نفسى أعرف أزاى الحرامى فك الفانوس

**MoStAfA MaHmOuD** · 29-01-2013 03:37 PM

الحمد لله
نزلت الصبح لقيت الفانوس اللى ورا مش موجود ومفيش ليه أثر خاااااااااااااااااااااااا اااااااااالص
والشنطة متفتحش والإنذار مشتغلش ومفيش اى آثار تجريح ولا اى حاااااااااااااااجة اللى فكه فنان بصراحة
نفسى اعرف ازاى اتفك والشنطة مقفولة؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

**MITSUKERO** · 29-01-2013 03:40 PM

ده مبيتفكشي و الشنطة مفتوحة هيتفك و هي مقفولة !!!!! ده حرامي رخم قوي بجد

**MoStAfA MaHmOuD** · 29-01-2013 03:44 PM

المشاركة الأصلية كتبت بواسطة MITSUKERO

ده مبيتفكشي و الشنطة مفتوحة هيتفك و هي مقفولة !!!!! ده حرامي رخم قوي بجد

ودة اللى هيجننى إزاى فك المسمارين اللى تحت باب الشنطة وهى مقفولة
وعلشان يزودها كمان قطع الفيشة.......طيب سيبلى الفيشة وخد الفانوس

**dedo000** · 29-01-2013 04:09 PM

حصلت معايا واتشال الفانوسين
بيخط خشبة فى الفرق بتاع الشنطو وبعدين بمفك بيفك المسمارين بتوع الفانوس ومقص قطع الفيشة فى 5 دقايق يكون فكك الفانوسين
نصيحة لما تجيب الجديد اربطة بمسمار بصمولة من جوة علشان ميتشالوش تانى

**MoStAfA MaHmOuD** · 29-01-2013 04:30 PM

المشاركة الأصلية كتبت بواسطة dedo000

حصلت معايا واتشال الفانوسين
بيخط خشبة فى الفرق بتاع الشنطو وبعدين بمفك بيفك المسمارين بتوع الفانوس ومقص قطع الفيشة فى 5 دقايق يكون فكك الفانوسين
نصيحة لما تجيب الجديد اربطة بمسمار بصمولة من جوة علشان ميتشالوش تانى

انا فعلا عامل الفانوس التانى بصامولة من جوة لأنه تايوانى ومش كان راكب كويس ف ركبتة بصامولة.
وللأسف الأصلى هو اللى اتسرق

**S O P H O S** · 29-01-2013 05:09 PM

الحرامي لو يشغل تفكيره فالخير
ويشتغل افضل 100 مرة من الي بيعمله فالسرقة ..

**MoStAfA MaHmOuD** · 29-01-2013 05:21 PM

ومفيش عربيات تانية اتسرق منها غير عربيتى وعربية تانية لانسر بردو سرق نفس الفانوس يعنى دة كدة عيب فى اللانسر ولا هو مش محتاج غير دول بس

**salah_86** · 29-01-2013 11:07 PM

والله ياريس اليومين دول مفيش حاجة مضمونة
احكيلك علشان اللى بيشوف بلوة غيرة تهون علية بلوتة
انا لسة عريس جديد وشغلى فى محافظة تانية غير محل سكنى فبسافر يوميا المهم لما بسافر شغلى من غير عربيتى بكون طبعا مغطيها المهم يوم رجعت من الشغل ملقيتش الغطا وكان لسة جديد ب 140 جنية وتر بروف
استعوضت ربنا ورحت اشتريت واحد تانى وبقيت اربطة فى الكاويتش بخيط كدا
لسة امبارح نازل ملقيتوش ولقيت ورشة ميكانيكى قدام ما انا بركن عنده الغطا لقيتة بيقولى اصل الغطا طار وانا لميتهولك اموت واعرف طار ازاى وانا رابطة فى الكاوتش وفى الطاسة طبعا انا شاكك يكون حاول يسرقة وحد شافة فاخترع الحاكية دى لانه كان بيضايق لو انا ركنت قدامه مع ان الشارع واسع وانا دلوقتى مبركش قدامة خالص
ولما حبيت اركن عربيتى جنب عربية والدى تحت بيت والدى تانى يوم رايح اخدها لقيت الغطا مقطوع والكبوت محكوك حتة قد الصباع السبابة كدا زى ما يكون قصد ورحت للسمكرى ردها على البارد واخد 80 جنية ورحت ملمعها بالكمبوند والبوليش وراحت
بس انا مش عارف ايه الغل اللى جوا الناس دا

**amro0000** · 30-01-2013 01:43 AM

انتة هتقولي علي الغل ياخي انا كان معايا عربية شاهين قبل ما اجيب لانسر وكان فيها غطاااااء مقطوع والله واتسرق وفية ناس بتخربش العربيات متعرفش لية انا نفسي افهم بجد لية الافترا دا بص الحل وطبعا مش حل بس نسميه حل اعمل زي منا بعمل خلي عينك رايحة جاية علي العربية كل ساعة كدة تقريبا وخليها تحت شباكك وياريت تخلي الانذار يكون بلمس اي حد يلمس العربية يشتغل وربنا يعينك بجد علي الشعب الجميل الي مبيرحمششششششششششششششش

**maryano** · 30-01-2013 01:55 AM

ربنا يعوض عليك
زي لعنه اللانوس عندناااا من اوي مجبنهااااااا اتخبطة تحت البيت يجي 10 مرات في 5 سنين غير مرتين نلاقي الازاز مكسور و مفيش حاجة مسروقه و لسه من اسبوع لقينا وش الفانوس اللي ورة مكسور دة كله غير التجريح في العربيه و كل منسال البواب مشوفتش حاجة غير مرة علاشان العربيه للي خبطتطه ادمرت
دة العادي في مصر