الموضوع: هاشترى شقه فى العبور ان شاء الله و رايح اتعاقد و عايز نصايحكو

ياجماعه حد يطمن قلبى ربنا يطمن قلوبكو

المشاركة الأصلية كتبت بواسطة islam_shady

السلام عليكم و رحمة الله و بركاته

انا حجزت شقة فى العبور تبع الصندوق التامينى الخاص بنقابة المهندسين و رايح إن شاء الله ادفع الباقى و امضى العقد و كنت عايز نصايحكو

ايه اللى المفروض اخد بالى منه

هل فى حاجه اشترطها فى العقد؟

هل فى اوراق اطلب اخد صور منها مع العقد؟

يعنى مثلا العقد موش مكتوب فيه التصميم الداخلى للشقه

العقد مكتوب فيه انى لازم استلم فى خلال اسبوعين من ابلاغى و الا هادفع 5 % غرامه تاخير

و لو اتاخرت فى القسط هادفع 2% غرامه برضه

هل ده طبيعى؟

ياريت تفيدونى او تطمنونى و جزاكم الله خيرا

اولا هى شروط العقد بتكون بالاتفاق ولوفى حاجه انت معترض عليها بتبلغهم وبيتهيقللى بيكون فيه شروط التعاقد وضمانات لحقوق الطرفين فأنت مثلا لو فى شروط معينه فى التسليم والتشطيب ممكن تكتب شرط جزائى على التاخير او التغيير وهما بيحطوا ضماناتهم علشان السداد . وفى الغالب لو شركه بيبقى العقد فورمه مبيغيروهاش .
ثانيا انت بتطلب الاطلاع على اصل ورق تسلسل ملكيه الارض والتصاريح وبتاخد منهم صوره مع العقد
ثالثا هو موضوع التصميم الداخلى ده بيبقى ضمانه ليك انهم ميغيروش الشكل او المساحات الداخليه بس لو العماره مبنيه وانت هتستلم على ارض الواقع اظن ملهوش داعى لان ده بيستخدم فى حاله التعاقد على مشروع لسه حيتبنى كضمان لهدم الاخلال بالشكل اللى انت مختاره
بالنسبه لموضوع الغرامات فده بيختلف من شركه للتانيه وفى الغالب موضوع غرامه على الاستلام ده مشفتوش قبل كده خصوصا ان الشقه بتكون فى حوزته وانت ملكش فيها الا بعد سداد دفعه الاستلام وتمضى على محضر الاستلام بعد متعاين الشقه وتتأكد من المواصفات اللى انت طالبها او متعاقد عليها وفى حاله انهم معملوش المواصفات دى مبتمضيش على محضر الاستلام ولابتدفع دفعه الاستلام غير لما يسلمولك المواصفات المكتوبه فى العقد وغرامه التاخير فى القسط لازم يسيبلك فتره سماح قبل ميحسب الفائده "بالرغم من ان ده ضمان لحقه" بس للطوارى فلو القسط شهرى بيكون من5-10 ايام ولو ربع سنوى او نص سنوى او سنوى بيكون مهله شهر فممكن تتكلم معاهم فى النقطه دى وبرضه على فكره ممكن تطلب قبل متتعاقد انك تاخد صوره من العقد بتاعهم وتراجعه على مهلك وبعدين ترجعلهم .


بس على العموم الموضوع مبيكونش فى قلق لو الشركه كبيره وانت بتدفع الاقساط فى ميعادها فانت فى الامان بس اهم حاجه موضوع الاستلام لو ملقتش اللى انت متعاقد عليه من حقك متستلمش وممكن تعمل محضر كضمان لحقك بكده
والف مبرووووووووووووووك مقدما وربنا يباركلك فيها ان شاء الله
وتحت امرك فى اى استفسار

