الموضوع: هل فعلا فيها اصدارات مختلفه للمحرك فئة ecotec 1.6 ؟؟

المشاركة الأصلية كتبت بواسطة hosam_optrawy

ال ecotec نزل منه نسخة 124 حصان كانت بتنزل كوريا بس وقفوة مع نزول الفيس ليفت لانهم لغوا الموتور ال 1600 فى كوريا

وكان بينزل فى اوروبا ومازال بينزل بس فى الهاتش باك فقط لان السيدان بقت ديزل مبينزلوش منها بنزين

التعديل مكنش فارق اوى فى ارقام التسارع غير انه رفع نسبة الانضغاط ل 11 يعنى كويس انهم معمموش التعديل دا على كل الموديلات

اما النسخه الحاليه الموجوده فى الكروز والسونيك والاسترا هى اللى منتشره

معتقدش فى نسخ او اصدارات تانيه

شكرا أ/حسام

طيب هو الموتور ده راكب فى اى عربيه تانيه بخلاف الكروز والاسترا ؟؟

وهل الاوبل فيكترا كان فيها الموتور ده برضه ولا اصدار اقل فى التكنولجى ؟؟

المشاركة الأصلية كتبت بواسطة Formulator

من الإيكوتيك بتاع 2001 للـEcoTEC الحالى.. الفرق كبييييييييييير؟!!

أوبلGM كان بتطلع أرقام الأداء دى من مواتير 1800cc :) دلوقتى بتطلعها من 1600

يعنى من أول الفكترا B2 فـ2002 عدلوا:
- البلوك cast-iron بقى أخف
- بقى فيه EGR و TwinPort زى ما عاشور باشا قال
وده كان 105 حصان IIRC

الموتور الـ1.6 EcoTEC من أول 2005/2006:
- عملوا الـVVT عـ الكامتين DCVCP الـCam-Phaser بقى شغال على طول، وسحب/عادم
وبيطلع 115 حصان بردو

بس من أول الأسترا الجديدة؛
- البلوك الـCast-iron بقى أخف كمان
وزودوا فيه Piston-cooling oil-jets رشاشات زيت عـ البساتم من تحت (مكانتش موجودة)
وطبعا الـDCVCP لسه موجود..

فيه نسخة بردو -غير اللى قال عليها حسام أوبتراوى- بتطلع 116 حصان (حصان واحد زيادة)
بس الـCompression-ratio بتاعتها 10.8:1 (بدل 10.5 أعتقد فـ مصر)

Edit: الموتور ده بتعديلات بسيطة بيطلع 130 حصان :))
بيغيروا مانيفولد الـintake بواحد أقصر (بتاع موتور أوبل-فوكسهول بردو oem) + الـremap بيطلع الهورسباور الزيادة؟!!

بيقولك ان أكثر حاجة بتعمل Restriction للموتور ده هو الـAirbox علبة الهواء مخنوقة أوى!!
(عشان كده فعلا العزم والسحب بتاع الأسترا بيتحسن أوى لما يركبلها Cold-Air intake من غير حتى تعديل كنترول ولا exhaust)؟!!!

شكرا جزيلا على المعلومات المفصله دى

احب انا الردود المحترفه دى

ده انت موسوعه

طيب معلش عشان انا مش خبير اوى ايه المقصود بــ Cold-Air intake هل هو تركيب فلتر مختلف عن الى فيها ولا ايه ؟؟