قدر الله و ما شاء فعل ... عملت حادثة النهاردة

**gebreel** · 20-01-2013 11:58 PM

النهردة الصبح وانا رايح الشغل على الطريق الصحراوي لبست فيا تريلا بقلاب من ورا و البيه المحترم طلع يجري

طلعت جريت واره و قفلت عليه الحارتين اللي ممكن يطلع منهم انا و كام عربية ثانيين و وقفناه فعلا في الحارة الشمال و رايحن علشان ننفخه وانا قدام عربيته راح طالع و كان هيفرمني تحت عجله و عدا الجزيرة اللي في النص اللي بيجهزوها علشان توسع الطريق من حارتين ل4 او 6 حاجة كدة و اخدها جري عكسي

الطف حاجة في الموضوع بقى ان 122 مبتردش و جالي امين شرطة بموتوسيكل بقله خبطني و جري بيقلي اخدت نمره قلتله العربية من غير نمر وانا متنرفز فالبيه المحترم المبجل يقلي انت بتعقلي لييييه متزعقليش وانا اعملك ايه يعني عربية من غير نمر ايه المطلوب مني ...

حد يقلي بقى ارد عليه اققله ايه؟ سيبته و مشيت و طلعت على التوكيل عملت مقايسة طلعت بالضريبة 19000 جنيه

دلوقتي انا عاوز اعرف بقى الشرطة المبجلة بتاعتنا دي المفروض بتتنيل تاخد مرتب ليه؟ و طالما وجودها زي عدمو مش يبقى نجيب ضرفها و نوفر الكام لحلوح اللي بيندفعوا ليهم و كل واحد يتصرف مع نفسو بقى طالما كدة كدة حقك بيضيع

حد يقلي ليه التزم بالقانون طالما ان التزامي بيه من عدمو مش بيفرق و حقي بيضيع في الاخر؟

حد يقلي ليه ادفع ضرايب و لا شرطة بتساعد ولا صحة بتعالج ولا تعليك بيعلم ولا طرق نضيفة ولا اي حاجة

اسيبكم مع الصور بقى و معلش انا حبيت افضفضلكم لأني بجد جايب اخري

Uploaded with ImageShack.us