الموضوع: مشكله المروحه في السياره اللوجان

السلام عليكم
المشكله دي اتكررت مع كذا عضو هنا و بسمعها كتير من اصدقاء معاها لوجان اوتو وهي:
ان مروحه الراديتير بتشتغل على السرعه العاليه ولفترات طويله دون توقف..
الصراحه سمعت احتملات كتير
1- ثرموستات ..ودول اتنين واحد في الراديتر و واحد في طرمبه الميه
2- مشكله في مقاومه المروحه نفسها
3- حاجه اسمها حساس الحراره (وده واحد كان عنده نفس المشكله دي وراح غيره في التوكيل وبيقول ان المروحه دلوقت اصبحت تمام)
4- الكنترول !!

ياريت اللي عنده معلومه عن الحكايه دي او يعرف احتمالات تاني ممكن تكون السبب
او معاه لوجان وحصلت معاه نفس المشكله دي
يقولنا عمل ايه؟ والمشكله في اي جزء بالظبط ؟وهل اتصلحت دلوقت؟
لامها واضح انها مشكله معروفه في اللوجان

الرجاء الافاده
وشكرا مقدما