الموضوع: تقييم اوبترا مستعملة موديل 2009 او 2010

السلام عليكم ورحمة الله

يا اخوانى انا ان شاء الله نويت واستخرت وتوكلت على الله انى اجيب اوبترا مستعملة موديل 2009 او 2010 اوتوماتيك وكنت عاوز تقييم عام ليها بناءا على النقاط التالية :


1- كأداء بشكل عام

2- توافر قطع الغيار واسعارها

3- التوكيل ياخد كام من عشرة

4-سعر اعادة البيع

5- الثبات على الطريق وتحديدا فى السرعات العالية

6- الفتيس الاوتوماتيك هل هو فعلا يابانى كما سمعت ولا كورى وهل فعلا فيه مشاكل كتير برده زى ما سمعت ولا شغال زى الفل والنقطة دى مهمة اوى محتاج رايكم فيها جداااااا

7-باور الدركسيون ناعم ولا الدركسيون تقيل

8-الوسع الداخلى

9- راحة القيادة وراحة الكبينة

10 - وسع الشنطة

11- السرعة القصوى كام ؟ وهل مقفولة على سرعة معينة زى عربيات تانية ولا لا ؟

12- الشكل الجمالى الداخلى والخارجى

13-السحب : اخباره ايه خاصة انى بتكلم عن الاوتوماتيك
14-الاوبشنز : انا سمعت ان الخليجى بيبقى فيه abs , airbags هل ده صحيح ؟ ومنين الواحد يقدر يجيب اوبترا خليجى مستعمل ؟ اقصد معرض مثلا

15- الاعتمادية

16- العلو عن الارض

17- نعومة وقوة العفشة : هل العفشة الناس مبسوطة منها ولا بتشتكى منها

18- الفرامل : سمعت ان فراملها مش قوية اوى زى الصنى او النيو اكسنت هل ده صحيح ؟ ولا فراملها كويسة ؟ وسمعت ان لازم تجيب تيل فرامل نوع معين وكاوتش معين بقاس معين عشان تحس بقوة الفرامل ؟ ايه مدى صحة النقطة دى كمان

19- وانا بشترى بما انى بشترى مستعمل هل اكشف عليها فى التوكيل ولا مركز صيانة ؟


واخيرا اسف جداااااااااااا على الاطالة بس مش هلاقى افضل منكم كخبراء لمساعدتى فكل الاستفسارات دى لانى عاوز ابقى مطمن

المشاركة الأصلية كتبت بواسطة mizotion

السلام عليكم ورحمة الله

يا اخوانى انا ان شاء الله نويت واستخرت وتوكلت على الله انى اجيب اوبترا مستعملة موديل 2009 او 2010 اوتوماتيك وكنت عاوز تقييم عام ليها بناءا على النقاط التالية :


1- كأداء بشكل عام ممتازة

2- توافر قطع الغيار واسعارها موجوده في كل حته والاسعار في المعقول مش غالية اوي ومش رخيصة برضة .. يعني ده يرجع لانك بتقارن باسعار اي نوع من العربيات

3- التوكيل ياخد كام من عشرة مجربتوش لاني شاري 2007 مستعمل

4-سعر اعادة البيع بص عموما سعرها رفع دلوقتي وكان في موضوع بيقول الزيرو وصل ل 112000 فاكيد حتمسك سعر

5- الثبات على الطريق وتحديدا فى السرعات العالية انا وصلت بيها 160 في طريق السخنة بس بعد كده هديت علشان الكاوتش عندي بعافية شوية

6- الفتيس الاوتوماتيك هل هو فعلا يابانى كما سمعت ولا كورى وهل فعلا فيه مشاكل كتير برده زى ما سمعت ولا شغال زى الفل والنقطة دى مهمة اوى محتاج رايكم فيها جداااااا انا معايا اوتوماتيك وهي معقولة جدا بس الطلعة بتاعتها تقيلة شوية _ مقارنة برينو ميجان 2 اللي كانت معايا قبليها _ اما موضوع اعتمادية الفتيس ده يعتمد على الزيت وتغيره في ميعاده بس هوه كويس جدا وكان في عضو معانا راسل الشركة الام وعرف انه ياباني

7-باور الدركسيون ناعم ولا الدركسيون تقيل الفرق بينها وبين الرينو ميجان بسيط جدا _

8-الوسع الداخلى فيلا بدورين

9- راحة القيادة وراحة الكبينة مريحة جدا

10 - وسع الشنطة بحر كبير

11- السرعة القصوى كام ؟ وهل مقفولة على سرعة معينة زى عربيات تانية ولا لا ؟ زي ما قلت انا مرديتش ازود عن 160 علشان الكاوتش

12- الشكل الجمالى الداخلى والخارجى دي اذواق

13-السحب : اخباره ايه خاصة انى بتكلم عن الاوتوماتيك الطلعة بس لكن بعد كده زي ما انت عايز
14-الاوبشنز : انا سمعت ان الخليجى بيبقى فيه abs , airbags هل ده صحيح ؟ ومنين الواحد يقدر يجيب اوبترا خليجى مستعمل ؟ اقصد معرض مثلا اسف مش حاقدر افيدك لان اللي معايا مفيهاش الكلام ده

15- الاعتمادية 9.5 من 10

16- العلو عن الارض براحتك خالص

17- نعومة وقوة العفشة : هل العفشة الناس مبسوطة منها ولا بتشتكى منها اي عفشة في شوارع المحروسة عايزة مراجعة كل شوية

18- الفرامل : سمعت ان فراملها مش قوية اوى زى الصنى او النيو اكسنت هل ده صحيح ؟ ولا فراملها كويسة ؟ وسمعت ان لازم تجيب تيل فرامل نوع معين وكاوتش معين بقاس معين عشان تحس بقوة الفرامل ؟ ايه مدى صحة النقطة دى كمان الفرامل كويسة جدا

19- وانا بشترى بما انى بشترى مستعمل هل اكشف عليها فى التوكيل ولا مركز صيانة ؟ انا كشفت في مركز بره بالكمبيوتر وكانت التكلفة 70 جنية


واخيرا اسف جداااااااااااا على الاطالة بس مش هلاقى افضل منكم كخبراء لمساعدتى فكل الاستفسارات دى لانى عاوز ابقى مطمن

مدام انت صليت استخارة واطمنت يبقى مهما يكون حيكون امر الله فاطمن