠ عشان يعمل sync مع الفلاش ومش هيقبل منك سرعه اعلى فبتكون النتيجه الشخص بيظبط عشان خد فلاش و الخلفيه طلعت اوفر اكسبوجر
يا ترى ايه الحل لو انت مكاني
١- استعمل فلتر لتخفيف حدة الاضاءه و تمشي مع الشتر البطئ
٢-ازود ال f-stop بس هيكون في حده في تفاصيل الخلفيه يعني مفيش عزل
٣-اغير الكاميرا و على فكره النيكون ال d7000 فيها الاوبشن انك تقدر تعلي سرعة الشتر لاخرها و انت فاتح الفلاش

المشاركة الأصلية كتبت بواسطة hany63

طبعا انا بصيت على الصفحه على السريع و لسه شايف النهارده الصوره على cpc و بصراحه مقدرش اتكلم اساسا
نخش بقى في الموضوع
دلوقت انا عندي كاميرا نيكون d5100 و جايب فلاش خارجي sb 700 speed light
المشكله ان الكاميرا مفيهاش اوبشن يشغل hi sync flash و اسمه في النيكون FP والموضوع اقول لك رخم في ايه
دلوقت لو بتصور portrait و الشخص واقف في الضل و الباك جراوند شمس لو خدت الشوت هيطلع الشخص مظلم و الباك جراوند مظبوطه
لو شغلنا الفلاش عشان الشخص يظهر هتلقى الشتر سبيد سرعته نزلت لحد ١/٢٠٠ عشان يعمل sync مع الفلاش ومش هيقبل منك سرعه اعلى فبتكون النتيجه الشخص بيظبط عشان خد فلاش و الخلفيه طلعت اوفر اكسبوجر
يا ترى ايه الحل لو انت مكاني
١- استعمل فلتر لتخفيف حدة الاضاءه و تمشي مع الشتر البطئ
٢-ازود ال f-stop بس هيكون في حده في تفاصيل الخلفيه يعني مفيش عزل
٣-اغير الكاميرا و على فكره النيكون ال d7000 فيها الاوبشن انك تقدر تعلي سرعة الشتر لاخرها و انت فاتح الفلاش

أولاً شكراً على مجاملتك الرقيقة
ثانياً
معاك حق فعلاً النيكون d7000 بتعمل Hi Sync مع السبيد لايت وتقدر ترفع الشاتر فوق ال 1/200 والفلاش شغال ، وده مطلوب فى حالة زى اللى حضرتك بتوصفها
بس قوللى
ليه إنت فكرت تقلل ال exposure بإنك تزود الشاتر ؟ ليه ماحولتش تقفل العدسة شوية عند f/8 مثلا ؟
ده هيؤدى لنفس نتيجة رفع الشاتر وكفيل إن الخلفية تضلم شوية
ومع ذلك لو مش عايز تقفل العدسة عشان محتاج تعزل الأوبجت عن الخلفية ، ومش نافع ترفع الشاتر أكتر من كدة مع الفلاش عشان الكاميرا مافيهاش الخاصية دى
ممكن تشغل الكاميرا على ال High Burst وتلقط 3 صور HDR بفرق إكسبوجر 1 إف ستوب أو 1.3 مثلاً حسب ما هى محتاجة ، بس فى الحالة دى هتحتاج تدخل ال 3 صور دول على برنامج عشان تاخد صورة واحدة ب إكسبوجر مظبوط
التريكة التانية إنك ممكن تقلب السبيد لايت مانيوال وتعمل exposure compensation من الكاميرا بحيث تقلله شوية 1 أو 2 إف ستوب ، وتشغل السبيد لايت على المانيوال موود بقوة أكبر من اللى كان قارأها على الأوتو ب 1 أو 2 درجة برضه ، فى الحالة دى لما تاخط اللقطة الكاميرا هتنزل الإكسبوجر درجة أو درجتين فالخلفية هتظبط وفى نفس الوقت اللى انت بتصوره هيطلع مظبوط لأن الفلاش كان ضارب عليه بدرجة أو درجتين زيادة برضه
طبعاً ال نيكون d7000 من الكاميرات الجميلة الحقيقة اللى أنا بحبها برغم إنى كانون ، بس مش معقول تغير الكاميرا عشان حاجة زى كدة ، ومن حيث المبدأ إشتغل بال 5100 لأنها برضه كويسة وفيها نفس سينسور ال 7000 ولما تنقل إنقل نقلة كبيرة إن شاء الله على فول فريم دى 600 أو دى 800 ربنا يكرم

