خطوات شراء سيارة معقد شوية أرجو الافادة ؟

**alkawther60** · 31-01-2013 08:55 PM

انا لما جيت اشتري عربيتي كان كالتالي
المالك الأصلي للعربية مسافر برة مصر وعامل توكيل لمالكها الحالي المهم الرخصة كانت منتهية والجماعة كانوا مغيرين ماتور العربية المهم اتفقت معاهم هيخلصوا هما موال الافراج الجمركي ده اه كنت هنسى وكمان يفكوا حظر البنك عشان كان باقي عليها اقساط ويجددوا الرخصة ويثبتوا رقم الماتور الجديد عليها
تمام وعملوا كده فعلا سددوا الاقساط الباقية وجددوا الرخصة ومثبت عليها رقم الماتور الجديد وطبعا باسم المالك الاصلي والحمد لله كده الرخصة باقي فيها لحد شهر 8 الجاي يعني باقي فيها حوالي 7 شهور وصراحة مكنتش ناوي اشتري بعقد مسجد كنت عايزهم يعملوا لي توكيل وخلاص وانا ابقى اسجل لنفسي بعدين المهم بقى الصدمة رحنا عشان يعملوا لي توكيل قالوا لهم التوكيل اللي معاهم مينفعش يعملوا بيه توكيل تاني مفهمتش بالضبط ليه بالرغم من اني كنت هبقى التوكيل التاني في العربية
تقريبا قال ان الصيغة مينفعش يتعمل بيها توكيل تاني او مش عارف التوكيل الاولاني متوثق من السفارة مفهمتش بالضبط المهم
قولت ماعلينا واتدبست وعملت عقد مسجل باسمي دلوقتي بقى هو الرخصة اللي اتجددت دي باسم المالك الاصلي لازم تتجدد تاني باسمي ولا نقل ملكية بس وهيكلف كام ؟؟؟؟؟؟؟
وهل لو مشيت كده وطنشت لحد اما الرخصة تنتهي ايه هيا المشاكل اللي هتواجهني سواء وانا بجدد المرة الجاية او طوال هذه الفترة حتى التجديد ؟؟؟؟؟؟؟؟؟؟

ارجو الافادة ضروري مع جزييييييييييييييل الشكر

**salah_86** · 01-02-2013 01:58 AM

والله انا معنديش معلومات كافية بس كل اللى اقدر اقولهولك غير رخصة العربية وخليها باسمك امبارح قبل انهاردة
انا لما اشتريت عربية اختى تانى يوم شراها بالضبط قابلت الراجل فى الشهر العقارى وعملنا عقد مسجل وادانى شهادة المخلفات والرخصة ورحت المرور نقلت الملكية فورا ورحت بالنمر الجديدة
عربيتك باسمك رخصتك فى جيبك واشترى دماغك

**yoga** · 01-02-2013 06:34 AM

هتمشى بيها لحد ما قبل ما تنتهى الرخصه تروح تنقل الملكيه باسمك وسلامتك

**Ahmed_Rahem** · 01-02-2013 06:41 AM

المشاركة الأصلية كتبت بواسطة salah_86

والله انا معنديش معلومات كافية بس كل اللى اقدر اقولهولك غير رخصة العربية وخليها باسمك امبارح قبل انهاردة
انا لما اشتريت عربية اختى تانى يوم شراها بالضبط قابلت الراجل فى الشهر العقارى وعملنا عقد مسجل وادانى شهادة المخلفات والرخصة ورحت المرور نقلت الملكية فورا ورحت بالنمر الجديدة
عربيتك باسمك رخصتك فى جيبك واشترى دماغك

صح الكلام دة والمصرف الكبير فى نقل الملكية - الى هو التسجيل - انت خلال دفعة، تستنى لية للاخر

**AHMED_HAMDY** · 04-02-2013 11:35 AM

بص الاحسن تروح وتسجل وتنقل المرور اللي في مكانك وتريح نفسك وعربيتك باسمك وترتاااااااااح ومحدش يقدر يتكلم معاك ده لو رخصتها في مرور بعيد عنك

الحل الثاني عادي امشي ولو حد وقفك انت معاك العقد محدش هيكلمك واستنى اما تخلص الرخصه وهتعمل نفي الموضوع الاول

الاضمن اخلص من دلوقتي

علشان محدش ضامن الظروف ممكن المرور يتحرق بالملفات اللي فيه والعربيه هناك باسم صاحبها معا انك معاك عقد

صحبي مرور السويس اتحرق ولغايه دلوقتي مش عارف يرخص العربيه وماشي بتصاريح 3 شهور وتتجدد
اخلص وريح دماغك