بص انا هقولك المختصر المفيد
اعتمادية رقم واحد فمصر هي اللانسر البومة عربية تستحمل جميع الظروف واسوءها بحكم انها كانت معايا من 2008 حمالة اسيه بمعني الكلمة وقطع غيارها مالية الدنيا كلها وسهلة جدا في صيانتها وماسكة سعر ومحبوبة فمصر جدا واثبتت كفائتها من 2004 لغاية دلوقتي مفيش عربية عملتها
بالنسبة للاداء البوما موتورها قوي جدا بشرط تكون الكويتي اعلي مواصفات والثبات بتاعها كويس
موتور الالنترا اقوي من البوما بس مش بالفرق الرهيب الي انت متصوره في نفس الوقت ثبات الالنترا اقل من البوما
يبقي انت عايز موتور قوي مع ثبات محترم عشان مش هيفيد الموتور من غير ثبات
حاجة كمان كخامات داخلية البوما افضل من اللالنترا واحسن في التقفيل خصوصا السوبر اكشن بالجلد الطبيعي
بالنسبة للاسعار كحالة كويسة بره وجوه تعملها 90 ل 95 الف
نصيحة مني لو عايز تحس بفرق وبنفس سعر البوما اركب الشارك وريح دماغك وانت كده كسبت كل حاجة بس هتتنازل عن حاجة وهي اسعار قطع الغيار لانها فالشارك اغلي من البوما ومش اي حد يفهم في الشارك
بس ده اللي اقدر اقولهولك واستني برده راي الخبراء فالمنتدي
المفضلات