المصريين دول شوية ....... !!!

**kok3** · 23-01-2013 06:59 AM

أنا عارف هتوقف تاني بسبب العنوان دا أو بسبب اللي هقوله علي أي حال هقوله واللي يحصل يحصل
وصلنا في مصر للحضيض
علي كافة المستويات والأصعدة
إقتصاديا وسياسيا وإنسانيا وحتي معنوياًٍ
فقدنا إحترامنا لنفسنا وإحترام الأخرين لينا
حادثة قطر البدرشين وضحت الصورة قوي قد إحنا فعلا حشرات عايشه علي الكوكب دا ولما الحشرات دي تموت عادي جدا بالعكس ميكونش عندك زرة خجل أو لحظة تأنيب للضمير بالظبط لما تلاقي صرصار ماشي وتدوس عليه تفعصه وعادي جدا بتكمل يومك ولا كأنك قتلت الصرصار دا !!!
أنا عندي كمية إحباط تكفي العالم وتفيض هو إحنا لية وصلنا لحد كدا؟
أنا بخرف ولا حد عنده نفس إحساسي دا؟

**ahmad--ezzat** · 23-01-2013 07:19 AM

سيب البلد وسافر وريح نفسك

**mohamedbook** · 23-01-2013 07:59 AM

وحضرتك مقلتش الكلام ده لية ايام المحروق حسني مبارك الكوارث الي اتعملت في عهده
خد بالك الي بيحصل ده ثمرة الشجرة الخبيثة الي سبنها من 30 سنة وده الجني بتاعها دلوقتي
وخد بالك اي ثورة او اي قلب لنظام ويجي بعده نظام تاني لازم تعيش جزء من الماضي المررير الي ان يبدل الله الحال بعد حال ويهدينا الي الطريق المستقيم

**fiat128man** · 23-01-2013 09:57 AM

انت لو كنت معانا في البدرشين وشوفت الناس بتساعد العساكر المصابين كنت عرفت ان الدنيا لسه بخير ,,, لما تلاقي سواقين التكاتك بينقلوا المصابين والموتي للمستشفيات وبيشلوهم علي كتافهم ,,,لما تلاقي واحد بتاع فراشة جايب المولد بتاعه عشان ينور مكان الحادثة لان المكان مظلم ومحدش كان هيشوف المصابين ,,لما تلاقي واحد مقاول جايب اللودر بتاعه عشان يشيل الحديد اللي مرمي تحتيه مصابين عشان يلحقوهم كنت عرفت ان الدنيا لسه بخير ,,,,المشكلة في المسئولين والحكومة .

**ahmedwagdy03** · 23-01-2013 10:02 AM

المشاركة الأصلية كتبت بواسطة kok3

أنا عارف هتوقف تاني بسبب العنوان دا أو بسبب اللي هقوله علي أي حال هقوله واللي يحصل يحصل
وصلنا في مصر للحضيض
علي كافة المستويات والأصعدة
إقتصاديا وسياسيا وإنسانيا وحتي معنوياًٍ
فقدنا إحترامنا لنفسنا وإحترام الأخرين لينا
حادثة قطر البدرشين وضحت الصورة قوي قد إحنا فعلا حشرات عايشه علي الكوكب دا ولما الحشرات دي تموت عادي جدا بالعكس ميكونش عندك زرة خجل أو لحظة تأنيب للضمير بالظبط لما تلاقي صرصار ماشي وتدوس عليه تفعصه وعادي جدا بتكمل يومك ولا كأنك قتلت الصرصار دا !!!
أنا عندي كمية إحباط تكفي العالم وتفيض هو إحنا لية وصلنا لحد كدا؟
أنا بخرف ولا حد عنده نفس إحساسي دا؟

أحب أقولك إن العيب مش فى مبارك و لا مرسى و لا الفلول و لا الإخوان

العيب فينا إحنا الشعب و كما تكونوا يولى عليكم

**S O P H O S** · 23-01-2013 11:24 AM

ربنا يصلح الحال ..

