لاهل الخبره رجاء المساعده

**dr.oun** · 01-02-2013 12:59 AM

انا جيبت سيراتو كوبيه ٢٠١١ الحمد لله حالتها نضيفه جدا
و كشفت عليها مره و ٢ في محطة خدمه كمبوتر و مره في مركز خدمه معتمد قالولي تمام
و لسه مغير ليها زيت في التوكيل قالولي طبه الزيت تقريبا اول مره تتفك
و العربيه صالونها من جوه نضيف جدا
و كذلك موكيت الارضيه و الشنطه و الطاره باين انها لسه خشنه
بس لاحظت حاجه هتجنني
قايم العربيه مع التابلوه في اليمين فيه فارق و ده مختلف عن القايم الشمال
رغم ان التابلوه مع الباب اليمين لما يتقفل مفيش حاجه طالعه عن حاجه
و بزلت بصيت علي مسامير التابلوه و صماويله واحد واحد لقيت الصماويل لسه عليها حتت زي لحام كده علي كل سنه من سنن الصاموله
يا تري ده بتاع الفابريكه ؟؟
و يا تري ايه سبب الفارق ده ؟؟

دي صوره الفارق اللي بقول لحضرتكم عليه

و دي صوره الباب مع التابلوه و هو مقفول

**temo85** · 01-02-2013 01:44 AM

عيب تقفيل او القايم اتفك قبل كده

**dr.oun** · 01-02-2013 01:57 AM

طيب دلوقتي حضرتك انا عندي القايمين الاتنين قدام يمين و شمال مفيش فيهم مسامير ربط

يا تري ايه اللي ممكن يحصل فيتفك فيه القوايم ال ٢ كده اللي قدام ؟؟

**dr.oun** · 01-02-2013 02:36 AM

Upppp

**mouraddesk** · 01-02-2013 01:14 PM

على فكرة معايا سيراتو 2010 تانى يد نفس التقفيل المعفن ده من الناحيه اليمين و العربية زى الفل ده عيب تقفيل توكل على الله لو نفسيتك مرتاحه دى من الاخر كورى و هو ده اللى ماشى فى بلدنا.
نقول مبروك انشاء الله و ابقى طمنا.

**dr.oun** · 01-02-2013 03:14 PM

هي العربيه ما شاء الله تمام بعيدا عن الموضوع ده

عندي سؤال تاني معلش

الحمد لله العربيه كانت واقفه واحد ابن حلال بيركن جنبها حك في الاكصدم الامامي جامد فبقي فيه تجريح بس غاير اوي و واضح و شكله وحش جدا

فانا عاوز اعرف لو جيبت اكصدم جديد و رشيته عند حد نضيف هياخد معجون ؟؟
او هيبان انه اتغير ؟؟

و لا افضل اعمله مرمه ؟؟ بس انا مش من هواه اني عربيتي يبقي فيها معجون خالص

و لا اشتري واحد من الحرفيين استعمال خارج نضيف ؟؟ و يا تري هلاقي اكصدم نضيف مش مرشوش و لا في نصب