الموضوع: رجرجه مع الفرامل التنرا 2010

هي أعراض طنابير و ممكن كاوتش بس نظام سواقتك ايه ؟؟ رجلك تقيلة ع الفرامل و دايما من سرعات عالية ؟؟ و محافظ ع تغيير التيل دايما ؟

المشاركة الأصلية كتبت بواسطة solly1979

يا باشا بقلك العربيه عامله 30 الف
اصلا انا بسقهاش هى مع المدام بسوقها كدة كل فترة
الكاوتش جديد لسه مغيرة
رجلى تقيله بالفعل على الفرامل بس عادى فى كل العربيات بغير تيل كل 15 الف
التيل الامامى متغير من 5 الاف والفابريكه كان قعد 25 الخلفى لسه بتاع الفابريكه

و الله ممكن يا باشا خاصة لو رجليك تقيلة ع الفرامل الطنابيير بتتبهدل و هتبقي محتاج تخرطها عشان ترجع مستوية تاني او تجيب جديد اذا كان تيل الفرامل الفبريكة قعد معاك 25 الف :) مع ان الفبريكة في اي عربية جبتها او عندنا في البيت وصل لـ40 الف و كان بيبقي باقي فيه شوية و اي نوعية عادية بتدخل في 15-20 الف و بنقول عليها تعبانة
و احتمال يكون من نوعية التيل اللي جبته بس الأفضل حد يبصلك علي الاتنين و لو التيل الفبريكة لسه فيه شوية ممكن تركبه و تجرب نفس الرجة موجودة و لا لأ

المشاركة الأصلية كتبت بواسطة solly1979

40 الف للتيل الفابريكه اول مرة اسمع المعلومه ديه
كان معايا لانوس زيرو وغيروة على 20 وكمان والدتى معاها ماتريكس التوكيل غيرلها على 15 اكيد التوكيل اشتغلوناااا
على العموم التيل لسة معايا علشان انا حسيت انه لسه فيه بس كان فى رجرجه بردة والفرامل كانت واطيه قلت اغيرة
وبعد التغيير الرجرجه راحت والفرامل علييت وبقت تمام
بس دلوقتى الرجرجه على السرعات العاليه ولكن جوة البلد والسرعات القليله غير ملحوظه الا لو دست جامد على الفرامل
شكلها كدة عايزة فاكه للطنابير الامامى والخلفى ونبص على الطبيعه

يااااه 15 الف ؟؟ ده انا بقول 40 الف و فيه شوية يمشي بتاع 2000-3000
في التوكيل عندنا مثلا فيه ناس غيرولهم طقم الكهربا كلهبالرغم انهم مشتكوش من حاجة و ظهرت مشاكل بعد تغيير الطقم الجديد و غالبا التوكيلات بتمشي ع جدول صيانة يعني في صيانة 20 الف التيل يتغير يبقي يتغير سواء لسه فيه او خلص و الله اعلم الأفضل تشوف القطع الأول قبل التغيير و ده اللي بعمله خاصة اني بعمل الصيانات بنفسي
بخصوص الرجرجة غالبا فيه حاجة في الطنابير خليهم يبصولك عليها