بالله عليكم أفيدونى فى مشكلة كبيرة فى شراء أوبترا 2008

**capooahmed** · 23-01-2013 12:59 AM

السلام عليكم
أرجو من السادة الاعضاء الافاضل إفادتى فى مشكلة كنت هقع فيها لكن الحمد لله أكتشفتها بالصدفة ... كنت أتفقت مع زميل لى على شراء سيارته الاوبترا 2008 مانيوال وهى بصراحة شكلها جميل وكنت بشوفها معاه تقريبا يوميا من يوم ما أشتراها ومن يوم ما أشتراها وناس كتير عرضت عليه شراءها لكن هو كان رافض مبدأ البييع نهائى يعنى ماعملش بيها حادثه ولا حاجة وكان لى عنده مبلغ 40000 جنيه فى موضوع شغل وحصلت له ظروف منعته من رد المبلغ فعرض عليا إنى أشتريها وكان سعرها 65000 جنيه منهم 25000 جنيه باقى أقساط البنك يعنى هاخد العربية مقابل ال 40000جنيه وأكمل أنا الاقساط وكنت هكتب عقد إبتدائى و توكيل إدارة عشان الترخيص و خلافه المهم بالصدفة رحت لمعرض وقال لى أن العربية مغيرة ربع بالكامل(الحوض) !!!!!!!!!وقاللى أوعى تشتريها عشان ممكن متعرفش ترخص فى المرور.. أعمل أيه فى المصيبة دى لأانى كنت خلاص هروح بكره أخلص والعربية المفروض تعمل كام على الحالة دى وهل ممكن أروح أكشف عليها فى التوكيل وهى مفيش فيها رش نهائى غير المصيبه اللى ظهرت دى بس معمولة صح مش أى حد يكتشفها
وللعلم الراجل قال ان باقى العربية فبريكة والموتور تمام بس قال أبعد عنها تماماً أفضل
أفيدونى بالله عليكم وآسف على الإطالة
وشكرا جزيلا

**mido** · 23-01-2013 10:15 AM

روح اكشف عليها فى التوكيل اشك فى الكلام ده
المرور مش بيفرق معاه غير الارقام الشاسيه و الموتور و الرقم اللى تحت الكرسى اللى جنب الراكب يكون نفس الرقم ( فى الغالب مش بيبوصوا عليه غير فى العربيات الجديدة )
اصلا لو الرخصة سارية فا مش هيبقى فيه مشكلة

**hmada9009_99** · 23-01-2013 10:35 AM

المشاركة الأصلية كتبت بواسطة mido

روح اكشف عليها فى التوكيل اشك فى الكلام ده
المرور مش بيفرق معاه غير الارقام الشاسيه و الموتور و الرقم اللى تحت الكرسى اللى جنب الراكب يكون نفس الرقم ( فى الغالب مش بيبوصوا عليه غير فى العربيات الجديدة )
اصلا لو الرخصة سارية فا مش هيبقى فيه مشكلة

صح مزبوط مادام اترخصت بالوضع اللي هو فيها ورقم الشاسيه الموجود في رخصه هو نفسه اللي في صدر العربيه يبقى مافيش مشاكل المشكله انك خد عربيه مش فابريكه هو ده بس اللي يتضايق عموما شوف التوكيل وقولنا لأني شاكك في كلام الراجل اللي قالك الكلام ده
وخد بالك ان في ناس بتحب تعمل نفسها علماء وبيقولو كلام غلط

**capooahmed** · 23-01-2013 08:46 PM

[QUOTE=hmada9009_99;3874767855]صح مزبوط مادام اترخصت بالوضع اللي هو فيها ورقم الشاسيه الموجود في رخصه هو نفسه اللي في صدر العربيه يبقى مافيش مشاكل المشكله انك خد عربيه مش فابريكه هو ده بس اللي يتضايق عموما شوف التوكيل وقولنا لأني شاكك في كلام الراجل اللي قالك الكلام ده
وخد بالك ان في ناس بتحب تعمل نفسها علماء وبيقولو كلام غلط[/QUO

شكرا على اهتمامك وانا فعلا رحت لواحد معرفة شغال فى توكيل وقالى ان العربية مغيرة نص مش (ربع)
وكلام المعرض تمام والبصمة اللى فى الحوض متشالة من الحوض القديم ومتركبة فى الحوض اللى اتغير

