الموضوع: حادثة بس الحمد لله صغيرة

الحمد لله قدر الله و ماشاء فعل
عملت حادثة او بمعني ادق حادثة اتعملت فيا كنت واقف في امان الله وواحد خش فيا من ورا شخرملي الاكصدام و لبسني في اللي قدامي بس الحمد لله محصلش اضرار قدام...و بمعاينة الوضع في الاكصدام الخلفي لقيت انه خساره فيه التصليح عشان هو عبارة عن خطوط من الكسور بالطول و العرض يمين و شمال و لا مفر من التغيير و تركيب واحد جديد المهم عملت محضر عشان اثبت حالة و اروح بالعربية التوكيل بس كان عندي سؤالين:

1- ايه اخبار اللهم ما هون علينا الاسعار؟؟؟

2- انا عندي الشنطة محصلهاش حاجة خالص بس لاحظت انها عالية من الناحية اليمين اقصد الخلوص بينها و بين جسم العربية بقي اكبر و كأنها مش مقفولة انا كنت مفكر انها اتخبطت بس لا حظت ان فيه حتة مكسورة لفوق في الاكصدام الناحية اليمين برضه فهل ده هي السبب و لا الشنطة تكون اتعوجت....الشنطة بتقفل عادي و من الناحية الشمال مفيش اي مشاكل و في ناس قالتلي اما تشيل الاكصدام الشنطة هتريح لوحدها و ترجع لوضعها الطبيعي

ده اول مره هستخدم فيها التأمين و اول مره هروح فيها التوكيل في ناس بتقولي طنش و صلحها بره و خلي اول تأمين لحاجة اكبر اللهم ما احفظنا عشان اول مره مبندفعش فيها حاجة (هي ممكن تتصلح علي فكره بس مش هتأتي بنتائج ايجابية لأن الاكصدام تقريبا فيه شرخين كبار قاسمينه قطعتين و شرخ تاني بالعرض من فوق النمرة لحد اخر الاكصدام و شرخ بالعرض تحت في الحتة بتاعة الشكمان ده غير الشروخ الصغيرة, اعتقد العملية معقدة)

معلش هغلس شوية و اسأل سؤال تاني بس ملهوش علاقة بالحادثة انا بقالي كام يوم بسمع صوصوة من قدام اما بدوس فرامل او دبرياش هي مش مستمرة و ساعت بتختفي و ترجع تظهر هل ده ممكن عشان الشتا او الطينة خصوصا ان انا مغسلتش العربية من تحت و لا مره و لا ده ليه علاقة بالعفشة و عايزة تتربط؟؟؟؟
العربية موديل 2013 ماشية 4000 كم
شكرا مقدما

لا حول و لا قوة إلا بالله ربنا يكون في عونك و خلي النقرة زي ماهيا