المشاركة الأصلية كتبت بواسطة eslamrace

اولا هى شروط العقد بتكون بالاتفاق ولوفى حاجه انت معترض عليها بتبلغهم وبيتهيقللى بيكون فيه شروط التعاقد وضمانات لحقوق الطرفين فأنت مثلا لو فى شروط معينه فى التسليم والتشطيب ممكن تكتب شرط جزائى على التاخير او التغيير وهما بيحطوا ضماناتهم علشان السداد . وفى الغالب لو شركه بيبقى العقد فورمه مبيغيروهاش .
ثانيا انت بتطلب الاطلاع على اصل ورق تسلسل ملكيه الارض والتصاريح وبتاخد منهم صوره مع العقد
ثالثا هو موضوع التصميم الداخلى ده بيبقى ضمانه ليك انهم ميغيروش الشكل او المساحات الداخليه بس لو العماره مبنيه وانت هتستلم على ارض الواقع اظن ملهوش داعى لان ده بيستخدم فى حاله التعاقد على مشروع لسه حيتبنى كضمان لهدم الاخلال بالشكل اللى انت مختاره
بالنسبه لموضوع الغرامات فده بيختلف من شركه للتانيه وفى الغالب موضوع غرامه على الاستلام ده مشفتوش قبل كده خصوصا ان الشقه بتكون فى حوزته وانت ملكش فيها الا بعد سداد دفعه الاستلام وتمضى على محضر الاستلام بعد متعاين الشقه وتتأكد من المواصفات اللى انت طالبها او متعاقد عليها وفى حاله انهم معملوش المواصفات دى مبتمضيش على محضر الاستلام ولابتدفع دفعه الاستلام غير لما يسلمولك المواصفات المكتوبه فى العقد وغرامه التاخير فى القسط لازم يسيبلك فتره سماح قبل ميحسب الفائده "بالرغم من ان ده ضمان لحقه" بس للطوارى فلو القسط شهرى بيكون من5-10 ايام ولو ربع سنوى او نص سنوى او سنوى بيكون مهله شهر فممكن تتكلم معاهم فى النقطه دى وبرضه على فكره ممكن تطلب قبل متتعاقد انك تاخد صوره من العقد بتاعهم وتراجعه على مهلك وبعدين ترجعلهم .


بس على العموم الموضوع مبيكونش فى قلق لو الشركه كبيره وانت بتدفع الاقساط فى ميعادها فانت فى الامان بس اهم حاجه موضوع الاستلام لو ملقتش اللى انت متعاقد عليه من حقك متستلمش وممكن تعمل محضر كضمان لحقك بكده
والف مبرووووووووووووووك مقدما وربنا يباركلك فيها ان شاء الله
وتحت امرك فى اى استفسار

جزاك الله خيرا على اهتمامك

انا جيبت نسخه من العقد انهارده و ان شاء اله رايح اتعاقد يوم السبت

و كلمتهم فى الاوراق(تخصيص الارض و رخصة البناء ) دى و كان ردهم ان ده بيتم لو باشترى من شركه او من اهالى لكن انا فى الحاله دى باشترى من حكومه (صندوق التامين الخاص بنقابة المهندسين)

و بيتهيالى لو طلبت اضيف بند فى العقد هايرفضو


ولا ايه؟

على العموم انا طلبت من حضرتك على الخاص رقم موبايلك لو موش هضايق حضرتك

و جزاك الله خيرا

المشاركة الأصلية كتبت بواسطة أبو صلاح

ياباشا عايز تأمن نفسك كويس
شوف اي محامي تاخده معاك يطلع على الاوراق ومش هيكلفك اكتر من 500 ج
بس هتبقى مطمئن

انا اللى مضايقنى انهم موش مرنين

يعنى لو حتى لو جيبت محامى و طلب اضافة او الغاء بند هايرفضو

بيقولك احنا حكومه و دى اجراءات مانقدرش نغيرها

المشاركة الأصلية كتبت بواسطة islam_shady

جزاك الله خيرا على اهتمامك

انا جيبت نسخه من العقد انهارده و ان شاء اله رايح اتعاقد يوم السبت

و كلمتهم فى الاوراق(تخصيص الارض و رخصة البناء ) دى و كان ردهم ان ده بيتم لو باشترى من شركه او من اهالى لكن انا فى الحاله دى باشترى من حكومه (صندوق التامين الخاص بنقابة المهندسين)

و بيتهيالى لو طلبت اضيف بند فى العقد هايرفضو


ولا ايه؟

على العموم انا طلبت من حضرتك على الخاص رقم موبايلك لو موش هضايق حضرتك

و جزاك الله خيرا

فعلا هو فى حاله الشراء من الجهات الحكوميه مبيرضوش يطلعوا الورق وبدون ابداء اسباب وطالما هم قالوا كده يبقى فعلا مش حينفع تغير حاجه فى العقد والحل ان حضرتك تروح لمحامى بصوره العقد اللى معاك ولو الشروط تعجيزيه او مش حتتوافق معاك يبقى بلاش ولو عاديه تحفظ حقوقهم وحقوقك يبقى توكل على الله
وتم ارسال الرقم على الخاص .