فندق 3 نجوم

**matrix_it** · 02-02-2013 11:21 PM

يا رجالة هو الفنادق ال3 نجوم بيبقى فيها تليفزيون و تلاجة و معلش حاجة كمان هو بيبقى حمامات مشتركة
كلامى على القاهرة ! شكراااااااا

**dedi** · 03-02-2013 12:19 AM

كل الكلام دة و فقا لادارة الفندق يعنى ممكن عدد الثلاجات غير كافى و التليفزيونات فممكن يساومك عليهم عادة الحمام بالغرفة افضل شئ عند الحجز أسأل عن التفاصيل
فية فندق أرشحة لحضرتك لو حبيت نزلت بة مرتين و هو معقول واهم حاجة انة تشعر فية بالامان

**matrix_it** · 03-02-2013 12:52 AM

ممكن تقولى على اسمه لو سمحت و بكام الليلة و مكانه فين

**dedi** · 03-02-2013 11:56 PM

اسمة يا باشا هابى تون او هابى تاون موجود فى شارع الجمهورية بعد معرض بافاريا هو 3 نجوم نزلت فية مرتين مستوى الغرف متوسط بها حمام داخلى و تليفزيون و تليفون بدون ثلاجة ماعرفش ممكن تطلبها او لا بس الدنيا شتاء حاليا تقريبا اليلة 120 جنية من سنة كان السعر للغرفة المذدوجة لفردين بالافطار وهو افطار ممتاز
أكثر شئ عجبنى فى الفندق انة محترم للغاية يعنى موش بيحصل فية الكلام الفاضى و لا رقص يعنى حضرتك لو معاك اسرتك ممكن تسيبهم وانت مطمن و طبعا قريب من وسط البلد
أقترح عليك أحجز بالتليفون وهو حجز مجانى بدون تأمين و قارن بينة و بين أى فندق أخر
و ياريت تفيدنا اذا كنت نزلت بة او تجربتك مع اى مكان اخر
تحياتى

**matrix_it** · 04-02-2013 12:24 AM

تمام ! الف شكر لحضرتك
ان شاء الله انا مش هيبقى ليا دخل فى الموضوع صاحبى قالى هتصرف انا
بس هو بيقارن بين فندقين واحد فى شارع الهرم وواحد فى الدقى
انا مش عارف المكانين دول فين بظبط فى القاهرة عشان مروحتش القاهرة غير رحلات يوم واحد و كنت صغير :d
بس لو تفيدنى تقولى اركب ايه عشان لما انزل القاهرة مابقاش بعيد عن الفندق
الف شكر لحضرتك و ان شاء الله التقرير هيبقى فى نهاية الاسبوع ان شاء الله

**matrix_it** · 04-02-2013 12:26 AM

تمام ! الف شكر لحضرتك
ان شاء الله انا مش هيبقى ليا دخل فى الموضوع صاحبى قالى هتصرف انا
بس هو بيقارن بين فندقين واحد فى شارع الهرم وواحد فى الدقى
انا مش عارف المكانين دول فين بظبط فى القاهرة عشان مروحتش القاهرة غير رحلات يوم واحد و كنت صغير :d
بس لو تفيدنى تقولى اركب ايه عشان لما انزل القاهرة مابقاش بعيد عن الفندق
الف شكر لحضرتك و ان شاء الله التقرير هيبقى فى نهاية الاسبوع ان شاء الله

**dedi** · 04-02-2013 12:39 AM

أسف موش عارف افيدك أزاى أنا موش من القاهرة
الفندق فى شارع الجمهورية يعنى تنزل من المحطة السكة الحديد و تطلع مشى على شارع الجمهورية 10 دقائق من المحطة تقريبا او تاكس تعطية تقريبا 5 جنية