أشترى حاجتى منين

**salah_86** · 22-01-2013 10:31 PM

السلام عليكم ورحمة الله وبركاته
ازيكم يا اجدع ناس
الموضوع باختصار اشترى حاجتى للعربية من المنوفية ولا من القاهرة
موضوع قطع الغيار بعد لفة انا حسمت امرة بفضل الله ياما التوكيل اللى هو دايموند يا اما محل فى طنطا اسمة مجدى موتورز
اما الكماليات بقى مش عارف
يعنى عندنا فى شبين الكوم لقيت الكاسيت والسماعات والجى ام كلهم اغلى حوالى 150 جنية عن ما انا جبتهم من القاهرة
الزينون جبتة من شبين الكوم ب350 لقيت هنا ناس بتقول فى نوع ب 170
معرفش طبعا نفس النوع ولا ايه
غطا العربية انا جايبة وتر بروف من عندنا من شبين ب140مقاس l
فى التوفيقية لقيتة ب 145
الانذار اللى كنت عاوز اركبة على ريموت العربية ب 350 عندنا لقيتة فى ادريان ب 300 وفى طنطا ب 165 برغم انى رجعت فى كلامى لشوية فنيات فيه وقلت خلينى فى الانذار اللى انا مركبة لو تفتكروا موضوعى ماشى بريموتين
وشغلى بعيد عن التوفيقية انا فى المطار مشوار برضة
فبقيت محتار بقى

**Eng.Peter** · 24-01-2013 06:53 AM

اشترى من الارخص لو نفس النوع و الجودة

**M.Al-Hefnawy** · 24-01-2013 08:43 AM

مجدي موتورز وعن تجربة مضمون بس للأسف قطع الغيار كلها زادت ... كنت سائل لأختي على مكنة استوب لعربيتها اللانوس كانت من اسبوعين 25 جنيه وجبتها من يومين بـ 40 جنيه من عندو وهي أصلية.

**salah_86** · 25-01-2013 04:17 AM

كل حاجة غليت بسبب جدو دولار
بس سيبنا من نقطة قع الغيار لان مجدى انا متفق علية معاكم بس فى فلتر البنزين وسير الكاتينة مثلا هجيبهم من التوكيل من دايموند علشان الامان
بس انا بتكلم فى الاكسسوارات
يعنى اشترى زينون من المنوفية ب 350 ويطلع فى القاهرة ب 170