الموضوع: تحذير هااااام لوجه الله نصب فودافون عن طريق الويب سات

للاسف الشديد ممكن اي حد يتعرض اللي اتعرضله صديقك
و ربنا خلق الانسان بيتعلم من اخطائه
و فعلا صدق اللي قال :
النصب بيكون علاقه مابين افاق و طماع
يطمعك علشان ينصب عليك
لو لقيت نفسك بتخرج عن المالوف و العائد مغري فتاكد انك في مرحله الطمع - احذر بقى ساعتها ليكون اللي قدامك نصاب

و شكرا عل نقل التجربه

يا باشا صديقك يكلم فودافون و يعمل بلاغ و فودافون هتتعاون مع شركات الاتصالات عشان تجيبه و حقه هيرجع باذن الله

جزاك الله خيرا علي التنبيه
ولازم يعمل محضر وميسبش حقه ..

أعتقد ان صديقك لازم ميسبش حقه ويعمل محضر فى القسم لاثبات واقعه النصب وبعدها يبدأ فى مخاطبه شركتى فودافون واتصالات لاعلامهم بنصاب يستخدم اسم الشركتين للنصب وبالمتابعه والبحث ستصل الى المجرم باسرع وقت ان شاء الله ، مع الغالب ان الارقام التى استخدمها الجانى ليست باسمه واحتمال كبير ان يكون رمى هذه الخطوط بعد عمليه النصب ولكن طرف الخيط يكمن فى كيف حصل على الرصيد اللى صديقك بعته له على هذه الارقام ؟ فهو غالبا قام بتحويل الرصيد سواء دفعه واحده او على دفعات لرقم او ارقام منها من تخصه وباسمه وهنا تستطيع بالتعاون مع الجهات المختصه الوصول الى الجانى بسهوله والقبض عليه واسترجاع الاموال التى تم سرقتها منكم ،

نصيحه لكل الناس اللى بتوصلها رسايل زى دى سواء حد يكلمك ويقلك شحنتلك رصيد غلط او يقلك حضرتك كسبت معانا كذا ولازم تدفع مبلغ للحصول على الجائزه لان كل الحوارات دى نصب والله اعلم

اتنصب عليا اليوم فى 2000 جنيه بنفس الطريقة يا ريت يا اخوة تقولولنا نعمل أيه والمشكلة ان شركة فودافون على علم سابق بما يحدث وسبحان الله كأنهم بيقولولنا اتعلموا الأدب أنكم مشتركين معانا حسبى الله ونعم الوكيل فيهم وفى الصابين اللى بيشتغلوا باسمهم ...