استاذ و الله
احب الناس اللي افكارهم مرتبه
اولا شكرا على الرد السريع و المعلومات المفيده جدا و معلش هتناقش مع حضرتك في النقط اللي حضرتك ذكرتها:

1- الحل الخاص بفتح العدسه على الاخر اول حاجه فكرت فيها و قلت اعملها على F11 و بناقص العزل بس اللي اعرفه ان الشتر سبيد هو اللي بيتحكم تحديدا في ال ambient light و هو ده المشكله
هل فتحة العدسه برضه ليها دخل بال ambient light في الباك جراوند؟
ولا هي مختصه بالاضاءه اللي على الاوبجكت فقط؟

2-هل ينفع اني اصور بورتريه HDR ؟
هو انا باستخدم الخاصيه اللي موجوده بالفعل في الكاميرا و (هي بتعملها اوتوماتيك بدمج صورتين) و خصوصا لو بصور شخص ايندور صباحا و وراه قزاز شباك او محطوط على الشباك مثلا ستاره بيضه مدخله اضاءه عاليه و بتظبط معايا

3-بالنسبه لحتة اني انزل بال exposure compensation و اقلب الفلاش مانيوال انا شايفها فكره كويسه و هاجربها بس تشغيل السبيد لايت على المانيوال موود بقوة أكبر من اللى كان قارأها على الأوتو ب 1 أو 2 درجة مش عارف اعملها ازاي
متهيألي ما لمحتش في الفلاش النيكون في ال ttl mode حاجه بتقول هو هيضرب بقوة كام عشان ازود عليها في المانيوال بس ممكن الواحد يجرب لحد ماتظبط

و في النهايه باشكر حضرتك جدا جدا على كرم اخلاقك و لو النتيجه ما ظبطتش اسمح لي اغلس عليك و اقابلك في الرحاب (اصلي ساكن قريب منك) اي يوم صباحا عشان اظبطها معلش بقى حضرتك جبته لنفسك

المشاركة الأصلية كتبت بواسطة hany63

استاذ و الله
احب الناس اللي افكارهم مرتبه
اولا شكرا على الرد السريع و المعلومات المفيده جدا و معلش هتناقش مع حضرتك في النقط اللي حضرتك ذكرتها:

1- الحل الخاص بفتح العدسه على الاخر اول حاجه فكرت فيها و قلت اعملها على F11 و بناقص العزل بس اللي اعرفه ان الشتر سبيد هو اللي بيتحكم تحديدا في ال ambient light و هو ده المشكله
هل فتحة العدسه برضه ليها دخل بال ambient light في الباك جراوند؟
ولا هي مختصه بالاضاءه اللي على الاوبجكت فقط؟

2-هل ينفع اني اصور بورتريه HDR ؟
هو انا باستخدم الخاصيه اللي موجوده بالفعل في الكاميرا و (هي بتعملها اوتوماتيك بدمج صورتين) و خصوصا لو بصور شخص ايندور صباحا و وراه قزاز شباك او محطوط على الشباك مثلا ستاره بيضه مدخله اضاءه عاليه و بتظبط معايا

3-بالنسبه لحتة اني انزل بال exposure compensation و اقلب الفلاش مانيوال انا شايفها فكره كويسه و هاجربها بس تشغيل السبيد لايت على المانيوال موود بقوة أكبر من اللى كان قارأها على الأوتو ب 1 أو 2 درجة مش عارف اعملها ازاي
متهيألي ما لمحتش في الفلاش النيكون في ال ttl mode حاجه بتقول هو هيضرب بقوة كام عشان ازود عليها في المانيوال بس ممكن الواحد يجرب لحد ماتظبط