**kok3** · 23-01-2013 11:40 AM

المشاركة الأصلية كتبت بواسطة ahmad--ezzat

سيب البلد وسافر وريح نفسك

هو الاخ إخواني برده مش كدا ؟ علي فكره أنا دخلت موضوعك بتاع الافلام un cut ... ومرضتش أكتب حاجه كانت هتضايق حضرتك جدا علي أي حال كل الاخوان شايفين الدنيا وردي واللي مش عاجله يمشي والنبي أنا لا بدخل مواضيع الاخوان في المنتدي ولا عايز حد منهم يدخل مواضيعي ولا يعلق عليها أو يقولي أنا مش إخوان بس علي مبادئ الاخوان يا أخي لكم دينكم ولي دين ومش سايب البلد ومش مريح نفسي إنت اللي لو عايز تسافر وتريح نفسك فرصة سعيدة إنما ملايين المصريين مش هيمشو هما محبطين ومضايقيين بس مش هيمشو ويسيبو البلد هينضفوها إن شاء الله وهيرفعو راسهم فوق وهيبقالهم كرامة بين الأمم أنا بنتقد الحالة اللي إنحدرنا ليها مش علشان حضرتك تقولي إمشي وريح نفسك نفسي هترتاح لما يبقي لينا قيمة وكرامة وحرية مش الدوله تدفعلي ١٠ الاف جنيه علي الراس. هيا بقت كدا؟ بقا هو دا تمن المصري؟
أه بالمناسبه أنا مسلم بس مش إسلامكو بتاع الله أم أمتني علي دين الجماعه. ( صبحي صالح )

**kok3** · 23-01-2013 12:00 PM

المشاركة الأصلية كتبت بواسطة mohamedbook

وحضرتك مقلتش الكلام ده لية ايام المحروق حسني مبارك الكوارث الي اتعملت في عهده
خد بالك الي بيحصل ده ثمرة الشجرة الخبيثة الي سبنها من 30 سنة وده الجني بتاعها دلوقتي
وخد بالك اي ثورة او اي قلب لنظام ويجي بعده نظام تاني لازم تعيش جزء من الماضي المررير الي ان يبدل الله الحال بعد حال ويهدينا الي الطريق المستقيم

حضرتك أنا وملايين الشباب قولنا كدا أيام حسني في وشه كل الكوارث دي هو مسئول عنها في عهدة!!! بس دلوقتي مين المسئول؟!!! هو برضة؟!!!

المشاركة الأصلية كتبت بواسطة fiat128man

انت لو كنت معانا في البدرشين وشوفت الناس بتساعد العساكر المصابين كنت عرفت ان الدنيا لسه بخير ,,, لما تلاقي سواقين التكاتك بينقلوا المصابين والموتي للمستشفيات وبيشلوهم علي كتافهم ,,,لما تلاقي واحد بتاع فراشة جايب المولد بتاعه عشان ينور مكان الحادثة لان المكان مظلم ومحدش كان هيشوف المصابين ,,لما تلاقي واحد مقاول جايب اللودر بتاعه عشان يشيل الحديد اللي مرمي تحتيه مصابين عشان يلحقوهم كنت عرفت ان الدنيا لسه بخير ,,,,المشكلة في المسئولين والحكومة .

بالظبط كدا المشكله في المسئولين عننا واللي المفروض يحمونا ويحافظو علي حياتنا أقل حاجة علشان دي شغلتهم اللي بيقبضو من فلوسنا علشان يعملوها حتي دي فاشلين فيها

المشاركة الأصلية كتبت بواسطة ahmedwagdy03

أحب أقولك إن العيب مش فى مبارك و لا مرسى و لا الفلول و لا الإخوان

العيب فينا إحنا الشعب و كما تكونوا يولى عليكم

هو دا مش نفس شعب عبد الناصر ولا أنا بيتهيألي هو مش دا الشعب اللي أكل الاسرائليين ف ٧٣ بسنانه وإسترد أرضه وكرامته وعزتة بين الامم وبقي بيتعملة ألف حساب فيه أيه يا مصريين متفوقوا!!!

المشاركة الأصلية كتبت بواسطة s o p h o s

ربنا يصلح الحال ..

يا رب يا أخي أشوف اليوم اللي فعلا فيه إرفع راسك فوق إنت مصري الهتاف دا كان بيزلزل أعدائنا بس ميبقاش هتاف وخلاص نرفع راسنا بعلمنا وعملنا وإقتصادنا وجيشنا وحضارتنا فوقي يا مصر بقي