وبعدين يارجالة في العربيات المقطورة ؟

**al_manara** · 30-01-2013 01:50 AM

السلام عليكم

النهاردة (الساعة 11 ليلا) كنت معدي من قدام كارفور المعادي ( من علي الدائري) وفي حادثة في الطريق (عافانا الله واياكم ) علي جنب .
عربييتين بايظيين خالص .

وانا قدامي لحظتها علي بعد حوالي 5 عربيات عربية من بتاعت نقل البنزين .

وفجاءة لقيت مشهد اخراج امريكي بيحصل . طبعا السواق ( الحيوان) لانة بيجري وفي وسط الطريق داس فرامل وشد فرامل ورا لقيت العربية المقطورة بتتعوج من الخلف وهوب بقت واخدة نصف الطريق وهو بيودي وش العربية ناحية العربيتين الي عاملين حادثة .

ستر ربنا ان مفيش حد جانبة ولا حد من ورا جاي بسرعة الحمد لله .

ياتري اية اخرت الناس دي ؟

**egyptiandiver** · 30-01-2013 02:04 AM

مفيش رقابة كفاية و مفيش تعليم و مفيش ضمير و مفيش إحساس بمخاليق الله ولا فيه رحمة... و فيه مخدرات و فيه خمر و فيه إدمان و فيه صياعة (عذراً) و فيه قتلة و أرامل و يتامى و عربيات ناس و شقة عمرهم فيها و و ربنا يرحمنا... قولو أمين

**al_manara** · 30-01-2013 02:11 AM

المشاركة الأصلية كتبت بواسطة egyptiandiver

مفيش رقابة كفاية و مفيش تعليم و مفيش ضمير و مفيش إحساس بمخاليق الله ولا فيه رحمة... و فيه مخدرات و فيه خمر و فيه إدمان و فيه صياعة (عذراً) و فيه قتلة و أرامل و يتامى و عربيات ناس و شقة عمرهم فيها و و ربنا يرحمنا... قولو أمين

لا اله الا الله

امين

**S O P H O S** · 30-01-2013 07:27 AM

طول ما كل شئ بيمشي فطريق واحد
نتوقع اي شئ ..

**BESO516** · 30-01-2013 07:59 AM

انت فمصر عادى جدا

انا كل يوم بروح التجمع الخامس وكل يوم بخساره شكل فالعربيه وكله بسبب المقطوره يعنى طوبه خارجه من الدوبل ترشق فى الأزاز - يحدف عليك يخليك تدخل فى السور على الشمال ولو انت على اليمين يخليك ممكن تنزل نزله انت مش رايحها اساسا عشان تفاديه عادى جدا

**Imhotep** · 30-01-2013 08:57 AM

المشاركة الأصلية كتبت بواسطة al_manara

ياتري اية اخرت الناس دي ؟

اخرتها سودا بعيد عنك.... هو لانه بيبقى سايق جبل حديد و عارف انه مهما حصل مش هيجراله حاجة و هوه جواها عشان كده بيتهور فى السواقة و بما ان مفيش ضمير مش بيهمه اللى حواليه..... المقاطير و المقاطيع اللى سايقينها هم سبب تجنبى للدائرى رغم انه اقرب لى فى طريقى من و الى البيت..... لكن بعد حادثة كبيرة من كام سنة ربنا ستر فيها بس العربية اتدمرت بقيت اتجنب حرقة الدم من ولاد الهرمة دول

**Nistelrooy** · 30-01-2013 10:37 AM

امبارح مقطورة علي الدائري عمالة تاخد غرز ؟؟ جة عدي من جمبي وعايز ياخد غرزة والطريق واقف اصلا كبست علية لاني لو ماعملتش كدا كان هيخبطني بالمقطورة الي وراة وكنت والله هنزل اشتمة ومشيت قدامة كل شوية اقف علشان اخنقة ...