انا لسه شاري ساعه عن طريقهم , تقييمي ليهم انهم جيدين جدا ,
الطلب وصل في 18 يوم , هم بس رايقين شوية و تحس ان موضوع الوقت ده مش فارق معاهم قوي
ميزتهم ان الشحن عن طريقهم بيقف ارخص من لو انت شحنت بنفسك , تكلفة شحن النص كيلو عندهم من امريكا لمصر 7.5 دولار ,
انا شايف ان اسعارهم معقوله جدا , وخدمتهم الى حد بعيد جيده
المهم انك قبل ماتشتري الحاجه اللي عايزها تحسب تمنها كويس عن طريق الموقع بتاعهم عشان تتأكد انها تفرق عن مصر , لأن انا شايف في ناس بتشتري حاجات بنفس التمن اللي هنا , لازم تقارن كويس الاول
بتدفع التمن كله مقدم فيما عدا قيمة الشحن لمصر ده بتدفعه عند الاستلام , وممكن تروح عندهم في مساكن شيراتون تستلم او يبعتولك حد من عندهم لغايه عندك يسلمك بتكلفة 20 جنيه
ادخل على موقعهم هاتلاقي تفاصيل اكتر
المفضلات