الموضوع: الجوازات تبدأ ربط نظام بصمة العين لتجديد الإقامة !

بغض النظر عن السرقه
المشكله الحقيقيه
تكمن فى ان احنا طول عمرنا بنقول عليهم بقر

بس هما اعترفوا ان مهاراتهم لا تسعفهم و جابوا ناس عملولهم الانظمه المختلفه و مشيوا عليها

و بقوا مستخدمين و بعد قليل اصبحوا مصنعين للأنظمه

و احنا زى ما احنا

لا اعترفنا اننا حمير علشان نحاول نصلح من نفسنا , بس فالحين فى العنطزه الفارغه

و لا اعترفنا انهم اصبحوا يفوقونا بمراحل ضوئيه و لا زلنا بنشكك فى كده و بنقول بفلوسهم بس هم مش فاهمين حاجه

تحياتي ليكم جميعاً
ويا دكتور حازم بتتكلم بجد في فيش عند في مصر اليكتروني ... اصل احنا عندنا هنا لسه بالنظام القديم ... وحتى الشهر العقاري بالنظام القديم وكلو قديم في قديم حتى مثلاً على سبيل المثال الراجل بتاع المرور بتاع النمر من اول ما قالوا ياكتوبر وهو بنفس الاوضة وعلى نفس المكتب وبالبدلة السفري الكاكي بتاعتوا ...

التامينات الاجتماعية في المتميز مفهاش غير كمبيوتر واحد وتقعد ساعه علشان تعملك برينت .... او تعرف عليك كام !
وشوف بقه الزحمة قد ايه !

الاحوال المدنية كمان مفهاش غير كمبيوتر واحد وكميرة زباله ابيض واسود بتطلع صورة الواحد كانوا مجررررم والاستلام بعد ١٥ يوم. تقلش هيبعتوا يجيبوا بطاقة من امريكا !

الشهر العقاري بتفضل تلف بين الموظفين وانتا سعيد ومبتسم وتقول حالوو يا حلووو. شهر عقاري جميل يا حلوو .

السجل التجاري بقه الي مسخررررة ... دخلتوا زمان وعدم المؤخزة شميت ريحة موبلة فسئلت الموظف قالي لا ساعتك اصل الجيران الي فوق المجاري ضاربة عندهم. ولغاية دلوقتي الجماعة الي فوقنا رافضين يصلحوها .

مصلحة الضرايب بقه جمب الحصري ما اجمل الغرف وما احلى المكاتب وملفات مترمية هنا وورق متنتور هنا وهناك وتلاقيك ماشي بتدوس على ملفات المواطنين وتيجي تقولهم يا جماعة حد يحوش الورق الي مرمي على الارض يقولك مش مهم مش مهم ياباشا .
ولا الارًشيف ياعيني على الارشيف ياسيدي على الارشيف .

والكلام ده بقالو سنين وسنين على ده الحال القصد ان فعلاً دول الخليج تقدموا علينا بعشرين سنة ضوئية او شمسية اوفلكية لقدام ... انا حتى لمن بسافر لمطار الملك فهد ولا مطار الملك خالد ولا مطار مش عارف ايه. ... وارجع مصر اكتشف اننا عندنا موقف ميكروبصات طيارات مش مطار دولي عالمي على مستوى

القصد فعلاً زي ماقال استاذ احمد فعلاً الحياة بره سهله جداً .... من حيث المعاملات الحكومية .... في حين عندنا في مصر يطلعووو عينك وعين الي خلفوني علشان اطلع مستخرج ولا اجدد ترخيص او ملف او تصريح . ... ده احنا لغايت دلوقتي كل ما اروح ادفع فتورة الانترنيت واقوف طابور. وبعد ما ارووح واقف نص ساعة ابص الاقي الموظف يقول معليش يا جماعة السيستم واقع .... لغايت دلوقتي يا دكتور حازم تلاقي ناس وجماهير قاااد كده وموظف واحد بس شغال على شباك واحد وباقي الموظفين مريحين. او قفلين شبابيكهم .

لغايت دلوقتي الخزنة في مصر بتقفل الساعه ١٢ وان ملحقتهاش يبقى فوت علينا بكرة !!

لغايت دلوقتي الناس مش محترمة حاجة اسمها طبور ... وعندهم حساسيه من الطوابير والنظام وكل واحد ينط على الشباك ويقلك معليش هسئل بس الموظف عن حاجة. ويجي يسئل الموظف تبص تلاقيه يلبد على الشباك !!

بره اول ماتخش اي مكان. بيبقى منظم زي البنك كدة ! و تسحب رقم وتقعد تستنى دورك مفيش حاجة اسمها هسئل او هبص او هقول للموظف حاجة هههههه ... ما انتا سافرت يا دكتور حازم وعارف الحياة بره عاملة ازاي ويارب يطبقوا نظام النزهة عندنا ويبقى كل شيء اليكتروني ... بس حقيقةً يا دكتور مشكلة ان مثلاً لو ارتكبت جريمة وجيت للشرطة قلتلهم طيب ما ترفعوا البصمات تبص تلاقي امين الشرطة بصلك ودحك كده ويقولك شكلك بتتفرج على مسلسلات كتير هههههههههههههههه وتحياتي