انا تعبت والله

**moody_687** · 29-01-2013 08:15 PM

ياجماعة انا بشتغل شئون قانونية ف هيئة حكومية بعقد مؤقت والمواعيد بتخلص 2 ظ وزي مانتم عارفيين ان مرتب الحكومة مش بيكفي وبالفعل اشتغلت شغلانة تانية بعد الظهر الساعة 5 ومكنتش جايبة همها لو اتاخرت عن الميعاد 10 دقايق بيتخصم من المرتب ناهيك عن تبويظ الاعصاب والجري بالعربية عشان كنت بروح ع 3 ولحد ماانزل تانى واوصل ع ميعاد الشغل التانى فكانت اعصاب الواحد بتكون بايظة ع 500 ج فسيبت الشغل وفوقت لاستكمال دراسة الماجستير وان شاء الله قربت اخلصه
فارجوكم انا مش عارف اعمل ايه بعد ماخلص الماستر اكمل دراسة انجليزي لحد مااتثبت ف شغل الحكومة وبعدين اسافر ولا اعمل مشروع صغير محترم وحد يشاركني فيه ولا ادور ع شغل تاني بمرتب كويس ؟؟؟ ارجوكم افيدوني بارائكم

**Mohyeldin1974** · 29-01-2013 08:24 PM

انا معرفش طبعا تفاصيل حياة حضرتك بس كل اللى ااقدر ااقولهولك ان تحط قدامك هدف لازم توصله ومهما كانت العقبات وصدقنى ربنا هيوفقك طالما بتتعب وتذكر ان دايما ان كل اللى بتمر بيه دلوقتى هيكون فى يوم من الايام ذكرى تفتكرها ويا اما تقعد تضحك وتقول ايام جميله والله او تقول الله لا يعودها ايام....المهم هتعدى

**moody_687** · 29-01-2013 09:22 PM

ربنا يخليك والله انا كنت حاطط هدف الماجستير وانى اشتغل ف شغلانة اضمن بيها حياتي وحققتهم بالفعل الحمدلله بس اللي ناقصني تزويد الدخل عشان اقدر افتح بيت خاصا اني لسة مش متجوز

**sarawe511** · 29-01-2013 11:02 PM

متابع

**Khaled Online** · 29-01-2013 11:11 PM

بعد ما يكون معاك ماجستير استفسر عن التثبيت في الحكومة أو تتنقل لمكان تاني جوا الحكومة، من ميزات الشغل الميري إن لما بتاخد شهادات بتاخد وضع أحسن. إن مكانشي يبقى تشوف جامعة أوشركة قطاع خاص وتشتغل فيهم وإن شاء الله هتلاقي لأن مش أي حد معاه ماجستير وربنا يوفقك
وبلاش حتة إن بعد ما تخلص الماجستير تبتدي تاخد كورسات إنجليزي...ليه؟ اللغة محتاجة وقت وطولة نفس والكورسات مش ببلاش وعشان تحس بفرق قدامك مش أقل من سنة فانت أولى في الوقت الطويل ده تشتغل شغلانة تليق بيك وبمؤهلاتك

**Mohyeldin1974** · 29-01-2013 11:30 PM

هو تخصص الماستر بتاعك فى ايه

**msmesm** · 29-01-2013 11:46 PM

ربنا يوفقك و شوف قلبك مستريح لايه و اعمله

**S O P H O S** · 30-01-2013 07:29 AM

ربنا يوفقك ويصلح امور حياتك ..

**moody_687** · 30-01-2013 07:34 AM

المشاركة الأصلية كتبت بواسطة khaled online

بعد ما يكون معاك ماجستير استفسر عن التثبيت في الحكة أو تتنقل لمكان تاني جوا الحكومة، من ميزات الشغل الميري إن لما بتاخد شهادات بتاخد وضع أحسن. إن مكانشي يبقى تشوف جامعة أوشركة قطاع خاص وتشتغل فيهم وإن شاء الله هتلاقي لأن مش أي حد معاه ماجستير وربنا يوفقك
وبلاش حتة إن بعد ما تخلص الماجستير تبتدي تاخد كورسات إنجليزي...ليه؟ اللغة محتاجة وقت وطولة نفس والكورسات مش ببلاش وعشان تحس بفرق قدامك مش أقل من سنة فانت أولى في الوقت الطويل ده تشتغل شغلانة تليق بيك وبمؤهلاتك

للاسف مش ينفع اتنقل من مكان لمكان الحكومة لازم بمسابقة تنزل ف الجرايد مش ينفع اتنقل بمزاجى وعاما انا بدور ع شغل تانى اضافي مش لاقي خالص ولو لقيت يقولك مندوب مبيعات وليك نسبة ربح
وحتى القطاع الخاص مش هقدر اسيب الحكومة واشتغل فيه عشان حضرتك مفيش حد ضامنه لكن لو اشتغل فيه كشيفت بليل ماشي والله انا فكرت انى اكمل كورسات انجليزي واقدم ف الدي داتا

**moody_687** · 30-01-2013 07:35 AM

المشاركة الأصلية كتبت بواسطة mohyeldin1974

هو تخصص الماستر بتاعك فى ايه

انا تخصصي ف القانون واخد ماستر علوم ادارية عشان الشركات واني اعرف ازاى اتعامل مع محاكم الخاصة بالموظفين ( مجلس الدولة )

الموضوع: انا تعبت والله

LinkBack

أدوات الموضوع

عرض

-

-

-

-

المواضيع المتشابهه

يااااااااااااااااااااه اخيرا روحت !! بس والله والله والله فى امل

والله انا تعبت

بجد انا والله تعبت في سوق مصر وابصم ليكم بالعشرة ربنا يعينكم

تعبت والله من لمشكله دى ؟

الكلمات الدلالية لهذا الموضوع

المفضلات

المفضلات

ضوابط المشاركة