الموضوع: كل مالكى لانسر كريستالة ساعدونىىىىىىىى

المشاركة الأصلية كتبت بواسطة omneya88

السلام عليكم ورحمة الله وبركاتة

وعليكم السلام

انا عندى بس مجموعة اسئلة يارب بس تقدروا تساعدونى
انا جبت لانسر كريتالة موديل 98 وهى مواصفات خليجى واشتريتها ب 47 الف وهى مش كاملة ولا ازاز كهربا ولا اى حاجة هو ده كدة سعرها ولا اية هو الكل قالى ان العربيات غليت بسبب الدولار ربنا ينتقم منه
غليه شويه
العربية بقى بتعمل شوية حاجات غريبة
لما بدورها الصبح وهى باردة بتقعد تبطل لازم ازود بنزين عشان تفضل دايرة وانا مزودة بنزين بلاقيها بترج رجه كدة غريبة وبتقعد شوية الرجة دى وبعدين لما تسخن العربية بتروح هو الراجل اللى اشترتها منه كان بيحط 80 وانا بحط 92 قالو لى ان كهربه الموتور عاوزة تقل سالت
كدا السخان لاما عاوز يتنضف او عاوز يوطى
الكهربائى قالى بتنتش وانتى ماشية قلت له لا قالى خلاص مش محتاجة بس هى بتنتش الصبح وبعدين قالى روحى للميكانيكى خلية يقلل البيكات بتاعة البنزين فا مش عارفة اعمل حاجة
لازم تسيبى العربيه حوالى 3الى 5 دقائق تسخن وبعد كدا تتحركى بيها علشان السخان فيه مشكله
وعاوزة اعرف كمان هو فى موتور 1300 انجكشن ينفع ليها لان انا حاسة ان الكربراتير دة بيسحب اكتر من الانجكشن ال 1600 مع انة المفروض يكون اقلل بس عاملتلها اختبار سحب البنزين فولت وبعدين مشيت مشوار حوالى 120 ك ورحت فولت لقتها عاملة حوالى 10 لتر او 15 لترفقالى الميكانيكى كدة حلو بس انا بقى مش عارفة الرجة دى ومضايقانى موووووت
بصى المتور بيبقى 1500 انجيكشن ومكلف حوالى 5 الاف بالتفيس الاتوماتيك
بس عن تجربه العربيه فى المشاوير الطوالى والسفر مش بتاكل بنزين خالص بس جوه البلد بتحسى انها بتاكل بنزين بزياده
ولو حبيت اغيرها اتوماتيك اجيب لها موتور كرستالة ولا بومة وممكن يكون 1300 وهتكلفنى قد اية

وياريت لو تعرفوا حد بتاع قطع غيار جديدة اصلية او استيراد اصلية قولو لى عليهم لان بتاع العفشة قالى انها عاوزة طقم مقصات امامى وعلبة دريكسيون وطرمبة بور ياريت تقولو لى عاملين كام والاقيهم فين الاصليين
ومعلش سؤال اخير العربية دى بياعة لو غيرت ليها موتو هتفرق ولا عادى ان الموتور يتغير
وشكرا اوى لكل اللى هيرد عليا
للناس الى بتفهم مش هتفرق موضوع المتور معاهم ود للافضل بس الناس بتخاف شويه بيحبوا الاستوك بتاع العربيه
العربيه بياعه متخفيش

رديت عليكى بلون مختلف