مطلوب شراء أوكتافيا a5 مانيوال

**elbaz18** · 31-01-2013 12:30 AM

السلام عليكم ورحمة الله وبركاته
ياجماعة انا بدور عايز أشترى عربية أوكتافيا a5 مانيوال ياريت لو فى حد عايز يبيع او يعرف حد ياريت يكون فى تواصل والف شكر لتعبكم معايا

**elbaz18** · 03-02-2013 08:18 AM

إيييييييييه يا جمااااااااااااااعه
هو للدرجه دى الموضووووع صعب كده ده انا حاسيت انى بطلب ممنوعاااااااات ههههههههههههه

**Ali_Abdelhamid** · 03-02-2013 09:45 AM

ممكن تقول لنا اشمعنا اوكتافيا ايه فايف و مانوال ؟!!!!

**elbaz18** · 03-02-2013 11:01 AM

بص يا سيدى بما انك اول حد يرد عليا هنا يبقه هحكيلك القصه كامله هههههههههههههه
انا كان معايا لانسر1300 مانيوال ولسه بايعها من اسبوعين وبدور على عربيه تكون افضل
فقررت اجيب جيتا أو أوكتافيا a5 ولما جيت ادور وادخل على النت لقيت الناس كلها بتتكلم عن موضوع الفتيس الأوتوماتيك وعيوبه فى العربيتين فقررت اريح دماااااغى خاااااالص وأدور على اى واحده منهم بس مانيوال وكمان هستفاد بأنها هتكون أرخص بكتييير وللأسف من ساعتها وانا حاسيس انى بدور على سرااااااااب

**bob12345** · 04-02-2013 02:22 AM

الاوكتافيا فيه منها منوال الجيتا نزل منها في 2006 و مش موجوده كتير نادرة اوي

**elbaz18** · 05-02-2013 07:58 AM

الف شكر على المعلومة الجميله دية

**Ali_Abdelhamid** · 06-02-2013 09:57 AM

استاذ الباز باشا
اضافه على كلامك ... استهلاك البزنين فى المانوال أفضل بكتير من الاتوتوماتيك ... انا معايا بتعمل 14 كيلو فى الليتر جوا البلد ... وبتعمل معايا تقريبا 15.5 فى السفر
دا غير التسارع معقول فى الاول واتانى ... لاكن بعد كدا مزهل وبعد 140 رائع
والاهم من ذالك ان الاسطوانه والديسك والبليه ب 1700 بالتركيب فى التوكيل

الحاجه الغربيه بقى ... انك بتقول ان المانوال ارخص بكتير من الاوتوماتيك ؟؟؟؟
انزل السوق وشوف او ادخل على مواقع البيع وشوف

على فكره ان زيك يالظبط لما جيت ادور على اوكتافيا ايه فايف مانوال ... قعد سنه ونصف بدور ... لغايه لما ربنا اكرمنى
لاكن لو مستعجل ... دور على ايه فور هتلاقى منها مانوال كتيير

**Moratoz** · 06-02-2013 05:36 PM

ممكن تشوف a5 أوتوماتيك موديل ٢٠٠٨ و٢٠٠٩ مشكله الفتيس تم حلها في الموديلين دول قبل نزول الفنتازيا وبعدين لو الأسطوانه والديسم في المنوال ب ١٧٠٠ الفتيس الاوتوماتيك بيتصلح في مركز الصيانه ب ٦٠٠٠ تقريبا بتغير الزيت بتاعه فالفرق مش كبير يا اما بقي أنتا عاوز تركب منوال اصلا دا موضوع تاني
وتقبل تحياتي

**EngAhmedSayed** · 07-02-2013 12:23 AM

انا فى اوكتافيا معروضه للبيع فى الشغل عندى تفصيلها مش عارف ان شاء الله بكره هنزل تفصيلها و لو حضرتك حابب تشوفها ممكن تكليمنى
صديقى كليمنى و قلى عارض للبيع
ان شاء الله بكره هشوفها و هقول لسياتك
ربك المستعان