عايز اروح الشغل بالعجلة ..... ايه رأيكم بجد انا ناوي ان شاء الله :)))

**SonaSteel** · 03-02-2013 01:21 PM

ياخوانا انا اتخذا قرارا بأمر الله اريدكم ان توافقوني عليه

انا عايز اروح الشغل بالعجلة :))) ....... بس عايز حد يشجعني
الفكرة هاتفرقع من نفووووووووخي :d

مين قالي جااي ويشجعني بالله عليكم :d

اول سبب انها رياضة وعايز اخس
وتاني سبب توفير للبنزين :))

من البيت للشغل حوالي9-10 كم ... رايح وزيهم جاي

انا في حلمية الزيتون وشغلي جنب طيبة مول

العجلة مركونة من ايام ثانويه عامة ....... يعني من 2001 تقريبا ....... يانهار ابيض بقالها 12 سنة ههههههههههههههه
بس هي شغالة متقلقوش اكيد مش هاغيرلها لا زيت ولا مية ريداتير ولا سيور

ممكن بس هاحتاج شنبرين قدام وورا ....... وتيل امامي وخلفي ههههههههههه

مشكلتي بقي في الكلاكس .... اكيد مش هاركب جرس

ايه رأيكم ؟؟ ....... :))

**kar!m** · 03-02-2013 01:44 PM

فكرة حلوة على فكرة .. عندنا في القرية الذكية في ناس كتير بتييجي بعجل.

و انا عموما بركب عجل عادي بس بنطلع طلعات .. مبروحش بيها الشغل يعني :-)

هي متوسط سرعتك لو ماشي عادي 15 كيلومتر/ساعة .. يعني هتوصل الشغل في أقل من ساعة.

**SonaSteel** · 03-02-2013 01:50 PM

طيب عامة هو تظبيطها اعتقد مش هاتتكلف كتير
لو هانظبط طلعه او هاتطلعوا طلعه يا كريم ... اطلع معاكم هههههههههههههه
و انا بتفق مع واحد صاحبي في المكتب نجي مع بعض او نروح مع بعض ان شاء الله

ان شاء الله اقل من ساعه وخاصة اني هامشي في الطريق الرئيسي اللي هو واقف اصلا ان شاء الله

هاجرب مش هاخسر حاجة

بس انا محتاج اغير الكاوتش نفسه مش الشنبر ؟؟ ....... وتكلفته كام انا
معرفش اسعار طبعا :))

**ehab_mansour** · 03-02-2013 02:01 PM

دوس ياعم و متقلقش مش هتتكلف كتير يعني كاوتش كامل امامي و خلفي مش هيزيد عن 50 جنيه و فرامل بتاع عشره جنيه
بس اللي يقدر يكمل بيها لأن كلما زاد الوزن كلما احتاجت لمجهود اكتر للحركة و بعدين لو عجلتك من النوع اللي كاوتشه رفيع هتتعبك لأنه هينام منك كتير بسبب الوزن المهم جرب و مش هتخسر حاجه و ربنا يعينك بس هتلحلح من التعب يارب سحس ربنا معاك يا سديكي

**SonaSteel** · 03-02-2013 02:11 PM

هوووووووووبا .... لا الحمد لله اللي عندي كاوتشها عريض علشان الثبات هههههههههههههه
توكلنا علي الله
ويااااااارب أخس :))

**MTAK** · 03-02-2013 02:13 PM

ربنا يقويك

تجربه جميله
بالمناسبه هو انت كنت فى اسوان من 3 ايام؟

**SonaSteel** · 03-02-2013 03:12 PM

المشاركة الأصلية كتبت بواسطة mtak

ربنا يقويك

تجربه جميله
بالمناسبه هو انت كنت فى اسوان من 3 ايام؟

أمين يارب ......... هاحاول ان شاء الله :d

لا والله ياريييييييت ........ انا من ساعه ما روحت اسبوع توشكي وانا محطيتش رجلي في قطر وحرمت اقعد 17 ساعه في طريق ههههههههههه :))

-

-

-

الموضوع: عايز اروح الشغل بالعجلة ..... ايه رأيكم بجد انا ناوي ان شاء الله :)))

LinkBack

أدوات الموضوع

عرض

عايز اروح الشغل بالعجلة ..... ايه رأيكم بجد انا ناوي ان شاء الله :))) - انشر الموضوع فى :

-

-

-

-

-

-

المواضيع المتشابهه

ناوي اوفر في الصيانة .. و كمان اجيب الافضل .. ايه رأيكم تشاركوني ؟؟؟

هشتري الصني الجديده إن شاء الله.. و عايز رأيكم

زجاج لوجى طااااااااااااااااااااارالسلام عليكم النهاردة الصبح جيت اروح الشغل لاقيت الز

لسه نازل اروح الشغل لقيت الفردتين علي الأرض

ناوي اشتري Brilliance FRV .... عايز رأيكم في كذا حاجة

الكلمات الدلالية لهذا الموضوع

المفضلات

المفضلات

ضوابط المشاركة