و في النهايه باشكر حضرتك جدا جدا على كرم اخلاقك و لو النتيجه ما ظبطتش اسمح لي اغلس عليك و اقابلك في الرحاب (اصلي ساكن قريب منك) اي يوم صباحا عشان اظبطها معلش بقى حضرتك جبته لنفسك

يا باشا تشرف فى أى وقت
بالنسبة للفتحة والشاتر الإتنين بيتحكموا فى ال ambient light زى بعض عشان كدة إسمه exposure triangle أو مثلث التعريض ، اللى هو الشاتر فتحة العدسة والأيزو ، أى حاجة منهم ممكن تغطى دور التانية بالنسبة لكمية الضوء (لو الجسم ثابت عشان مانخشش فى مسألة الحركة) تمام
ال HDR ينفع تصور بيه أى حاجة ، وبالنسبة للبورتريه ممكن طبعاً ماهو أنا عشان كدة قولتلك شغل على ال Burst mood يعنى 5 صور فى الثانية مثلاً حسب سرعة الكاميرا ، لأن فى البورتريه ممكن اللى بتصوره يتحرك ويبوظلك الصور قبل ما تلحق تاخد 3 صور ، أما لو بتصور مبانى أو لاندسكيب براحتك بقا بتبقا أسهل طبعاً
بالنسبة للفلاش اقلبه مانيوال وجرب اعمله 1/4 مثلاً وخد لقطة وشوف ، جرب فى أى حاجة فى البيت حطها ووراها شباك منور أو فى بلكونة وانت هتقدر تحدد
بالتوفيق يا باشا وأهلاً بك جار عزيز

المشاركة الأصلية كتبت بواسطة Ahmed A.Maksoud

صورك رائعة بسم الله ما شاء الله

معلش عندي إستفسار بعيد شوية عن التصوير كفنيات

عندي ترايبود كنت بستخدمه زمان شوية و بعد كده جبت واحد مانفروتو و القديم كنت مخزنه...........طلعته من يومين بالصدفة لقيت قطع الكاوتش اللى بتبقى فى أخر الأرجل من تحت فيه 2 منهم مش موجودين و كمان القطعة اللى بتركب فى الكاميرا من تحت و بتستخدم فى تثبيت الكاميرا على الترايبود.

يا ترى الحاجات دي ممكن تتجاب من مكان بحيث أنى أركبهم و يبقى ترايبود أحتياطي أو حتى لو حبيت أبيعه يبقى سليم.

الصورة للتوضيح......قطعة الكاوتش الموجودة هى اللي معلم عليها بالأخضر و اللى مش موجودة معلم عليها بالأحمر.

ربنا يكرمك

هو بالنسبة للرجل مش مشكلة ممكن تشيل الكاوتشة اللى فاضلة وتشتغل من غيرها خالص لو حسيت إنه هيبقا ثابت كفاية
الحتة اللى ناقصة اللى بتثبت الكاميرا حسب شكلها ، ممكن تلاقيها عند الكينج ، بس الحقيقة أتوقع إنه صعب تلاقيها لأن الكينج هيقولك عندى ترايبود أخوه ب 150 جنيه مثلاً فيقولك خد واحد جديد
عموماً عشان ماتخسروش خالص إنت ممكن تشيل الكاوتش اللى فى الرجل التالتة وتستعمل الترايبود ده إنك تثبت الفلاش عليه لو عندك فلاش ، اربط قاعدة الفلاش اللى جاية لوحدها فى الترايبود بأفيز بلاستيك وركب الفلاش عليه لما تحب تشتغل off camera flash
أو إستعمله فى إنك تثبت عليه أوبجت معين أو إضاءة

غالبا الموضوع هاستغله لحسابي
و انا بصور شخص واحد طبعا بختار single point focus و احطها على عين الشخص
و مفيش مشاكل
طب لو بصور عدة اشخاص في نفس المستوى في الكادر استخدم نفس التكتيك ده و احط النقطه على عين اي واحد على اساس انهم في depth of field ولا اخلي الفوكس. auto area -af