نصيحة مهمة فى الاختيار بين 4 عربيات اتنين كورى واتنين المانى

**ashrofa72** · 24-01-2013 01:40 PM

عاوز النصيحة فى الاختيار بين الاربع عربيات دول انا معايا بومة بس عاوز اغير لامكانيات وامان اكتر بس عاوز عربية اعتمادية وتكون استخدامها فى مصر كويس وقطع غيارها وصيانتها متوفرة وطبعا اهم حاجة بدور عليها وسائل الامان فى العربية مثل abs وغيره.
رجاء من كل الاخوة فى المنتدى يدى رأيه ويساعدنى فى الاختيار وشكرا مقدما.....(على فكرة العربية اللى الاخوة حيختاروها انا حجيبها من الخليج حيث اننى مقيم هناك).....

**tarekmomo** · 24-01-2013 01:50 PM

لو مش فارق معاك اسعار قطع الغيار يبقى بولو

**ashrofa72** · 24-01-2013 02:14 PM

قطع الفولكس فاجن اغلى من الاوبل؟

**AlGazar2** · 24-01-2013 02:15 PM

بص يا باشا فى العربيات دى يبقى الاسترا كوزمو لو عايز عربيه فى نفس السعر و امكانيات امان اعلى يبقى فى
السوبارو الامبريزا تقريبا ب 170 و الى بفتحه سقف ب 185 تقريبا نفس تمن الكوزمو
و فى السيتروين c4 الجديدة و دى ماتور واخد احسن ماتور ل 2012 و بيستخدم فى عربيات كتير جدا منهم مينى كوبر
و فى الفورد الفوكاس الجديدة و البيجو ال 408

لكن لو عايز امان يبقى تبعد عن الالنترا نهائيا و طبعا حرام تدفع 186 الف فى سيراتو حتى لو بتمشى لوحدها لان فى عربيات كتير جدا احسن منها فى السعر ده منها الى فوق و ممكن كمان ال ds4 بس معرفش بكام بالظبط

و موضوع اعاده البيع الكوبيه بيخسر اكتر من اى عربيه تانيه فى مصر و صيانه الكورى اغلى من كل الى فوق ده

مثلا تيل الفرامل للامبريزا فى التوكيل ب 500 تقريبا و فى الالنترا و السيراتو فى التوكيل ب 700

**kliken** · 24-01-2013 02:33 PM

اوبل استرا

**ashrofa72** · 24-01-2013 02:37 PM

المشاركة الأصلية كتبت بواسطة AlGazar2

بص يا باشا فى العربيات دى يبقى الاسترا كوزمو لو عايز عربيه فى نفس السعر و امكانيات امان اعلى يبقى فى
السوبارو الامبريزا تقريبا ب 170 و الى بفتحه سقف ب 185 تقريبا نفس تمن الكوزمو
و فى السيتروين c4 الجديدة و دى ماتور واخد احسن ماتور ل 2012 و بيستخدم فى عربيات كتير جدا منهم مينى كوبر
و فى الفورد الفوكاس الجديدة و البيجو ال 408

لكن لو عايز امان يبقى تبعد عن الالنترا نهائيا و طبعا حرام تدفع 186 الف فى سيراتو حتى لو بتمشى لوحدها لان فى عربيات كتير جدا احسن منها فى السعر ده منها الى فوق و ممكن كمان ال ds4 بس معرفش بكام بالظبط

و موضوع اعاده البيع الكوبيه بيخسر اكتر من اى عربيه تانيه فى مصر و صيانه الكورى اغلى من كل الى فوق ده

مثلا تيل الفرامل للامبريزا فى التوكيل ب 500 تقريبا و فى الالنترا و السيراتو فى التوكيل ب 700

اولا : الله ينور عليك

ثانيا : انا شفت السيراتو الجديدة بصراحة عجبتنى جدا الفئة الكاملة فيها وقلت فيها اوبشنز كتير والكورى منتشر فى مصر واكيد قطع الغيار والصيانة حتبقى اسهل والكلام ده علشان كده انا قلت اشوف رأى الاعضاء بالنسبة للسيراتو الجديدة.
ثالثا: برضو شفت اوبل استرا الجديدة 2013 وبهرتنى وبخاصة عوامل الامان و ESP اللى فيها وقولت هيا دى العربية اللى انا عاوزها بس بعض الناس خوفتنى من الالمانى ومشاكل الصيانة بتعته فيما بعد خاصة انى انا معايا لانسر يابانى .