**capooahmed** · 23-01-2013 08:50 PM

المشاركة الأصلية كتبت بواسطة mido

روح اكشف عليها فى التوكيل اشك فى الكلام ده
المرور مش بيفرق معاه غير الارقام الشاسيه و الموتور و الرقم اللى تحت الكرسى اللى جنب الراكب يكون نفس الرقم ( فى الغالب مش بيبوصوا عليه غير فى العربيات الجديدة )
اصلا لو الرخصة سارية فا مش هيبقى فيه مشكلة

الرخصة منتهية من سنة و4 شهور والنمر بتاعت العربية مرور السلام وناس كتير قالولى ان مرور السلام فى ناس شغالة بالفلوس ممكن تخلص اى حاجة مش تمام بالفلوس ورحت ل4 سمكرية اكدوا انا مغيرة نص امامى مش (ربع)

**hugan** · 23-01-2013 08:58 PM

مغيره نص
بلاش منها خالص

**hmada9009_99** · 24-01-2013 05:48 AM

المشاركة الأصلية كتبت بواسطة capooahmed

شكرا لحضرتك
دلوقتى البصمة اللى فى الحوض السمكرى ورانى مكان اللحام ومجرد ما خربش مكان اللحام البوية اتقشرت بس حاجة بسيطة دا عشان يأكد لى ان البصمة منقولة من الحوض القديم فلو فر ضنا ان العربية سعرها هينزل مبلغ ما وهاخدها على عيبها هل فى المرور ممكن يعرفها ولو عرف هيعملو اي لانى هنقل من مرور السلام لمرور الاعشر من رمضان والعربية امشى بيها وانا مطمن ولا ممكن االاقيها لا قدر الله فى حادثة ولا خبطة جامدة اتكسرت اللحامات الجديدة وبالسلامة العربية ؟؟؟؟!!!!!!!!

بس اول حاجه مدام النص اتغير يبقى فيه رقم شاسيه جديد ومش هتترخص ابدا لا اما تجيب ورق الأفراج الجمركي بتاع النص والكونتير اللي جاي فيه كمان ورقم شاسيه النص الجديد وتجيب النص القديم علشان المرور يعدمه ده الصح ونصيحتي رجع العربيه وخد فلوسك حتى لو بالقوه وطبعا الشاسيه الملحوم مش زي الفابريكه ولو رخصتها كده لو عرفت بمنتهى البساطه لأي ظرف ممكن تكشف وساعتها هتروح السجن لأنك زورت يعتبر في رقم شاسيه وهيعتبروك مهرب النص ده او سارقه وهتخش في بلاوي سوده وسجن انتا في غنى عنه رجع العربيه لصاحبها وخد فلوسك مره تانيه ولو بالقوه ملهاش حل تاني معلش انا مش عاوز احبطك بس انت مش ناقص مره واحده في المرور او الفني يكشفها بتاع الفحص وهتكشف وساعتها هتخش في مسأله قانونيه غير انهم هياخدوا العربيه منك رجعهااااااااااااااااااااا ااااااااااااااااااااااااا ااااااااااااااااااااااااا اااا لصاحبها حتى لو خسرت شويه في فلوس اللي دفعتها ده نصب واحتيال عليك
انا بجد اسف لو احبطك بس ديه الحقيقه شوف الدنيا هتمشي معاك ازاي وفكر ازاي ترجعها
انا عارف انه هيبقى صعب ترجعها لأنك اللي بعهالك عارف اللي فيها ومصدق بعها
وحسبي الله ونعم الوكيل من النصابين والحراميه

انا اما قولتلك ينفع ترخصها انا كنت فاكر انها مغيره ربع بس ورقم الشاسيه زي ماهو انما نص يبقى رقم شاسيه جديد ومينفعش يتنقل ده تزوير لازم اللي يتنقل رقم الشاسيه الجديد
شوف الدنيا وانا معاك وقولنا هتعمل ايه وربنا معاك

