تقرير مفصل عن كيــــا سيـــراتو الجديدة - بالصــور

**bassemali** · 12-09-2013 03:20 AM

تقرير رائع وممتاز بس أنا عموما مش ميال للعربيات اللي يبقى فيها زراير كتير كده ومواصفات كتيره بدفع فيها فلوس وأنا عارف إني مش محتاجها ... أعتقد إن بعض الناس بتبص للأوبشن بنظرة فشخره أكتر منها نظرة إنه محتاج للأوبشن ده ولا لأ.

**shawke hamed** · 13-09-2013 04:13 AM

دى عاملة زى الحولة من ودام

**ALshahba** · 14-10-2013 04:50 PM

السيراتو من العربيات اللي بتشدني جدا وجميله
بس الشكل الجديد ميال اوي لشكل الالنترا ومن الامام مش قد كده ..... بس فعلا اوسع من الموديل القديم
واحد صاحبي راح حجزها خلاص وان شاء الله يستلم قريب واقولكو علي اخبارها

اما بالنسبة للمقارنه مع الفلونس........ فمعلش حنقف هنا وقفه
الفلونس فيها من الامكانيات اللي تغرق اللي راكبها ..... كتير جدا وجميل جدا وكمان الهاي لاين فيها 2 كرسي كهربائي
اما فى الاعتماديه فانا شايف ان الفلونس اكثر اعتماديه لكونها تصميم وتصنيع اوروبي عن تجارب المالكين
وسعرها مقابل الامكانيات جيد جدا للفلونس عكس تماما السيراتو

**A7mad_alksas** · 24-11-2013 04:59 AM

عربيه جميله جدا وعمليه جدا وبقالها معايا ست شهور وسفرت بيها كتير واكتر حاجه عجباني فيها المكيف التلاجه بتعها والعزم الغبي بس للاسف انا بعتها وبشتري بي ام f30 2014

**manny3000** · 26-11-2013 11:11 AM

انا عايز اعرف الفرق فى موديلاتها لسنة 2014 لو سمحت من ناحية الأوبشن و امكانيتها

**essam assem** · 01-01-2014 06:05 PM

عربية جميلة ما شاء الله وتقرير هايل بصراحة وانا كنت متحير بنها وبين الفلونس فى الفئة اللى قبل الهاى لاين وقعد فترة كبيرة ادرس العربيتن وفى النهاية اختارت السيراتو وكان اهم سبب بالنسبة لى اعادة البيع لانى بزهق بسرعة وممكن سنتين بالكثير واغير والسبب التانى بصراحة الخامات الداخلية للفلونس معجبتنيش خالص وايضا دهان السيارة سى جدا ولاحظت الموضوع دة فى اكثر من عربية وتحديدا الاكصدامات البوية بتقشر من عليها ومفيش شك كمان توافر قطع الغيار ومراكز الصيانة لصالح السيراتو
ولاكن اجمالا انا شايف انهم الافضل فى فئاتهم على الاطلاق وبالفعل حققو مبيعات هايلة حتى الان بشهادة اغلب الموزعين
وتحياتى للجميع

**essam assem** · 02-01-2014 01:18 AM

السلام عليكم
النهاردة كنت عند سمير ريان ولاقيت مواصفة جديدة نازلة للنيو سيراتو تحفة يصراحة وحسب ما سمعت ان العدد محدود عموما الموصفة كالتالى جنوط ١٧ - سنسور بارك خلى وامامى - مثبت سرعة - شفتات - فوانيس امامية وخلفية ليدات - مرايات جانبية ضم مع السنتر - يعنى تقريبا كل كماليات الهاى لاين عادا فتحت السقف والبصمة وسعرها ١٦٨ الف
وتحياتى للجميع

**manny3000** · 03-01-2014 09:09 AM

طب لو سمحت عايز اعرف ايه اللى بيبقى زياده فى كل موديل لو عندك وقت توضحلى اكتر
lx mt 132.000
lx at 142.000
ex at 149.000
ex fo at 159.000
sx at 165.000
sx srf (s.key) 174.000
hi line 186.000

**Hosam_Optrawy** · 03-01-2014 12:47 PM

المشاركة الأصلية كتبت بواسطة manny3000

طب لو سمحت عايز اعرف ايه اللى بيبقى زياده فى كل موديل لو عندك وقت توضحلى اكتر
lx mt 132.000
lx at 142.000
ex at 149.000
ex fo at 159.000
sx at 165.000
sx srf (s.key) 174.000
hi line 186.000

الأسعار دلوقتى أغلى من كدا

الفروق بين الفئات هاتلاقيها على موقع كيا مصر

http://www.kia.com.eg/vehicles/Cerato/#D-Specifications