تسريب زيت جامد تحت العربيه a4 2003

**erp** · 25-01-2013 09:55 PM

انا شارى العربيه مستعمله

انا واضع تحت العربيه من قدام بعرض الكبود وطوله كراتين والكراتين دى بتتملى نقط زيت كتير قوى

وانا مش عارف ده زيت ماتور - ولا زيت باور - ولا زيت فتيس - ولا زيت فرامل مش عارف الكراتين مليانه فى كل حته

مع ملاحظة ان الزيت بينقص عندى فى الماتور كنت بحط شيل اصفر 5000 وبغير عند 4000 بس قبل ما اوصل 4000 بيكون الزيت ناقص خالص

لسى امبارح بس زهقت وحطيط شل احمر 3000 انا تعبت بصراحه مش عارف اعمل ايه ومنه لله اللى يبيع عربيه وميقلوش لصاحبها على اللى فيها او ميبعهاش الا لما يعمل المشاكل اللى فيها منه لله

فى بعض الزملاء قالولى ده قرص على العربيه هيا اللى بتخليها تنقط زيت كده بالطريقه دى بس انا محتار الزيت هيخرج منين

مع ملاحظة ان الكرتيره ملحومه كشفت على اللحام اللحام مفيهوش حاجه وكشفت على مسمار الكرتيره برده سليم مفيهوش حاجه

فى ميكانيكى خوفنى وقالى المكنه كده خفيفه بس انا مصدقتش كلامه لان الكراتين عليها نقط زيت كتير

ارجو الافاده ودلونى على ميكانيكى كويس اتعامل معاه الله يخليكم انا من القاهره

ومش عارف امنع موضوع تسريب الزيت الكتير ده من تحت العربيه انا حاسس ان العربيه هتيجى فى لحظه وتقفش منى من موضوع الزيت ده

ارجو من سيادتكم الاسفاضه فى الرد على الموضوع وشكرا

**طارق _عبد السلام** · 25-01-2013 10:14 PM

هو المفروض العربيه تترفع عند فنى محترم
بس متكون مش غاسل الموتور علشان الميكانيكى يمر عليها كلها واماكن تسريب الزيت هتظهر له لانها هتكون معرقه او مسيله زيت
المكنه لو خفيفه هتاكل زيت ويتحرق ويطلع على البوجيهات والشكمان هيطلع دخنه
لكن انت عندك تسريب زيت هيبقى موضوع جوانات او اويلسيهات
بس لازم حد يكشف عليها كويس ويحدد الزيت منين

**amrelsaqqa** · 26-01-2013 07:28 PM

ممكن اويل سيل كرنك يعمل كدة
الزيت عندك ناحية اليمين اكتر ولا الشمال ؟

**erp** · 26-01-2013 09:43 PM

المشاركة الأصلية كتبت بواسطة طارق _عبد السلام

هو المفروض العربيه تترفع عند فنى محترم
بس متكون مش غاسل الموتور علشان الميكانيكى يمر عليها كلها واماكن تسريب الزيت هتظهر له لانها هتكون معرقه او مسيله زيت
المكنه لو خفيفه هتاكل زيت ويتحرق ويطلع على البوجيهات والشكمان هيطلع دخنه
لكن انت عندك تسريب زيت هيبقى موضوع جوانات او اويلسيهات
بس لازم حد يكشف عليها كويس ويحدد الزيت منين

تسلم ايدك ياستاذ طارق بس ممكن بعد اذنك تقولى على فنى محترم اروحله واتعامل معاه على طول

انا من القاهره
شكرا ليك ياستاذ طارق