الموضوع: مشكله مبتدئ في لادا سمارا

السلام عليكم ورحمه الله وبركاته
عندي عربيه لادا سمارا موديل 90 1300 سي سي
فيها شويه حاجات كده وانا عاوز اعرف تعليقاتكم عليها
اولا : سحب العربيه بحس انه ضعيف يعني الاول 20 وبالقرص 40 بس بيكون فيه صوت طقطقه ضعيفه اوي ومش علطول بتظهر والتاني بالقرص ممكن يوصل 60 وساعات 70 زمن التالت للخامس هي اخرها ال 110 ومره واحده بس جابت 130 علي الطريق الساحلي
ثانيا : فيه صوت شخلله عامل زي ما يكون صاجات او شخاليل لما بدوس علي الدبرياش
ثالثا : اول ما بطلع بيها بيكون فيه رجرجه في العربيه بس دي في بدايه التحرك بس
رابعا : لما بحطلها بنزين 90 او 92 العربيه بتاكله بسرعه بس ادائها بيكون رائع ولا صوت تسقيف ولا يحزنون انما ال 80 بيعيش كتير عن الانواع التانيه
يعني لما افول العربيه 80 ممكن اقعد من 10 ايام لاسبوعين بيهم انما في الانواع التانيه مره حطيت ب30 جنيه قعدوا معايا 4 ايام
خامسا : لما بدوس بنزين والعربيه واقفه وصوت الماتور يعلي اوي بيطلع دخان ابيض بسيط منها والميكانيكي قالي ان الماتور فيه نسبه خفيه صغيره وناس تانيه قالت الماتور كويس بس انا عارف ان كل الصنايعيه عاوزه تعمل شغل وخلاص

نسيت اقولكم ان العربيه الميكانيكي بيقول انها محتاجه ديسك او اسطوانه وديسك وبلي

يا ريت مكونش طولت عليكم بس انا عاوز اتطمن علي العربيه ولو فيه حاجه تتعمل تزود من كفائتها في حدود الاسعار المعقوله تقولولي لاني خبرتي ضعيفه
وغير كده كل ما كانت حاجه بتبوظ كنت بغيرها مش بصلحها
يعني مره الرابع راح مني كان الغيار بينقل بس مش بيمشي بالعربيه روحت غيرت جيربوكس 5 غيار (525 جنيه من عند زغلول اللي في الحضره علشان لو حد عاوز يجيب وغيرت مارش ب170 جنيه وعملت عمره عفشه بسبب مطب حوالي 500 جنيه بالمصنعيه وجيبت سيرفوا جديد للفرامل 220 من الهندسيه اللي ورا المحافظه )
اسف لطول الموضوع بس انا اول مره اجيب عربيه ودي بقالها 6 شهور معايا