**hmada9009_99** · 24-01-2013 06:03 AM

المشاركة الأصلية كتبت بواسطة hmada9009_99

بس اول حاجه مدام النص اتغير يبقى فيه رقم شاسيه جديد ومش هتترخص ابدا لا اما تجيب ورق الأفراج الجمركي بتاع النص والكونتير اللي جاي فيه كمان ورقم شاسيه النص الجديد وتجيب النص القديم علشان المرور يعدمه ده الصح ونصيحتي رجع العربيه وخد فلوسك حتى لو بالقوه وطبعا الشاسيه الملحوم مش زي الفابريكه ولو رخصتها كده لو عرفت بمنتهى البساطه لأي ظرف ممكن تكشف وساعتها هتروح السجن لأنك زورت يعتبر في رقم شاسيه وهيعتبروك مهرب النص ده او سارقه وهتخش في بلاوي سوده وسجن انتا في غنى عنه رجع العربيه لصاحبها وخد فلوسك مره تانيه ولو بالقوه ملهاش حل تاني معلش انا مش عاوز احبطك بس انت مش ناقص مره واحده في المرور او الفني يكشفها بتاع الفحص وهتكشف وساعتها هتخش في مسأله قانونيه غير انهم هياخدوا العربيه منك رجعهااااااااااااااااااااا ااااااااااااااااااااااااا ااااااااااااااااااااااااا اااا لصاحبها حتى لو خسرت شويه في فلوس اللي دفعتها ده نصب واحتيال عليك
انا بجد اسف لو احبطك بس ديه الحقيقه شوف الدنيا هتمشي معاك ازاي وفكر ازاي ترجعها
انا عارف انه هيبقى صعب ترجعها لأنك اللي بعهالك عارف اللي فيها ومصدق بعها
وحسبي الله ونعم الوكيل من النصابين والحراميه

انا اما قولتلك ينفع ترخصها انا كنت فاكر انها مغيره ربع بس ورقم الشاسيه زي ماهو انما نص يبقى رقم شاسيه جديد ومينفعش يتنقل ده تزوير لازم اللي يتنقل رقم الشاسيه الجديد
شوف الدنيا وانا معاك وقولنا هتعمل ايه وربنا معاك

انا عارف الكلام ده كويس لأن صاحبي عمل حادثه بماتريكس ورقم شاسيه كان في رفرف اليمين واتعجن بسبب حادثه ومكانش ينفع يستعدل فالتوكيل قاله لازم تغير ربع بس مش هنقدر نغير اما تجيب موافقه المرور لأن الربع الجديد برقم شاسيه جديد وعملنا الورق الأسود واخدنا نعمل في اجراءات ورق في المرور شهرين ده غير كل شويه عاوزين يشوفوا العربيه قبل القطع وبعد القطع وبعد اللحام الجديد والرش تخيل بقى المصاريف انك تنقل العربيه بكساحه كل شويه للمرور وترجعها التوكيل بجد ياعني ايام ربنا ما يرجعها بجد كان شهرين بهدله وطبعا لازم تروح مع العربيه من الصبح في المرور ياعني هتسيب شغلك علشان كده بقولك ابعد عن الموال ده وخد بالك المرور مابيعترفش غير بالتوكيل وورش معينه ومراكز صيانه معينه بس ضمن لائحه عندهم هي اللي ليها الحق انها تغيرر النص او ربع لو فيها تغيير رقم شاسيه المسأله مش سهله ده غير تناكه وقرف الموظفين علشان كده بقولك ابعدددددددددددد عن الموال الأسود ده وخد بالك الرخصه لو افترضنا عملت كل ده بياخد الرخصه القديمه ويدولك رخصه جديده برقم شاسيه جديد والورق ده كله اللي بقولك عليه بيتحفظ في ملف العربيه في المرور ورقم الشاسيه الجديد بيدقه بلدي على قائم الباب او صدر حسب المهندسين الفنيين اللي هناك

**hmada9009_99** · 24-01-2013 06:12 AM

خد بالك في فرق كبير من تغيرر شاسيه برقم شاسيه وتغيير ماتور ببصمه ماتور
ياعني لوانت غيرت ماتورك مثلا ب ماتور شيفورليه 2000 cc مثلا بمنتهى البساطه هتركب ماتور الجديد وترخص عادي ويكون معاك الأفراج الجمركي بتاع الماتور وخلاص كأنك بترخص عربيه عادي
انما رقم شاسيه الوضع مختلف خالصصصصصصصصصص
حبيت اوضحلك