الموضوع: ضرورررررررررررى تسعير لانسر سوبر اكشن

سعرها عالى شويه على السنه العربيه ماشيه كتير بس مش اوى
قطع الغيار الاصليه اكيد اغلى من الالنترا - عفشة اللانسر هتستحمل بس الالنترا مريحه اكتر و تقريبا الاتنين بيوطوا جامد مع التحميل و السوبر اكشن واطيه انا معايا لانسر بس عاليه جدا مش عارف ليه بس السوبر اكشن اوطى منها بكتير

لو الماتور 1600 مانيوال هيبقى سحبه و تجميعه عاليين جدا فى اللانسر و الالنترا برضه بس انى اعلى مش متأكد شوف الوزن بتاع كل واحده بس فى الغالب زى بعض

لو معاك مانيوال و هتجيب اوتو هيبقى السحب اكيد اقل من الالنترا

و سعر العربيه بيتحدد حسب حالتها و الموديل بتاعها بس ممكن دى تخلص على 82 : 85 فى وجهه نظرى

و فى موديلات اعلى من 2007 فى لغايه 2013 بتنزل البومه

بس السوبر اكشن اعلى فئه فيها تقريبا و اهم حاجة تكشف على العربيه كويس و تتاكد انها تمام فى كل حاجة ماتور و عفشه و شاسيه و كل حاجاتها شغاله لان حاجتها مش رخيصه و خصوصا اليومين دول عشان الدولار و الين يعنى هتلاقى القطع الجديدة بتغلى من الناحيتين الين قيمته بترتفع قدام الدولار و الدولار قدام الجنيه

اخر حاجة لو عربيتك مريحاك و كويسه معاك يبقى ما تغيرهاش عشان تجيب اللانسر لان الاتنين زى بعض تقريبا مفيش فيهم اختلاف و موضوع الكورى و اليابانى ده غريب شويه

انا معايا نوبيرا كورى 2002 و لانسر يابانى 2005 خليجى النوبيرا برقبتها فى كل حاجة الا المقصات بتاعت النوبيرا

و اللانسر اغلى من النوبيرا ب 15 : 20 الف تقريبا

85 اخرها

انا معايا لانسر سوبر اكشن 2007 اشترتها من سنه فاتت ب 83 وعدادها 55000 كم ورشه اكصدام فقط

المشاركة الأصلية كتبت بواسطة mohammed adel

بعد السلام عليكم ورحمة الله اخوانى الاعزاء انا معروض عليا عربية لانسر بومة 2007 سوبر اكشن شركة برة وجوه ماشية حواللى 85000 كم و صاحبها بيتكلم مبدئيا فى 90000 جم بس هو قاللى عند الشراء الجاد هيبقى فيه كلام تانى واريد معرفة هذه الاشياء :
1- كم متوسط سعر هذه السيارة بمعنى اعلى سعر وادنى سعر
2- انا خبرتى ضعيفة فى العربيات جدااااااااا عايز اعرف ازاى افحص العربية كويس؟ لانى انا من المنيا ومافيش اى مركز هنا
3- لو فيه موديل اعلى من 2007 سوبر اكشن شركة بره وجوه هل ممكن الاقيها فين ؟ وتعمل كام ؟ واجيبها منين ؟ لان بصراحة انا معايا النترا 2009 هاي خليجى بس هنا فى المنيا مطبات وشوارع ربنا يبعدكوا عنها وفيه ناس قالت لى ان اغير واجيب لانسر لانها هتستحمل هل ده صح ؟ وناس تانية بتقول ان الالنترا افضل عربية فى السحب وقوة الموتور وانا جربت الالنترا بس اللانسر لا
4- هل اسعار قطع غيار المعتمدة مش الصينى والصيانة للانسر نفس تمن الالنترا ؟
انا عارف ان طولت عليكم بس اخوكم اخره يسوق عربية لا افقه اى شيء عن اعتماديات السيارات وادائها وانتم طبعا اهل الخبرة وعيب عليكم لما اكون بينكم فى منتدى كبير زى نايل موتورز وحد يضحك عليا هههههههههههههههههههههههه
جزاكم الله كل خيررررررررررررررررررررررر والف شكررررررررررررررررررررررر ررررررررر

السلام عليكم اخي العزيز
1- متوسط سعر هذه السياره من 83 الي 87 الف جنيه وده علي حسب حالتها ولو توسطنا يبقي 85
2-اخي شوف اي مركز علشان تفحص موتور العربيه وتشوف مدي كفائته برقم وليس بكلام ولو تعذر عليك شوف اي سمكري كويس وميكانيكي محترم يبصولك علي العربيه .
3- تقدر تلاقي 2008 او 2009 او 2010 وممكن في سوق الجمعه بمدينة نصر او من علي مواقع النت المتخصصه بس لازم وانت بتشوف العربيه يكون معاك صنايعي محنك علشان مينضحكش عليك.
وبالنسبه لموضوع الالنترا واللانسر الاتنين مش مختلفين كتير اللانسر اثبت وموتورها اقوي والعفشه اقوي ومعدل الهبوط عند التحميل في اللانسر اقل من الالنترا ولكن كل هذه الفروق بسيطه يعني العربيتين قريبين من بعض
4- بالنسبه لاسعار قطع الغيار مقدرش افيدك بيها اوي بس اعتقد قريبين من بعض.