الحمد لله غيرت القواعد بالصور

**alaamousa** · 26-01-2013 04:07 AM

السلام عليكم ورحمة الله وبركاته
اولا كل عام وانتم بخير بمناسبة المولد النبوي الشريف
اللهم صل وسلم وبارك على اشرف الخلق سيدنا محمد وعلى اله وصحبه وسلم

انهاردة الحمد لله غيرت قواعد القنطرة للمرة التانية متستغربوش ايوة للمرة التانية
لأني جبتها المرة الاولى جديدة كوري زي ما قالي البائع وللأسف عملت زنة في العربية صعبة اوي

فسألت ناس محترمة قالولي توكل على الله وركبها استيراد لأن الجديد الكاوتشة بتاعته ناشفة فهي اللي بتعمل الزنة دي
اولا دي القاعدة الخلفية للهيونداي اكسيل .......

شكلها غريب صح بس دي القاعدة بقى اعمل اييييه

ثانيا دي بقى شكل القاعدة الامامية ......

وده شكلهم الاثنين مع بعض في لقطة واحدة للأستفادة......

طبعا في حديدة تالتة زي ما انتوا شايفين سيبكوا منها معرفش ايه اللي جابها في الصورة اصلا

_______________________________
دي الحمد لله بعد ما ركبت في السيارة بنجاح

دي القاعدة الامامية اللي قدرت اصورها لان الخلفية تحت في العربية فمعرفتش اصورها اسف

بالنسبة للتكاليف لتركيب هذا القواعد :

بعد فصال ونقاش وصلت السعر بفضل الله للقاعدتين لي 120 جنيه استيراد
مصاريف التركيب 30 جنيه

اللي عايز اوصله من التقرير ده لكل راكبي وعاشقي الاكسيل هو ان جالك وقت واضطريت تغير القواعد نصيحة بجد اوعى تغيرهم جداد ويتعمل فيك زيي مهما اتقالك لان كله مضروب مضروب يا ولدي يارب اكون قدرت اوصل معلومة تفيدكوا بامر الله
لا تنسوني بخالص الدعاء ..... السلام عليكم ورحمة الله وبركاته

**alaamousa** · 26-01-2013 05:30 AM

المشاركة الأصلية كتبت بواسطة al_manara

طيب ماعرفناش اية الاخبار بعد التركيب

مبروك

ازيك يا باشا بص هو ان شاء الله الموضوع طبعا فرق الى حد كبير بس الميكانيكي قاللي سيبها بس تتطبع وشوف ايه النتيجة

ان شاء الله عايزين نشوفك في المقابلة الجاية ونتعرف عليك

http://www.nilemotors.net/Nile/331759-1.html

**aldesha989** · 26-01-2013 06:00 AM

الف مبروك عقبالى نفسى اغير قواعد الماتور والفتيس للمازدا بس مش عارف لسه اجيبهم منين فى اسكندريه :)

**alaamousa** · 26-01-2013 07:14 AM

اعمل موضوع ان شاء الله اخواتنا الاسكندرانية يفيدووووك

**alaamousa** · 27-01-2013 05:32 AM

المشاركة الأصلية كتبت بواسطة s o p h o s

الف مبروك يا باشا ..

حبيبي الله يبارك فيك دايما منور قسمنا المتواضع بلمستك الجميلة وبذوقك العالي

**alaamousa** · 28-01-2013 06:06 AM

المشاركة الأصلية كتبت بواسطة medicalist

معلش يا باشا لو ممكن تقولى القواعد دى لازمتها ايه او لو فيها مشكله بتظهر ازاى على العربيه

بص يا باشا موضوع القواعد ده عموما للسيارة دائما للثبات ولقوة السيارة في تحمل المكونات لها
مثل قواعد الماتور هي القواعد اللي بتدي ثبات للماتور
مثلها مثل قواعد القنطرة
القنطرة عبارة عن بالمعنى البلدي حديدة ماسكة سدر السيارة الامامي والسدر الخلفي حتى تعطي قوة للكابوت لتحمل ما به من مكونات وتعطي ايضا ثبات على الطريق

موضوع بتتعرف ازاي انا معايا حصلت والميكانيكي شغال قاللي القواعد مكسورة لكني بصراحة قبل ما يقولي مكنتش حاسس بحاجة في السيارة غير انها مفككة شوية وكل ما اروح للعفشجي يقولي العفشة تمام

-

-

الموضوع: الحمد لله غيرت القواعد بالصور

LinkBack

أدوات الموضوع

عرض

الحمد لله غيرت القواعد بالصور - انشر الموضوع فى :

-

-

-

-

-

المواضيع المتشابهه

الحمد لله غيرت جوان وش السيلندر

الحمد لله غيرت لزيت كاسترول ال gtx

الحمد لله غيرت المساعدين انهاردة

الحمد لله على كل شىء ...... غيرت البربريز الأمامى

الكلمات الدلالية لهذا الموضوع

المفضلات

المفضلات

ضوابط المشاركة